<p>មនុស្សជាច្រើន ធ្វើការឱ្យក្រុមហ៊ុនមួយ អស់រយៈពេលជាច្រើនឆ្នាំ ហើយត្អូញត្អែរថា មិនត្រូវ<br />បានដំឡើងប្រាក់ខែ ប៉ុន្ដែ ពួកគេមិនបានដឹងថា មូលហេតុគឺមកពីខ្លួនពួកគេផ្ទាល់នោះទេ។</p>
<p style="text-align: center;"><a class="thickbox" title="" href="/FileManager/Commons/2014/4/3/salary-03-04-2014--23-39-57.jpg"><img src="/FileManager/Articles/mce/2014/4/3/salary-03-04-2014--23-39-57.jpg" alt="" width="421" height="421" /></a></p>
<p>មូលហេតុដែលនាំឱ្យអ្នកមិនទាន់ត្រូវបានក្រុមហ៊ុនដំឡើងប្រាក់ខែ អាចស្ថិតក្រៅសមត្ថភាពយល់<br />ដឹងរបស់អ្នក ដូចជា ក្រុមហ៊ុនរកបានចំណេញតិចជាងមុន។ល។ ប៉ុន្ដែ ក៏មានករណីខ្លះ បណ្ដាល<br />មកពីខ្លួនអ្នក ឧទាហរណ៍ អ្នកចូលចិត្តរអ៊ូរទាំច្រើន មិនសូវបានចូលរួមកម្មភាពនានារបស់ក្រុម<br />ហ៊ុន ឬចម្លែកជាងនេះ គឺដោយសារអ្នកទុកសក់ ឬពុកមាត់វែងជាដើម។ខាងក្រោមនេះ គឺជាមូល<br />ហេតុសំខាន់ ដែលអាចនាំឱ្យប្រាក់ខែរបស់អ្នក នៅដដែលក្នុងរយៈពេលយូរ ៖</p>
<p><strong>១/ អ្នកមិនទាន់ស្នើសុំដំឡើងប្រាក់ខែ</strong></p>
<p>ប្រសិនអ្នកបាន និងកំពុងធ្វើការយ៉ាងយកចិត្តទុកដាក់ ប្រកបដោយភាពប្រឹងប្រែងក្នុងរយៈពេល<br />យូរគួរសម ប៉ុន្ដែ នៅតែមិនទាន់ទទួលបានការដំឡើងប្រាក់ខែ នោះ មូលហេតុ គឺអាចបណ្ដាល<br />មកពី អ្នកមិនទាន់ស្នើសុំ។ ការស្ទង់មតិនៅអាមេរិក ឱ្យដឹងថា ៨៤% នៃម្ចាស់ក្រុមហ៊ុន តែងតែ<br />សង្ឃឹមថា បុគ្គលិករបស់ពួកគេ នឹងស្នើសុំដំឡើងប្រាក់ខែ ដោយខ្លួនឯង។ ប៉ុន្ដែ បុគ្គលិក នៅ<br />អាមេរិក ដែលបានស្នើសុំដំឡើងប្រាក់ខែ គឺមានត្រឹមតែ៤១% ប៉ុណ្ណោះ។ នៅពេលអ្នកមិនទាន់<br />ស្នើសុំដំឡើងប្រាក់ខែ ថ្នាក់ដឹកនាំ ឬម្ចាស់ក្រុមហ៊ុន ក៏យល់ថា សាមីខ្លួនអ្នក ក៏គិតថា ខ្លួនមិន<br />ទាន់ស័ក្ដិសមនឹងទទួលបានការដំឡើងប្រាក់ខែ។</p>
<p><strong>២. ការងាររបស់អ្នក មិនបានល្អ</strong></p>
