<p>កំពូលកុំព្យូទូរយក្ស Tianhe 2 (天河 / Milky Way 2) របស់ចិន ចាប់ផ្ដើមដំណើរការ តាំងពីខែមេ<br />សាកន្លងទៅ ខណៈដែលប្រព័ន្ធរបស់វា កំពុងត្រូវបានកែលំអ និងបំបាត់ចំនុចខ្វះខាត។</p>
<p style="text-align: center;"><a class="thickbox" title="" href="/FileManager/Commons/2014/10/4/tianhe-2-04-10-2014--16-41-12.jpg"><img src="/FileManager/Articles/mce/2014/10/4/tianhe-2-04-10-2014--16-41-12.jpg" alt="" /></a></p>
<p>កំពូលកុំព្យូទ័រយក្ស Tianhe 2 ត្រូវបានគេដាក់ក្នុងបន្ទប់ដ៏ធំមួយ នៅក្នុងសកលវិទ្យាល័យ Sun <br />Yat-sen ក្រុង ក្វាងចូវ នៃខែត្រក្វាងតុង ប្រទេសចិន ហើយវាផ្ដើមដំណើរ ចាប់ពីខែមេសា ឆ្នាំ <br />២០១៤។ Tianhe 2 មានល្បឿន ៣៣,៨៦ petaflop/s ឬគណនាបាន ៣៣,៨៦ រយលានលានដង <br />ក្នុងមួយវិនាទី ហើយល្បឿនគណនាជាអតិបរមា ឡើងដល់ ៥៤,៩ petaflop។ កុំព្យូទ័រនេះ មាន<br />ចំនុចប្រសព្វគ្នា ចំនួន ១៦.០០០ ចំនុច និងមាន core ចំនួន ៣លាន, Tianhe 2 ប្រើប្រាស់ផ្ទាំង<br />ប្រូសេសឺរ Intel Xeon ចំនួន ៨០.០០០, ប្រព័ន្ធប្រូសេសឺរ FT-1500 របស់ចិន និងប្រព័ន្ធប្រតិបត្តិ <br />Kylin Linux ។</p>
<p>យោងតាមអ្នកជំនាញការ កំពូលកុំព្យូទ័រនេះ ផ្គង់ផ្គង់តម្រូវការក្នុងការស្រាវជ្រាវផ្នែកវិទ្យាសាស្ដ្រ<br /> រួមមាន រូបវិទ្យាម៉ូលេគុល, ព្យាករណ៍អាកាសធាតុ។ល។ បច្ចេកវិទ្យារបស់កុំព្យូទ័រនេះ ក៏ត្រូវបាន<br />ប្រើប្រាស់ក្នុងគោលដៅយោធាផងដែរ។</p>
<p style="text-align: center;"><a class="thickbox" title="" href="/FileManager/Commons/2014/10/4/tianhe-2a-04-10-2014--16-42-07.jpg"><img src="/FileManager/Articles/mce/2014/10/4/tianhe-2a-04-10-2014--16-42-07.jpg" alt="" /></a></p>
<p>Tianhe 2 បច្ចុប្បន្ន នៅតែរក្សាបាននូវភាពជាឯតទគ្គកម្មរបស់ខ្លួន ពោលគឺវាជាកំពូលកុំព្យូទូរដែល<br />មានកម្លាំងខ្លាំងបំផុតក្នុងពិភពលោក ចាប់តាំងពីត្រូវបានទទួលស្គាល់ កាលពីខែវិច្ឆិកា ឆ្នាំ ២០១៣។ កំពូលកុំព្យូទ័ររបស់ទីភ្នាក់ងារពិសោធជាតិ Oak Ridge ស្ថិតក្រោមក្រសួងថាមពលអាមេរិក ជាប់<br />ចំណាត់ថ្នាក់លេខពីរ ដោយមានល្បឿនត្រឹមតែពាក់កណ្ដាលនៃល្បឿនរបស់ Tianhe 2 ។</p>
<p>Tianhe 2 ត្រូវបានដាក់ឱ្យដំណើរការសាកល្បង ចាប់ពីខែធ្នូ ឆ្នាំ ២០១៣ គឺមុនគម្រោង ដែលបាន<br />គេកំណត់ឱ្យប្រើប្រាស់ក្នុងឆ្នាំ ២០១៥។ ទឹកប្រាក់ដែលរដ្ឋាភិបាល ចំណាយទៅ Tianhe 2 គឺ<br /> ៣៩០លានដុល្លារ។ ប្រព័ន្ធកុំព្យូទ័រនេះ ត្រូវបានរចនា និងអភិវឌ្ឍឡើង ដោយក្រុមអ្នកជំនាញការ នៃសកលវិទ្យាល័យបច្ចេកវិទ្យាការពារជាតិរបស់ចិន (NUDT) និងក្រុមហ៊ុនបច្ចេកវិទ្យាព័ត៌មាន<br /> Inspur ។</p>
<p style="text-align: center;"><a class="thickbox" title="" href="/FileManager/Commons/2014/10/4/tianhe-2b-04-10-2014--16-43-23.jpg"><img src="/FileManager/Articles/mce/2014/10/4/tianhe-2b-04-10-2014--16-43-23.jpg" alt="" /></a></p>
<p>Tianhe 2 គឺជាលទ្ធផលនៃការស្រាវជ្រាវ ដែលស្ថិតក្រោមកម្មវិធីវិទ្យាសាស្ដ្រ និងបច្ចេកវិទ្យារបស់<br />ចិន ដែលមានឈ្មោះថា ៨៦៣ ដែលបានចាប់ផ្ដើមតាំងពីទសវត្សឆ្នាំ ១៩៨០។ កម្មវិធីនេះ ត្រូវ<br />អនុវត្តក្នុងគោលដៅ ជម្រុញឱ្យមានការរីកចម្រើនក្នុងវិស័យស្រាវជ្រាវវិទ្យាសាស្ដ្រ ព័ត៌មានវិទ្យា <br />និងបច្ចេកវិទ្យាអាកាសចរ។ ក្រៅពី Tianhe 2 ក្រុមអ្នកជំនាញការចិន ក៏បានអភិវឌ្ឍកំពូលកុំព្យូទ័រ<br />ល្បឿនលឿន ចំនួន ២០៥គ្រឿងផ្សេងទៀត រួមនឹងប្រព័ន្ធឡាស៊ែរ ប្រឆាំងផ្កាយរណបផងដែរ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Forbes<br /><br /></p>