<p><strong>ភ្នំពេញៈ</strong> អតីតតារាសម្តែង ធ្លាប់មានឈ្មោះ បោះសំឡេង លើវិថីសិល្បៈ លោក ស៊ុក សុភា<br /> បានផ្អាកពី ការងារសិល្បៈ ដោយ ទៅសម្ងំ រស់នៅយ៉ាង មានសេចក្តីសុខជាមួយ ភរិយារូប<br />ស្រស់ នៅអូស្ត្រាលី ។ ថ្មីៗនេះភរិយារបស់លោក ទើបតែសម្រាល បានកូនប្រុសទី២ ប៉ុន្តែកូន<br />ប្រុសបណ្តូលចិត្ត របស់លោក ដែលទើបតែកើតនោះ ហាក់មិនសូវមានសុខភាពល្អ ប៉ុន្មានទេ ។</p>
<p>កាលពីម្សិលមិញ នៅក្នុងបណ្តាញទំនាក់ទំនងសង្គម Facebook របស់ភរិយាលោក ស៊ុក សុភា<br /> បានរំលេចរូបថត ជាច្រើន សន្លឹក បង្ហាញពីការសម្រាល បានប្រុសទី២ របស់ពួកគេ ចាប់តាំងពី<br /> បានរៀបការ តាមប្រពៃណីមក គឺបានទទួល ចំណងដៃអាពាហ៍ពិពាហ៍ កូនស្រីសំណព្វចិត្ត និង<br />កូនប្រុសម្នាក់ទៀត ដែលទើបតែឆ្លងទន្លេថ្មីៗនេះ ។</p>
<p>តាមរយៈរូបថត ដែលភរិយារូបស្រស់ របស់តារាសម្តែង លោក ស៊ុក សុភា បានបង្ហោះនៅ<br />លើ បណ្តាញទំនាក់ទំនង សង្គមនោះ បានសរបញ្ជាក់ឲ្យឃើញថា ក្រោយពីឆ្លងទន្លេ ម្តាយ<br />របស់ទារក មានសុខភាពល្អ តែសម្រាប់ទារកដែលបានកើតមកភ្លាម ហាក់ មានសុខភាព <br />មិនសូវរឹងមាំទេ ដោយតម្រូវឲ្យសម្រាក នៅមន្ទីរពេទ្យ ឲ្យក្រុមគ្រូពេទ្យពិនិត្យ និងថែទាំសុខ<br />ភាព យ៉ាងយកចិត្តទុកដាក់បំផុត ។</p>
<p>គួរបញ្ជាក់ថា លោក ស៊ុក សុភា បានសម្រេចចិត្ត រៀបមង្គលការ យ៉ាងអធិកអធម កាលពីចុង<br />ខែមិថុនា ពាក់កណ្ដាលឆ្នាំ២០១២ ជាមួយនារីរូបស្រស់ ជាអណិកជនខ្មែរ រស់នៅអូស្រ្តាលី <br />គឺនាង ហ្សារីណា ខណៈដែលពួកគេទាំងពីរ មានកូនស្រី១ មុនក្រាបផ្ទឹមរៀបការទៅហើយ។ <br />ក្រោយពីមានចំណងស្នេហ៍ឆ្លងទ្វីប លោក ស៊ុក សុភា ហាក់ឆាកឆ្ងាយពី ការងារសិល្បៈស្ទើរតែ<br /> ទាំងស្រុង ដោយលោកមានភារកិច្ច ជាមន្រ្តីពង្រឹងបក្ស នៅក្នុងខេត្តកំពត មុនពេលបោះឆ្នោត <br />តាមរយៈការផ្ដល់ មុខតំណែងទ្រើសគ្រាន់បើ ក្នុងចរន្តការងារ។ ប៉ុន្តែរវាងលោក និងភរិយាក៏<br />ធ្លាប់លេចឮ ភាពរកាំរកូសម្ដង រួចមកហើយដែរ មុនពេលភរិយាលោក ចេញទៅអូស្ត្រាលី <br />តែពីរនាក់កូនស្រី។</p>
<p>យ៉ាងណាក៏ដោយ រហូតមកពេលនេះ ក្រោយពីស្ងប់ស្ងាត់ ពាក្យចចាអារ៉ាម នៃជម្លោះ លោក <br />ស៊ុក សុភា និងភរិយាសាច់ចាំ នាងហ្សារីណា បានទទួលនូវចំណងដៃ កូនប្រុសម្នាក់ទៀត <br />ដែលទើបតែប្រសូត្រ កាលពីពេលថ្មីៗនេះ ជាហេតុធ្វើឲ្យព័ត៌មាន រអេចរអូចទាំងឡាយ ផុត<br />រលត់ទៅដោយឯកឯង និងប្រែមកវិញនូវ ពាក្យជូនពរ ឲ្យពួកគេទាំងពីរ ពោរពេញដោយ <br />សុភមង្គលហៀរហូរ ជាមួយនឹងចំណងដៃ កូនប្រុសទី២នេះ ៕</p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0054.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0055.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0056.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0057.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0058.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingToday<br />ផ្តល់សិទ្ធិដោយ ៖ ដើមអំពិល </p>