<p>ប្រសិនអ្នកកំពុងធ្វើការមិនប្រកបដោយភាពល្អប្រសើរ អ្នកគួរព្រួយបារម្ភអំពីការដែលត្រូវក្រុម<br />ហ៊ុនបញ្ចប់កិច្ចសន្យា ដូច្នេះ អ្នកកុំស្រមៃចង់បានដំឡើងប្រាក់ខែ។ តែប្រសិនការងារមិនមាន<br />ស្ថេរភាព អ្នកក៏ពិបាកនឹងបង្ហាញស្នាដៃពិតរបស់ខ្លួននោះដែរ។ មនុស្សជាច្រើន បានស្នើសុំ<br />ឡើងប្រាក់ខែ ក្នុងកាលៈទេសៈមិនសមស្រប ដូចជា នៅពេលអ្នកកំពុងជួបបញ្ហាសេដ្ឋកិច្ចគ្រួសារ<br />ជាដើម។ល។</p>
<p>ថៅកែមួយចំនួន អាចនឹងមានការអាណិតអាសូរ ប៉ុន្ដែ បញ្ហាសេដ្ឋកិច្ចរបស់អ្នក នឹងមិនជួយឱ្យមាន<br />ការដំឡើងប្រាក់ខែ។ លើសពីនេះ ថ្នាក់ដឹកនាំមួយចំនួន យល់ថា ការឱ្យគេដឹងអំពីស្ថានភាព<br />លំបាកផ្នែកសេដ្ឋកិច្ចផ្ទាល់ខ្លួន គឺជារឿងមិនប្រកបដោយវិជ្ជាជីវៈ។ ជំនួសមកវិញ អ្នកត្រូវតែប្<br />រឹងប្រែងធ្វើការ ដើម្បីបញ្ជាក់ថា ខ្លួនកំពុងជួយឱ្យក្រុមហ៊ុនបានចំណេញ។</p>
<p><strong>៣. ថៅកែមិនដឹងថា អ្នកស័ក្ដិសមនឹងត្រូវដំឡើងប្រាក់ខែ</strong></p>
<p>បើទោះជា មិនចង់អួតអាង ប៉ុន្ដែ អ្នកក៏គួរតែធ្វើឱ្យថ្នាក់លើរបស់អ្នក បានឃើញថា អ្នកកំពុង<br />ធ្វើការដោយប្រឹងប្រែងបំផុត។ អ្នកបានបំពេញការងារទាំងឡាយ ដែលមេបានដាក់ឱ្យធ្វើ គឺ</p>
<p>ជាប្រការល្អ ប៉ុន្ដែវាមិនទាន់គ្រប់គ្រាន់នោះទេ។ អ្នកគួរតែស្នើសុំការងារបន្ថែម ប្រសិនចង់ឱ្យមាន<br />ការចាប់អារម្មណ៍។ ឧទាហរណ៍ អ្នកស្នើសុំចូលរួមអនុវត្តគម្រោងសំខាន់ៗ ឱ្យបានញឹកញាប់ <br />និងប្រឹងប្រែងធ្វើការកាន់តែខ្លាំង កាន់តែល្អ។ ក៏ប៉ុន្ដែ អំពើរបស់អ្នក ក៏មិនត្រូវធ្វើឱ្យប៉ះពាល់<br />ដល់អារម្មណ៍ របស់មិត្តរួមការងារនោះដែរ។</p>
<p>ប្រសិនមិនមានឱកាសនិយាយ អ្នកក៏អាចសរសេរឡើងវិញនូវកិច្ចការដែលខ្លួនបានធ្វើ ដាក់<br />ទៅក្នុងរបាយការណ៍ប្រចាំឆ្នាំ ឬលើកឡើងនៅក្នុងកិច្ចប្រជុំ។</p>
<p><strong>៤. អ្នកមិនបានបន្ទាន់សម័យផ្នែកចំណេះដឹង</strong></p>
<p>ទោះជាអ្នកកំពុងតែធ្វើការយ៉ាងប្រឹងប្រែង និងតែងតែជួយធ្វើការងារមិត្តរួមក្រុម ប្រការនេះមិន<br />ទាន់គ្រប់គ្រាន់ ប្រសិនចំណេះជំនាញរបស់អ្នក ទៅជាហួសសម័យ។ នេះអាចជាបញ្ហាមួយធំ នៅពេលអ្នកជាបុគ្គលិកយូរឆ្នាំរបស់ក្រុមហ៊ុន។ អ្នកប្រហែលជាបានចូលធ្វើការភ្លាម រហូតមកដល់<br />ពេលនេះ បន្ទាប់ពីបានចេញពីសាលា ប៉ុន្ដែសម័យបច្ចុប្បន្ន វាមិនដូចពីមុន អ្នកត្រូវប្រកួតប្រជែង<br />ជាមួយពួកក្មេងៗ ជាក្រុមមនុស្សដែលមានសមត្ថភាពខ្ពស់ជាងនេះ។</p>
