<p><span style="color: #000000;">ព័ត៌មានកីឡា៖ ថ្នាក់ដឹកនាំក្លឹប Man United បានថ្លែងបង្ហាញឲ្យដឹងពីគម្រោងទីផ្សារកីឡាករ ទៅថ្ងៃអនាគតថា ក្លឹប នឹងបន្ដមហិច្ឆិតាតាមទិញយក Cristiano Ronaldo ត្រលប់មក Man United វិញ ឲ្យបាន ចាំតែមើលទៅ។ </span></p>
<p><span style="color: #000000;">Cristiano Ronaldo បានចាកចេញពីក្លឹប Man United កាលពីឆ្នាំ ២០០៩ ក្នុងតម្លៃខ្លួន ៨០ លានផោនទៅកាន់ ក្លឹប Real Madrid ។ មុនពេលចាកចេញពីក្លឹប បិសាចក្រហម Man United កីឡាករបានបន្សល់ទុកស្នាដៃ យ៉ាងល្អប្រសើរដល់ក្លឹបផងដែរ ដោយជួយឲ្យក្លឹបលើកពាន Premier League ដល់ទៅ ៣រដូវកាល ក្នុងកំលុងពេល ៦ ឆ្នាំនៅទីនោះ ។ រហូតមកទល់ពេលនេះ ក្នុងទឹកដី Real Madrid កីឡាករ ក៏កាន់តែមាន ប្រជាប្រិយខ្លាំង ដែលកីឡាករអាចបំបែកកំណត់ត្រាស្វែងរកគ្រាប់បាល់បានច្រើនជាងគេ ក្នុងក្លឹប ដល់ទៅ ២៣២ គ្រាប់ នឹងកាន់តំណែងជាម្ចាស់ពានរង្វាន់កីឡាករឆ្នើមពិភពលោកបាន ពីររដូវកាលថែមទៀត ។ ស្របពេលនឹងភាពល្បីល្បាញកាន់តែខ្លាំងឡើង លោក Louis Van Gaal បានថ្លែងក្នុងសន្និសិទ្ធកាសែត កាលពីម្សិលមិញថា លោក កំពុងតែស្វែងរកទិញកីឡាករខ្លាំងៗ ជាច្រើនដែលពួកគេគឺអាចគ្មានសង្ឃឹម ប៉ុន្ដែសម្រាប់ Ronaldo ម្នាក់ អាចមានច្រើន ហើយរង់ចាំមើលបន្ដទៀតទៅ ។ សម្រាប់ Ronaldo មួយ ពិតជាត្រូវការខ្លាំង ហើយគ្រូបង្វឹកភាគច្រើន គ្មាននរណាម្នាក់ដែលមិនពេញចិត្ដ គេនោះទេ ។ </span></p>
<p><span style="color: #000000;">Ronaldo បានមានទំនាក់ទំនង ទីផ្សារជាមួយ Man United ជាច្រើនរដូវកាលមកហើយ ប៉ុន្ដែនៅមិនទាន់លទ្ធផលអ្វីបង្ហាញនោះទេ ។ តែទោះជាយ៉ាងណា កន្លងមកកីឡាករបាននិយាយដោយផ្ទាល់ថា កីឡាករ នៅស្រលាញ់ទម្រង់លេងក្នុងទឹកដីអង់គេ្លស និង អ្នកគាំទ្រកីឡាករជាច្រើនទៀតនៅទីនោះ ដូច្នេះសម្រាប់ថ្ងៃអនាគត ក៏មិនអាចកំណត់បានដែរថា នឹងទៅជាយ៉ាងណា។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/23/11-23-2015-10-09-14-am-23-11-2015--10-24-23.png"><span style="color: #000000;"><img src="/FileManager/Articles/mce/2015/11/23/11-23-2015-10-09-14-am-23-11-2015--10-24-23.png" alt="" /></span></a><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ independent</span></p>
<p> </p>