<div class="item-page">
<p><span style="color: #000000;"><strong>(ក្រចេះ)៖</strong> នគរបាលស្រុកស្នួល សហការជាមួយនគរបាល ប្រឆាំងបទល្មើសសេដ្ឋកិច្ចនៃស្នងការដ្ឋាន នគរបាលខេត្តក្រចេះក្រោមបញ្ជារបស់ លោកឧត្ដមសេនីយ៍ត្រីលន់ សុផាត ស្នងការខេត្តបានឃាត់ខ្លួនជនសង្ស័យម្នាក់ ពាក់ព័ន្ធករណីធ្វើចរាចរណ៍ លុយដុល្លាក្លែងក្លាយចំនួន២១៥ដុល្លា រនិងម៉ូតូ១គ្រឿង កាលពីវេលាម៉ោង១១៖០០ ថ្ងៃទី២០ ខែតុលា ឆ្នាំ២០១៦ នៅចំណុចភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ។</span></p>
<p><span style="color: #000000;">លោកចាន់ សុខគីម អធិការស្រុកស្នួល បានឲ្យដឹងថា ជនសង្ស័យបានយកលុយដុល្លារក្លែងក្លាយ ទៅទិញឥវ៉ានពីជនរងគ្រោះឈ្មោះប៉ក សំណាង ភេទប្រុស អាយុ២៩ឆ្នាំរស់នៅភូមិឃ្សឹមគ្រៅ ឃុំ ឃ្សឹម ស្រុកស្នួល ខេត្តក្រចេះហើយ ជនរងគ្រោះក៏មិនដឹងថាលុយនោះក្លែងក្លាយ ដែរពេលយកលុយនោះទៅចាយនៅទីផ្សារទើបដឹងថា លុយនោះក្លែងក្លាយហើយជនរងគ្រោះ បានទៅដាក់ពាក្យបណ្ដឹងនៅអធិការស្រុកស្នួល។</span></p>
<p><span style="color: #000000;">លោកអធិការបន្តទៀតថា ក្រោយពីទទួលបណ្ដឹងពីជនរងគ្រោះកម្លាំង លោកចេញប្រតិបត្តិការឈានដល់ ការឃាត់ខ្លួនសង្ស័យ នៅចំនុចភូមិ ឃុំខាងលើហើយជនសង្ស័យឈ្មោះផល ចន្ថា ភេទប្រុស អាយុ២២ឆ្នាំរស់នៅភូមិកាត់ដៃ ឃុំស្នួល ស្រុកស្នួល ខេត្តក្រចេះ។</span></p>
<p><span style="color: #000000;">ក្រោយពីឃាត់ខ្លួនជនសង្ស័យកម្លាំងនគរបាលដក់ហូតបានលុយដុល្លាក្លែងក្លាយចំនួន២១៥ដុល្លានិងម៉ូតូ១គ្រឿងហើយជនសង្ស័យ និង វត្ថុតាងត្រូវបញ្ជូនទៅកាន់ការិយាលយ័ ប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តក្រចេះ នៅព្រឹកនេះហើយ៕</span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-21-10-01-58-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-111/fn-2016-10-21-10-01-58-1.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
<div></div>
</div>