<p>ដើម្បីដោះស្រាយបញ្ហានេះ អ្នកគួរតែចុះឈ្មោះចូលរៀនជំនាញ ដែលមានសញ្ញាបត្រត្រឹមត្រូវ <br />ទាក់ទិននឹងការងាររបស់អ្នក។ នៅពេលត្រូវការបុគ្គលិកបន្ថែម ឬត្រូវការដំឡើងមុខតំណែង ក្រុម<br />ហ៊ុនទាំងឡាយ ក៏តែងតែពិនិត្យមើលទៅលើកម្រិតសិក្សា ឬសមត្ថភាពដែលបុគ្គលិកម្នាក់មាន។</p>
<p style="text-align: center;"><a class="thickbox" title="" href="/FileManager/Commons/2014/4/3/salaryo-03-04-2014--23-41-28.jpg"><img src="/FileManager/Articles/mce/2014/4/3/salaryo-03-04-2014--23-41-28.jpg" alt="" width="451" height="356" /></a></p>
<p> </p>
<p><strong>៥. អ្នកមានបញ្ហាច្រើនពេក</strong></p>
<p>នៅពេលបុគ្គលិកម្នាក់ ចេះតែធ្វើឱ្យមានកំហុស ឧទាហរណ៍ដូចជា មេដាក់ការងារឱ្យ ៥ តែធ្វើ<br />បានតែ ៣ ហើយធ្វើដូច្នេះជាច្រើនលើក មេដាក់ឱ្យធ្វើ.ក បែរជាទៅធ្វើ.ខ នោះមេប្រាកដជា<br />វាយតម្លៃថា បុគ្គលិកម្នាក់នេះ ខ្វះការយកចិត្តទុកដាក់នឹងការងារ។</p>
<p>បញ្ហាខាងលើ កម្រនឹងមានការពិន័យ ប៉ុន្ដែ នៅពេលក្រុមហ៊ុនរៀបចំដំឡើងប្រាក់ខែដល់បុគ្គ<br />លិក ប្រការខាងលើប្រាកដជាត្រូវយកមកពិចារណាថា តើគួរដំឡើងប្រាក់ខែដល់អ្នកដែរ ឬ<br />អត់។</p>
<p>ក្រៅពីនេះ ប្រសិនអ្នកមកធ្វើការយឺតម៉ោង ឬសុំច្បាប់សម្រាកជាញឹកញាប់ នោះឱកាសត្រូវបាន<br />ដំឡើងប្រាក់ខែ គឺជារឿងលំបាក។ ម្យ៉ាងទៀត ការនៅធ្វើការហួសម៉ោង ក៏មិនមែនជារឿងល្អ<br />ទាំងស្រុង ព្រោះក្រុមហ៊ុនខ្លះ មិនតម្រូវឱ្យបុគ្គលិកធ្វើការថែមម៉ោង លើសពីនេះ អ្នកគ្រប់គ្រង ក៏អាចនឹងមានការសង្ស័យលើបំណងល្អរបស់អ្នក។ ដូច្នេះ ចូរកុំស្រមៃថា ធ្វើការលើសម៉ោង អាច<br />ជួយដល់ការដំឡើងប្រាក់ខែ៕</p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ wallstcheatsheet</p>
<p> </p>
<p> </p>
<p> </p>