<p><span style="color: #000000;"><strong>(ភ្នំពេញ)៖</strong> ដីកាកោះហៅ លោក កឹម សុខា ប្រធានស្តីទីគណបក្សសង្គ្រោះជាតិ និងលោក តុ វ៉ាន់ចាន់ តំណាងរាស្រ្តមណ្ឌលកណ្តាលគណបក្សសង្គ្រោះជាតិ ដែលចេញដោយព្រះរាជអាជ្ញារង លោក សៀង សុខ ត្រូវបានសមត្ថកិច្ច យកទៅបិទដល់មុខផ្ទះរបស់លោកទាំង២តែម្តង នាល្ងាចថ្ងៃទី៦ ខែឧសភា ឆ្នាំ២០១៦នេះ។</span></p>
<p><span style="color: #000000;">ផ្ទះលោក កឹម សុខា ដែលសមត្ថកិច្ចយកទៅបិទដល់នោះ គឺស្ថិតនៅផ្ទះលេខ៩៧ ផ្លូវ៣១៣ សង្កាត់បឹងសាឡាង ខណ្ឌទួលគោក ដែលលោក កឹម សុខា ត្រូវចូលបំភ្លឺនៅតុលាការ នាថ្ងៃទី១៧ ខែឧសភា ឆ្នាំ២០១៦ ក្រោមបទចោទប្រកាន់ពីបទ សញ្ចារកម្ម រីឯផ្ទះលោក តុ វ៉ាន់ចាន់ ស្ថិតនៅផ្ទះលេខ A23 ភូមិទួលតាចាន់ សង្កាត់ព្រែកឯង ខណ្ឌច្បារអំពៅ ដែលត្រូវចូលទៅបំភ្លឺ នៅថ្ងៃទី១៦ ខែឧសភា ដែលត្រូវរងការចោទប្រកាន់ពីបទ អំពើពេស្យាចារ។</span></p>
<p><span style="color: #000000;">សូមបញ្ជាក់ថា នេះជាដីកាកោះលើកទី២ របស់លោក កឹម សុខា ហើយបន្ទាប់ពីព្រះរាជអាជ្ញារង កែវ សុជាតិ កាលពីថ្ងៃទី០៣ ខែឧសភា បានចេញដីកាកោះហៅ លោក កឹម សុខា ឲ្យចូលខ្លួននៅថ្ងៃទី១១ ខែឧសភា ឆ្នាំ២០១៦ ពាក់ព័ន្ធនឹងពាក្យបណ្តឹងរបស់កញ្ញា ធី សុវណ្ណថា ប្តឹងពីបទបរិហាកេរ្តិ៍។</span></p>
<p><span style="color: #000000;">កាលពីថ្ងៃទី២២ ខែមេសា ឆ្នាំ២០១៦ កញ្ញា ខុម ចាន់តារ៉ាទី ហៅ ស្រីមុំ បានសម្រេចចិត្តដាក់ពាក្យបណ្តឹងទៅកាន់ ព្រះរាជអាជ្ញាអមសាលាដំបូងរាជធានីភ្នំពេញ ដោយប្តឹងលោក កឹម សុខា និងគូកន ព្រមទាំងជនពាក់ព័ន្ធដ៏ទៃទៀត ដោយទាមទារសំណងជំងឺចិត្តចំនួន៣០ម៉ឺនដុល្លារ។</span></p>
<p><span style="color: #000000;">នៅក្នុងពាក្យបណ្តឹងរបស់កញ្ញា ស្រីមុំ បានសរសេរប្តឹងលោក កឹម សុខា និងគូកន ព្រមទាំងជនពាក់ព័ន្ធដ៏ទៃទៀតថា៖ <strong>«សូមទាមទារសំណងជំងឺចិត្ត ពីលោក កឹម សុខា និងគូកន ពីបទធ្វើឲ្យរូបនាង ខាតបង់ពេលវេលាបាត់ការងារ ខាតបង់សេដ្ឋកិច្ចគ្រួសារ និងការខូចខាតកិត្តិយសសេចក្តីថ្លៃថ្នូរ របស់នាងចំនួន៣០០,០០០ (បីរយពាន់) ដុល្លារអាមេរិក»</strong>។ ការដាក់ពាក្យបណ្តឹងរបស់កញ្ញា ស្រីមុំ នេះធ្វើឡើងតាមរយៈ មេធាវី គឹម វាសនា៕</span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13177601_1597851483862550_8745935509024790875_n.jpg?oh=4435ae420d0d9c2d841318d4e3e3f48f&oe=57A66244" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13177459_1597851487195883_5831749777204035339_n.jpg?oh=e1a2488bdcdb77ced39d698f4ebd7e8a&oe=57E0690E" alt="" width="730" /></span></p>
<p><span style="color: #000000;"><img src="https://scontent-hkg3-1.xx.fbcdn.net/v/t1.0-9/13173725_1597851480529217_5167531537611664895_n.jpg?oh=46225a78731cff18df821fe6183b6ebb&oe=57A8DD20" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>