<p><span style="color: #000000;">ព័ត៌មានអន្ដរជាតិ៖ ទណ្ឌិតជនជាតិហ្វីលីពីន ដែលត្រូវតុលាការឥណ្ឌូនេស៊ី សម្រេចកាត់ទោសប្រហារជីវិតនោះ បានត្រូវពន្យាពេលបណ្ដោះអាសន្ន ក្រោយពីមានការចូលខ្លួនសារភាពពីជនសង្ស័យ ទាក់ទងទៅនិង ករណីអំពើខុសច្បាប់ទាំងនោះ ។ </span></p>
<p><span style="color: #000000;">យោងតាមរបាយការណ៍វិទ្យុ DZBB ប្រចាំនៅទីក្រុង ម៉ានីល បានចុះផ្សាយឲ្យដឹងថា ជនសង្ស័យម្នាក់ឈ្មោះថា Christine Pasadilla alias Kristina Sergio បានធ្វើដំណើរទៅកាន់ស្នងការប៉ូលីស ហើយសារភាពទោសកំហុសពីករណីរត់ពន្ធគ្រឿងញៀនដែល ត្រូវចោទប្រកាន់លើក្មេងស្រីឈ្មោះថា <span>Mary Jane Veloso</span> ។ </span></p>
<p><span style="color: #000000;">ទន្ទឹមគ្នានោះដែរ ប្រភពពីទូរទស្សន៍ A News ក៏ចុះផ្សាយដែរថា Pasadilla ព្រមទាំងដៃគូររបស់ខ្លួនបានចូលខ្លួនសារភាពទោសកំហុស ដោយសារតែមានការគំរាមកំហែង លងបន្លាចដល់អាយុជីវិតពួកគេពីសមាជិកគ្រួសារជនជាប់ចោទ។ ប្រភពព័ត៌មានបានបន្ដទៀតថា ជនសង្ស័យបានទទួលព័ត៌មានពីអ្នកជិតខាងរបស់ខ្លួន ក្នុងតំបន់ Talavera ក្នុងខេត្ដ Nueva Ecija នៃប្រទេសហ្វីលីពីន បានប្រាប់ពួកគេថា គ្រួសារ Mary Jane Veloso នឹងធ្វើការសងសិកមកលើពួកគេវិញ ប្រសិនបើក្មេងស្រីម្នាក់នោះ ត្រូវកាត់ទោសប្រហារជីវិត ។ </span></p>
<p><span style="color: #000000;">យោងតាមសេចក្ដីរាយការណ៍តាមទូរស័ព្ទពីក្រុមមន្ដី្រប៉ូលីសនៅទីនោះបានបំភ្លឺថា ជនសង្ស័យដែលមកសារភាពនោះ គឺមកដល់ដល់ស្នងការប៉ូលីសកាលពីម៉ោង ១១ៈ00 ហើយបើតាមការសារភាពនេះ គឺមិនមែនជាការស្ម័គ្រចិត្ដនោះទេ គឺជាការគំរាមកំហែងអាយុជីវិតច្រើនជាងតាមរយៈ ទូរស័ព្ទ និង បណ្ដាញទំនាក់ទំនង សង្គមហ្វេសប៊ុក។ ជនសង្ស័យបានលើកឡើងថា គ្រួសាររបស់ នាង បាននិយាយពាក្យអាក្រក់ជាច្រើន មកលើពួកគេ ។ </span></p>
<p><span style="color: #000000;">ជនសង្ស័យទាំងពីរ ក្រោយពីមានការសួរនាំ និង សារភាពរួចមក ក៏ត្រូវប៉ូលីសរៀបចំសំណុំរឿងបែបបទបញ្ជូនទៅតុលាការ និង ធ្វើការចោទប្រកាន់ពីបទ ជួនដូរគ្រឿងញៀន មនុស្ស ហើយលើសពីនេះទៅ ក៏រង់ចាំការស៊ើបអង្កេតបន្ដទៀត ដើម្បីបំភ្លីករណីនេះឲ្យកាន់តែច្បាស់។ </span></p>
<p><span style="color: #000000;">ក្រោយពីទទួលបានដំណឹងដូច្នោះ សេចក្ដីសម្រេចកាត់ទោសប្រហារជីវិត ត្រូវពន្យាពេលបណ្ដោះអាសន្នក្រោយពីរង់ចាំការតាមដានស៊ើបអង្កេតបន្ដ។</span></p>
<p><span style="color: #000000;">គូសបញ្ជាក់ផងដែរថា Mary Jane Veloso ត្រូវបានចាប់ខ្លួនកាលពី ខែមេសា ឆ្នាំ ២០១០ ក្នុងព្រលានយន្ដ <span style="font-size: 12px;">Yogyakarta ក្នុងទីក្រុងប្រទេសឥណ្ឌូនេស៊ី ហើយក៏ត្រូវកាត់ទោសប្រហាជីវិត ពីបទជូញដូរគ្រឿងញៀន ។ ហើយមិនត្រឹមតែប៉ុណ្ណោះថ្មីៗនេះ ទាក់ទងនឹងការកាត់ទោសប្រហាជីវិតជនហ្វីលីពីនម្នាក់នេះ លោក ប៉ាក់គីអៅ ដែលជាកីឡាករល្បីលើពិភពលោក ហ៊ានលះបង់កេរ្ដិ៍ឈ្មោះមុខមាត់ ដើម្បីសុំអង្វរដល់ថ្នាក់ដឹកនាំ ប្រទេសឥណ្ឌូនេស៊ី សុំការលើកលែង បន្ធូបន្ថយទោសដល់ ក្មេងស្រីម្នាក់នេះផងដែរ ។ </span></span></p>
<p><span style="color: #0000ff;"><a href="/News/Detail/69275/pacquiao-begs-indonesian-leader-joko-widodo-to-save-ofw-veloso" target="_blank"><span style="color: #0000ff;">អាន៖ </span></a><a href="/News/Detail/69275/pacquiao-begs-indonesian-leader-joko-widodo-to-save-ofw-veloso" target="_blank"><span style="color: #0000ff;">ប៉ាក់គីអៅ លើកដៃសំពះសំអង្វរដល់ ថ្នាក់ដឹកនាំ ប្រទេសឥណ្ឌូនេស៊ី លើការកាត់ទោសប្រហាជីវិត ជនជាតិហ្វីលីពីន</span></a></span></p>
<p><span style="font-size: 12px; color: #000000;"><a class="thickbox" title="" href="/FileManager/Commons/2015/4/29/4-29-2015-9-49-01-am-29-04-2015--09-58-30.png"><span style="color: #000000;"><img src="/FileManager/Articles/mce/2015/4/29/4-29-2015-9-49-01-am-29-04-2015--09-58-30.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ gmanetwork</span></p>