<p>ស្ត្រីជនជាតិចិនម្នាក់ ដែលបានហែកព្រះឆាយាល័ក្ខណ៍របស់ព្រះមហាវីរក្សត្រ ត្រូវបាននគរបាល<br />បញ្ជូនដល់តុលាការសាលាដំបូងរាជធានីភ្នំពេញ កាលពីព្រឹកថ្ងៃទី២៣ ខែតុលានេះ។</p>
<p>ស្ត្រីជនជាតិចិន ដែលជាអ្នកគ្រប់គ្រងរោងចក្រកាត់ដេរ ឈ្មោះ TOP WORLD ស្ថិតនៅសង្កាត់<br />ក្បាលកោះ ខណ្ឌមានជ័យ ដែលបានហែករូបថតព្រះឆាយាល័ក្ខណ៍ព្រះមហាវីរក្សត្រ សម្តេចឪ <br />នរោត្តម សីហនុ និងត្រូវបានអាជ្ញាធរឃាត់ខ្លួននាព្រឹកថ្ងៃទី២២ ខែតុលា កន្លងទៅ ត្រូវបានចោទ<br />ប្រកាន់ពីបទរំលោភរដ្ឋធម្មនុញ្ញ និងច្បាប់ព្រហ្មទណ្ឌរបស់ប្រទេសកម្ពុជា ដែលបានកំណត់ថា <br />អង្គអតីតព្រះមហាក្សត្រ មិនអាចរំលោភបានឡើយ។</p>
<p><a class="thickbox" title="" href="/FileManager/Commons/2012/10/23/women-china-to-tear-pictur-sihanouk-king-diecen1-23-10-2012--10-36-11.jpg"><img style="display: block; margin-left: auto; margin-right: auto;" src="/FileManager/Articles/mce/2012/10/23/women-china-to-tear-pictur-sihanouk-king-diecen1-23-10-2012--10-36-11.jpg" alt="" width="392" height="245" /></a><br />ប្រភពពីកម្មករ កម្មការិនីរោងចក្រ និងអាជ្ញាធរ បានឲ្យដឹងថា នៅក្នុងរោងចក្រ ស្ត្រីជនជាតិចិន<br />នោះបានដណ្តើមយករូបព្រះឆាយាល័ក្ខណ៍ពីកម្មករ កម្មការិនី ដែលកំពុងកាន់យកចូលទៅក្នុង<br />រោងចក្រ ហើយហែកចោល ទើបធ្វើឲ្យកម្មកររាប់រយនាក់ផ្ទុះកំហឹងតវ៉ា និងទាមទារឲ្យទៅសុំ<br />ទោស និងកោរសក់ចំពោះទង្វើប្រមាថលើព្រះមហាវីរក្សត្រដូច្នេះ។ <br /><br />បន្ទាប់មក ស្ត្រីជនជាតិចិននោះត្រូវបានប៉ូលិសដាក់ខ្នោះ ហើយលុតជង្គង់ ថ្វាយបង្គំសូមទោស<br />ចំពោះមុខព្រះឆាយាល័ក្ខណ៍របស់ព្រះមហាវីរក្សត្រ នៅមុខរោងចក្រកាត់ដេរ ស្ត្រីជនជាតិចិនរូប<br />នេះ បច្ចុប្បន្នត្រូវបានបញ្ជូនទៅតុលាការក្រុងភ្នំពេញ ដើម្បីកាត់ទោសតាមច្បាប់។</p>
<p><a class="thickbox" title="" href="/FileManager/Commons/2012/10/23/1100237621743032894871922164n-23-10-2012--11-31-30.jpg"><img style="display: block; margin-left: auto; margin-right: auto;" src="/FileManager/Articles/mce/2012/10/23/1100237621743032894871922164n-23-10-2012--11-31-30.jpg" alt="" width="404" height="302" /></a><br />សូមរំលឹកថា កាលពីប៉ុន្មានថ្ងៃមុន ស្ត្រីជនជាតិថៃម្នាក់ បម្រើការផ្នែកព័ត៌មាន នៅទូរទស្សន៍ប៉ុស្តិ៍<br />លេខ៣ របស់ថៃ ក៏ត្រូវបានគេរិះគន់យ៉ាងខ្លាំង ហើយនាងក៏បានសូមខមាទោសចំពោះកំហុស<br />អចេតនារបស់ខ្លួន ខណៈកំពុងផ្សាយព័ត៌មាននៅមុខព្រះបរមរាជវាំង ដែលពេលនោះ នាងបាន<br />ដាក់ព្រះឆាយាល័ក្ខណ៍របស់ព្រះមហាវីរក្សត្រ នៅក្បែរជើង។ ប៉ុន្ដែបើធៀបនឹងកំហុសរបស់ស្ដ្រីជន<br />ជាតិថៃ គេជឿថា ស្ដ្រីជនជាតិចិន មានកំហុសធំជាងច្រើនណាស់៕</p>
<p> </p>
<p style="text-align: right;">ដោយ ៖ សូរីយ៉ា<br /><br /></p>