<p><span style="color: #000000;"><strong>(ប៉ារីស)៖</strong> ប្រាក់រង្វាន់ចំនួន ៤.៤លានដុល្លារអាមេរិករបស់ UEFA បានត្រៀមរួចរាល់ហើយសម្រាប់ជូនក្រុមទទួលបាន ជ័យជំនះប៉ូឡូញ ឬព័រទុយហ្គាល់ ឡើងទៅវគ្គពាក់កណ្តាលផ្តាច់ព្រ័ត្រនៃព្រឹត្តិការណ៍បាល់ទាត់ Euro 2016 នៅប្រទេសបារាំង។</span></p>
<p><span style="color: #000000;">នៅលើគេហទំព័រផ្ទាល់របស់ UEFA បានបញ្ជាក់ថា គិតមកដល់ពេលនេះ ស្ថាប័នគ្រប់គ្រងកីឡាបាល់ទាត់ប្រចាំទ្វីបអឺរ៉ុប UEFA បានធ្វើការបែងចែកប្រាក់រង្វាន់ទៅដល់ ២៤ជម្រើសជាតិសាសន៍ អស់ជាងពាក់កណ្តាលហើយ ហើយក៏បានរៀបចំប្រាក់ ៤.៤លានដុល្លារបន្ថែមផងដែរ សម្រាប់ក្រុមណាកក់កៅអីឡើងទៅវគ្គ៤ក្រុមចុងក្រោយមុនគេ។</span></p>
<p><span style="color: #000000;">សូមបញ្ជាក់ផងដែរថា ទឹកប្រាក់ចំនួន ៤.៤លានដុល្លារនេះដែរ នឹងធ្វើការចែកជូនទាំង ៤ក្រុមដែលបានឆ្លងផុតវគ្គ៨ក្រុម ក្រោយបញ្ចប់ការប្រកួតថ្ងៃទី០១-០៤ ខែមិថុនា ឆ្នាំ២០១៦ តែសម្រាប់ក្រុមចាញ់ហាលអាវ UEFA មិនបានបញ្ជាក់ថា ទទួលបានប្រាក់រង្វាន់ប៉ុន្មាននោះឡើយ ដោយគ្រាន់តែបង្ហើបប្រាប់ថា គ្រប់ក្រុមទាំង ២៤ក្រុមដែលបានឆ្លងផុតវគ្គជម្រុះ ឡើងមកលេងវគ្គចែកពូលនៅបារាំងលើកនេះ បង់សិទ្ធិចូលរួមប្រកួតចំនួន ៩លានដុល្លារ។</span></p>
<p><span style="color: #000000;">សម្រាប់រាត្រីម៉ោង ២រំលងអាធ្រាត្រឆ្លងចូលព្រឹកថ្ងៃសុក្រ ទី០១ មិថុនានេះ ជាការប្រកួតដ៏ស្វិតស្វាញរវាងក្រុមជម្រើសជាតិប៉ូឡូញ ប៉ះក្រុមព័រទុយហ្គាល់ បើកឆាកក្នុងវគ្គ ៨ក្រុមចុងក្រោយមុនគេ ដែលជាការប្រកួតលើកទី៤៥ នៃ Euro 2016 លើកទី១៥នេះ មុនពេលវ៉េល ប៉ះប៊ែលហ្ស៊ិក ថ្ងៃទី០២ មិថុនា, អាល្លឺម៉ង់ ប៉ះអ៊ីតាលី ថ្ងៃទី០៣ មិថុនា និងម្ចាស់ផ្ទះ បារាំង ប៉ះអ៊ីស្លង់ យប់ថ្ងៃទី០៤ ខែមិថុនា ឆ្នាំ២០១៦៕</span></p>
<p><span style="color: #000000;"><img src="http://www.tsmplug.com/wp-content/uploads/2016/06/POLAND-vs-PORTUGAL.jpg" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/t31.0-8/13495485_1746359435603574_8417528600117906798_o.jpg" alt="" width="730" /></span></p>
<p style="text-align: center;"><span style="color: #000000;">ក្រុមជម្រើសជាតិ ព័រទុយហ្គាល់</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xta1/t31.0-8/13517459_1746359432270241_8278866657555237898_o.jpg" alt="" width="730" /></span></p>
<p style="text-align: center;"><span style="color: #000000;">ក្រុមជម្រើសជាតិ ប៉ូឡូញ</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>