<p><span style="color: #000000;"><strong>(ភ្នំពេញ)៖</strong> និស្សិតអាមេរិកមានដើមកំណើតខ្មែរ សម រ៉ាន់ដា ដែលជាជ័យលាភីលេខ១ ក្នុងចំណោមគូប្រជែងជាង២លាននាក់ នៅក្នុងការប្រកួតប្រជែងផ្នែកគណិតវិទ្យា នៅសហរដ្ឋអាមេរិក បានមកធ្វើទស្សនកិច្ចនៅ សាកលវិទ្យាល័យដ៏ល្បីនៅស្រុកខែ្មរ គឺសាកលវិទ្យាល័យអាមេរិកាំងភ្នំពេញ (AUPP) ដើម្បីចែករំលែកបទពិសោធន៍ជោគជ័យរបស់ខ្លួនជាមួយនឹងនិស្សិតខែ្មរ។</span></p>
<p><span style="color: #000000;">នៅក្នុងជំនួបជាមួយនិស្សិត AUPP រ៉ាន់ដា បានបកស្រាយប្រាប់នូវរបៀបរៀនយ៉ាងដូចមេ្តចដើម្បីទទួលបានជោគជ័យក្នុងការស្វែងរកអាហារូបករណ៍ដែលពោរពេញដោយការប្រកួតប្រជែងយ៉ាងខ្លាំងនៅសហរដ្ឋអាមេរិក ។</span></p>
<p><span style="color: #000000;">និស្សិតឆ្នើមចេញពីរដ្ឋ Texas រូបនេះ បានទទួលអាហារូបករណ៍សម្រាប់ការសិក្សាមួយជីវិត ពីមូលនិធិមហាសេដ្ឋី ប៊ីល ហ្កេត (Bill Gates Foundation) ហើយបច្ចុប្បន្ន កំពុងបន្តការសិក្សាថ្នាក់បរិញ្ញាផែ្នកជីវសាស្រ្ត និងពាណិជ្ជសាស្រ្ត នៅសាលាពាណិជ្ជ វ៉តថុន (Wharton Business School) នៃសាកលវិទ្យាល័យ ភិនស៊ីលវេនីញា (University of Pennsylvania) ដែលជាសាលាពាណិជ្ជសាស្រ្តលំដាប់លេខ១ លើពិភពលោក។</span></p>
<p><span style="color: #000000;">រ៉ាន់ដា ក៏បានផ្តល់នូវគន្លឹះមួយចំនួនដល់និស្សិតឆ្នើមៗរបស់ AUPP រួមទាំង លឹម ម៉េងសាយ ផង ដែលជានិស្សិតឆ្នើមគណិតវិទ្យាចំណាត់ថ្នាក់លេខ១ ឆ្នាំ២០១៥ នៅកម្ពុជា អំពីថាតើពួកគេគួរធ្វើដូចម្តេចដើម្បីទទួលបានអាហារូបករណ៍ទៅសិក្សានៅសហរដ្ឋអាមេរិក ។</span></p>
<p><span style="color: #000000;">នៅក្នុងសបា្តហ៍នេះដែរ និស្សិតសាកលវិទ្យាល័យ California State University-Long Beach (CSULB) ចំនួន ១៥ នាក់ ក៏បានធ្វើទស្សនកិច្ចនៅសាកលវិទ្យាល័យ AUPP ដើម្បីចែករំលែកនូវបទពិសោធន៍នៃការសិស្សាទៅវិញទៅមក ហើយបានកោតសរសើរចំពោះសមត្ថភាពនិងកម្រឹតយល់ដឹងខ្ពស់របស់និស្សិតAUPP ។</span></p>
<p><span style="color: #000000;">CSULB ជាដៃគូជាមួយ AUPP លើកម្មវិធីសិក្សាភាសាអង់គ្លេស (American Language Institute-ALI) ។</span></p>
<p><span style="color: #000000;">AUPP កំពុងក្លាយជាសាកលវិទ្យាល័យនាំមុខគេលើគុណភាពនៅកម្ពុជា ហើយក៏កំពុងពង្រីកនូវដៃគូជាមួយសាកលវិទ្យាល័យល្បីៗជាច្រើនទៀតនៅជុំវិញពិភពលោក៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlt1/t31.0-8/12513831_1543354282645604_2397118664827484269_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/t31.0-8/12377540_1543354285978937_6143538778502714654_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfp1/t31.0-8/12465817_1543354279312271_3569583462857941587_o.jpg" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpa1/t31.0-8/12471548_1543354275978938_3121947032078406276_o.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>