<p><span style="color: #000000;"><strong>(ភ្នំពេញ)៖</strong> ខ្សែរឿង«ហង្សបាក់ស្លាប» ដែលជាខ្សែភាពយន្តមួយ ត្រូវបានគេដឹងថា ទិញតពីប្រទេសថៃ ដើម្បីផលិតជាសាច់រឿង ក្នុងរូបភាពតួរបស់ខ្មែរ បានរកឃើញតួឯកស្រីម្នាក់ទៀតហើយ ក៏តារាសម្ដែងសិចស៊ី កញ្ញា ដួង ម៉ានិច ខណៈដែលតួឯកស្រីជាច្រើនរូបត្រៀមខ្លួនចូលថតនោះ ត្រូវបានផ្លាស់ប្ដូរជាហូរហែ យ៉ាងអាថ៌កំបាំង។ ប៉ុន្តែក្រោយពីតំណែងតួឯកក្នុងរឿងនេះ ធ្លាក់មកលើកញ្ញា ដួង ម៉ានិច បែរជាផ្ទុះសំឡេងរិះគន់ និងដៀមដាមពីអ្នកសិល្បៈដូចគ្នា ថា ដួង ម៉ានិច មិនសមនឹងទទួលបានតំណែងជាតួឯកស្រីក្នុងរឿងនេះទេ ព្រោះមុខស្រែៗបែបនេះ។ </span></p>
<p><span style="color: #000000;">ខ្សែភាពយន្តរឿង «ហង្សបាក់ស្លាប» ក៏ត្រូវគេកត់សម្គាល់ឃើញថា មានសភាពរញ៉េរញ៉ៃ រកលេខដាក់គ្មាន ព្រោះត្រូវប្ដូរតួសម្ដែងឯកជិត១០នាក់ទៅហើយ សូម្បីតែអ្នកដឹកនាំរឿងវិញ ក៏ដូរចុះដូរឡើងមិនតិចអ្នកដែរ។ ដំបូងឡើយតួឯកស្រីក្នុងរឿងនេះ ត្រូវបានគេរើសយកនាង ម៉ៃយ៉ា ដែលជាកូនកាត់អាល្លីម៉ង់ ប៉ុន្តែក្រោយមក នាងក៏របូតតំណែងតួឯកនេះបាត់ ហើយក៏ល្បីថា ធ្លាក់ក្នុងដៃកញ្ញា ម៉ាក សែនសូនីតា ហៅ តូតា ។ ជាមួយគ្នានេះ ក៏ស្របនឹងដំណឹងថា កញ្ញា នៅ សុនីតា ក៏ត្រៀមខ្លួនធ្វើតួឯកក្នុងរឿងនេះដែរ។ ប៉ុន្តែចុងក្រោយ ក៏មានវត្តមាន ដួង ម៉ានិច តារាសម្ដែងសិចស៊ី ដែលនាងទើបតែចេញមកក្រោយសោះ បែរជាក្រសោបបានតំណែងក្នុងរឿងនេះទៅវិញនេះ។</span></p>
<p><span style="color: #000000;">ប្រភពពីអ្នកសិល្បៈ បាននិយាយថា រឿងនេះដូរតួជិតមួយលាននាក់ហើយ តារាស្រីក្នុងសិល្បៈនរណា ក៏ផលិតករតថ្លៃយកទៅសម្ដែងដែរ តែបែរជាមិនយក ហើយដូរតួទៅវិញ វាដូចជាធ្វើអីលឿនៗ តាមតែចិត្តនឹកឃើញ ធ្វើឲ្យអ្នកសិល្បៈជាច្រើនអន់ចិត្ត។ ជាក់ស្ដែងសូម្បីតែតួម៉ែចុង ក៏ដូរពី អ៊ុន អាលីហ្សា មកជា ទឹម រដ្ឋា ដែរ។ អ្វីៗដូចជាក្មេងលេងបាយឡុកបាយឡ។ អ្នកសិល្បៈដដែលបាននិយាយថា<strong> «តួឯកយកអ្នកណាមិនយក! យក ដួង ម៉ានិច មុខនាងមិនសមជាតួស្រី ក្នុងរឿងនេះឡើយ ព្រោះ តួស្រីក្នុងរឿងនេះជាប្រភេទនារីហាយសូ (កាលីបខ្ពស់) កូនអ្នកមានជាន់ខ្ពស់ ប៉ុន្តែដួង ម៉ានិច មិនមានបុគ្គលិកលក្ខណៈ ដូចបែបនេះឡើយ ពោលគឺស្រែៗ!»</strong>។</span></p>
<p><span style="color: #000000;">ផ្ទុយពីនេះ ប្រភពជិតដិតនឹងតារាសម្ដែង ដួង ម៉ានិច បាននិយាយថា ដួង ម៉ានិច ក្រោយពីក្រសោបបានតំណែងតួឯក ទោះបីត្រូវប្ដូរតួជិតមួយរយនាក់ មុននឹងមកដល់នាងក៏ដោយ ក៏នាងមិនខ្វល់ឡើយ សំខាន់វាគឺពិតជារបស់នាង១០០ភាគរយ ។ ដួង ម៉ានិច ត្រូវថតបណ្ដើរៗ ហើយគ្រោងនឹងទៅស្នាក់នៅ ខេត្តសៀមរាប នៅសណ្ឋាគារសូហ្វីតែល ដល់ទៅ១ខែ ដើម្បីថតរឿងនេះ ហើយគេងស្នាក់នៅសណ្ឋាគារលំដាប់ផ្កាយ៥ នេះទាំងអស់។</span><br /> <br /><span style="color: #000000;">ក្រៅពីបានតំណែងតួឯកប្រាក់ចំណូលវិញ ក៏មិនធម្មតាដែរ ដូចនេះនាងជះលុយទិញខោអាវ គ្មានស្ដាយស្រណោះអ្វីឡើយ ពោលគឺ ដួង ម៉ានិច ត្រូវធ្វើខ្លួនឲ្យសមនឹងតួឯកក្នុងរឿង ទោះ ខោអាវមួយកំប្លេមានតម្លៃរហូតដល់២០០ដុល្លា ក៏នាងទិញស្លៀកដែរ។ ដួង ម៉ានិច ពិតជាកើតពីគ្រួសារអ្នកលំបាក ទើបតស៊ូក្នុងសិល្បៈ ដើម្បីស្វែងរកភាពល្បីល្បាញ និងលុយជួយគ្រួសារ ពេលក្រសោបបានតំណែងធំបែបនេះ ជាឱកាសឲ្យនាងសាងភាពល្បីល្បាញបន្ថែម ។ ដូចនេះនាងគ្មានពេលខ្វល់ នឹងសម្ដីអ្នកដទៃនោះឡើយ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-05-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-06-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-06-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-06-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-06-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-06-5.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-06-6.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-06-7.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-06-8.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-07-9.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-07-10.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-07-11.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-07-12.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-07-13.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-08-17.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-08-18.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-08-19.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-07-19-15-59-09-20.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>