<p><span style="color: #000000;">ព័ត៌មានអន្តរជាតិ ៖ បុរសជនជាតិចិនម្នាក់ បានជួបជុំគ្រួសាររបស់ខ្លួនវិញ ២៤ ឆ្នាំក្រោយបន្ទាប់ពីរូបលោក ត្រូវបានឧក្រិដ្ឋជន លួចយក ចាប់ពង្រត់យកចេញពីផ្សារបន្លែ មួយ កន្លែង នៅពេលដែលលោកមានវ័យ ទើបតែ ៤ ឆ្នាំ ពោល នៅក្នុងអំឡុងឆ្នាំ ១៩៩១ លោក Sun Bin ទើប តែមានវ័យ បាន ៤ ឆ្នាំនោះ ត្រូវបាន ក្រុមឈ្មួញជួញដូរមនុស្ស ចាប់ពង្រត់យកចេញពីទឹកដីកំណើតរបស់ ខ្លួន ខេត្ត Sichuan ប្រទេសចិន និង បានយកទៅលក់អោយគ្រួសារផ្សេងទៀត មានចម្ងាយរាប់រយគី ឡូម៉ែត្រ ពីស្រុកកំណើត ពោល លក់នៅ ខេត្ត Jiangsu ភាគខាងកើតប្រទេស ។ </span></p>
<p><a class="thickbox" title="" href="/FileManager/Commons/2015/1/16/30-16-01-2015--10-50-33.jpg"><img src="/FileManager/Articles/mce/2015/1/16/30-16-01-2015--10-50-33.jpg" alt="" /></a></p>
<p><span style="color: #000000;">ថ្ងៃអង្គារ ដើមសប្តាហ៍នេះ ចុងបញ្ជប់ពួកគេបានជួបគ្នាវិញ ពោល លោក Sun Bin បច្ចុប្បន្នភាព មានវ័យ ២៨ ឆ្នាំនោះ បានជួបនឹងឪពុករបស់ខ្លួនវិញ មានវ័យ ៦០ ឆ្នាំឈ្មោះ Sun Youhong ក៏ដូចជាបាន ជួបនឹងប្អូនស្រីពៅរបស់ខ្លួន ជាដើម ។ វិនាទីនោះ មានការផ្តិតរូបភាពជាច្រើនសន្លឹក ។ </span></p>
<p><span style="color: #000000;">គួរបញ្ជាក់ថា កម្មវិធីជួបជុំដ៏កម្រមួយនេះ ត្រូវបានធ្វើឡើងនៅឯស្នងការប៉ូលីស ក្រុង Chengdu វិនាទីនោះ បុរសជាកូនប្រុស បែក ឪពុក តាំង ពីវ័យ ៤ ឆ្នាំ បានលុតជង្គង់អោប ឪពុកវ័យចំណាស់របស់ខ្លួន ដោយ ភាពរំភើបជាក្រៃលែង ។ ក្រោយពី បាត់កូនទៅ ក្នុងវ័យទើបតែ ៤ ឆ្នាំ ក្នុងអំឡុងឆ្នាំ ១៩៩១ លោក Sun Youhong និង ភរិយា បានប្រឹងប្រែងជាខ្លាំង ក្នុងការ ស្វែងរក កូនប្រុសរបស់ខ្លួនត្រលប់មកវិញ តួយ៉ាង ដើរស្វែង រកតាមបណ្តាទីក្រុង និង ខេត្តជាដើម ។ មិន យូរប៉ុន្មាន ក្នុងឆ្នាំ ១៩៩៦ ស្រ្តីជាភរិយាបាន ធ្វើ រោគ វិនិច្ឆ័យ និងបានរកឃើញកើត ជម្ងឺមហារីក លុះដល់ឆ្នាំ ២០១១ គាត់ក៏បានស្លាប់តែម្តង ។ " បំណង ប្រាថ្នាធំបំផុត របស់ភរិយាខ្ញុំបាទ គឺតាមស្វែងរក កូនប្រុសរបស់នាង ក្នុងនោះ មុនពេលនាងផុតដង្ហើម នាងតែងតែដង្ហើយហៅឈ្មោះកូនប្រុស របស់ខ្លួន " ។ </span></p>
<p><a class="thickbox" title="" href="/FileManager/Commons/2015/1/16/31-16-01-2015--10-50-43.jpg"><img src="/FileManager/Articles/mce/2015/1/16/31-16-01-2015--10-50-43.jpg" alt="" width="501" height="283" /></a></p>
<p><span style="color: #000000;">យ៉ាងណាមិញ លោក Sun Bin ក្រោយពីបានដឹងថា រូបលោកជាកូនចិញ្ជឹមរបស់ឪពុកម្តាយនាពេលបច្ចុប្ប ន្នភាពនោះ លោកបានដាក់សំណើ ផ្តល់នូវសំណាកគម្រូ DNAរបស់ខ្លួននៅតាមបណ្តាស្នងការប៉ូលីសគ្រប់ ទីកន្លែង មិនយូរមិនឆាប់ ក្នុងរយៈពេលមួយជាក់លាក់ លោកក៏បានទទួល ទូរស័ព្ទ ថាមាន DNA ដូចទៅ នឹង DNA របស់លោកហើយ ជាលទ្ធផល ពួកគេក៏បានជួបគ្នាវិញ ដូចទៅនឹង បំណងប្រាថ្នា ដែលធ្លាប់តែ នឹកស្រមៃ រយៈពេល២៤ ឆ្នាំកន្លងមកនេះ ៕</span></p>
<p><span style="color: #000000;"><object width="499" height="428" data="http://www.youtube.com/v/4ksPFOfpI-w&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/4ksPFOfpI-w&rel=1" /></object><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ ស៊ីអិនអិន</span></p>