<p>Spaceship Earth Grants (SEG) គឺជាអង្គការដើម្បីប្រយោជន៍សាធារណៈ និងជាសមាជិករបស់<br />មន្ទីរ Buckminster Fuller ទើបបានចាប់ផ្ដើមកម្មវិធីប្រឡងមួយ បំណងស្វែងរកជ័យលាភីមួយរូប<br /> ក្នុងចំណោមបេក្ខជន ៥០.០០០រូប សម្រាប់ទៅទេសចរណ៍នៅអវកាស។</p>
<p style="text-align: center;"><a class="thickbox" title="" href="/FileManager/Commons/2014/9/20/spa1-20-09-2014--16-58-16.jpg"><img src="/FileManager/Articles/mce/2014/9/20/spa1-20-09-2014--16-58-16.jpg" alt="" /></a></p>
<p style="text-align: center;">អតីតអវកាសចររបស់ NASA លោក Leland Melvin គឺជាអគ្គនាយករបស់ Spaceship Earth <br />Grants</p>
<p><br />ក្រុមមេប្រយោគក្នុងកម្មវិធីប្រឡងនេះ មានវត្តមានរបស់ក្រុមអតីតអវកាសចររបស់ NASA អ្នក<br />ជំនាញការ ក្នុងវិស័យឧស្សាហកម្មអវកាស រួមនឹងក្រុមអ្នកស្នេហាអវកាស។ល។ កម្មវិធីថ្មីនេះ <br />មានបំណងបង្កើតមូលនិធិ និងអំពាវនាវ ឱ្យមានការគាំទ្រពីសាធារណៈជន ដើម្បីជួយឱ្យពល<br />រដ្ឋធម្មតា អាចឡើងទៅលើទេសចរណ៍ នៅ “មេឃ” ។ អ្នកទទួលបានជ័យជំនះក្នុងកម្មវិធីប្រឡង<br />នេះ នឹងទទួលបានការអនុញ្ញាតឱ្យទៅទស្សនកិច្ច អវកាស តាមរយៈក្រុមហ៊ុនទេសចរណ៍អវកាស<br /> Virgin Galatic ឬ Space Adventures។</p>
<p>ទន្ទឹមនឹងការទទួលបានរង្វាន់ធំ ជ័យលាភី ក៏នឹងត្រូវបានអញ្ជើញឱ្យទៅចូលរួមវគ្គហ្វឹកហាត់ផ្នែក<br />ទស្សនកិច្ចអវកាស Star Harbor របស់ SEG ហើយប្រាក់ចំណាយសម្រាប់ការធ្វើដំណើរពី<br />ប្រទេសដែលខ្លួនកំពុងរស់នៅ ទៅកាន់មូលដ្ឋានហោះហើរ និងការស្នាក់នៅ ហូបចុក ការធ្វើ<br />ដំណើរនៅលើដី រួមនឹងប្រាក់ចំណាយផ្សេងៗទៀត គឺជាបន្ទុករបស់ Spaceship Earth Grants ។</p>
<p>បេក្ខភាពដែលចង់ចូលរួម ត្រូវបានអាយុ ចាប់ពី ១៨ឆ្នាំឡើងទៅ។ កិច្ចការដំបូង ដែលបេក្ខភាព<br />ទាំងឡាយត្រូវធ្វើ នោះគឺ បង្កើតគណនីមួយ នៅលើគេហទំព័ររបស់ SEG បន្ទាប់មក គឺត្រូវ<br />សរសេរអត្ថបទខ្លីមួយ (អាចបន្ថែមវីដេអូ ៩០វិនាទី) ឆ្លើយតបទៅនឹងសំនួរ ៖ “អ្នកនឹងប្រើប្រាស់<br />បទពិសោធនេះយ៉ាងណា ដើម្បីធ្វើឱ្យខ្លួនឯង សាធារណជន ក៏ដូចជាភពផែនដីរបស់យើង មាន<br />ភាពល្អប្រសើរជាងបច្ចុប្បន្ន?”។</p>
<p>SEG ឱ្យដឹងថា ដើម្បីបានចូលរួមប្រឡង អ្នកត្រូវតែបង់ប្រាក់ចំនួន ចាប់ពី ១៥ ទៅ ៩០ដុល្លារ យោងទៅតាមប្រទេសដែលអ្នកកំពុងរស់នៅ។ ប្រាក់ដែលប្រមូលបានពីការចុះឈ្មោះនេះ នឹង<br />ត្រូវបានប្រើប្រាស់សម្រាប់ការហ្វឹកហាត់ និងដំណើរទៅទស្សនកិច្ចអវកាស។</p>
<p style="text-align: center;"><a class="thickbox" title="" href="/FileManager/Commons/2014/9/20/spa6-20-09-2014--17-04-00.jpg"><img src="/FileManager/Articles/mce/2014/9/20/spa6-20-09-2014--17-04-00.jpg" alt="" /></a></p>
<p>ក្រៅពីកម្មវិធីប្រឡងខាងលើ SEG ក៏មានគម្រោងផ្ដល់រង្វាន់ដោយការហោះហើរទៅកាន់បរិយា<br />កាស ក្នុងគន្លងគោចរ parabol ដើម្បីជួយឱ្យបេក្ខភាព ៥០នាក់ ក្នុងចំណោម បេក្ខភាព ៥.០០០<br /> នាក់ដំបូង បានស្គាល់អ្វីទៅជាសភាពគ្មានទំនាញផែនដី។ បណ្ដាបេក្ខភាពនេះ នឹងត្រូវបានបញ្ចុះ<br />តម្លៃ ៥០០ដុល្លារ នៅពេលចូលរួមកម្មវិធីហ្វឹកហាត់សម្រាប់ដំណើរទៅកាន់អវកស នៅ Star <br />Harbor និងគណនីសមាជិក ១ឆ្នាំ របស់ Planetary Society រួមនឹងប័ណ្ណទទួលស្គាល់ជាបេក្ខភាព ដែលមានភ្ជាប់ជាមួយនឹងលេខកូដឯកជនពិសេស SEG Crew ID ។</p>
<p>កាលបរិច្ឆេទចុះឈ្មោះចូលរួមកម្មវិធីប្រឡងខាងលើនេះ នឹងបញ្ចប់ នៅថ្ងៃទី ៣១ ធ្នូ ឆ្នាំ ២០១៤ <br />ហើយបើតាមការលក្ខណរបស់ SEG អត្ថបទដែលនឹងត្រូវគេអនុញ្ញាតឱ្យចូលរួមប្រឡង គឺត្រូវតែ<br />ជាភាសា អង់គ្លេស អេស្ប៉ាញ បារាំង ជប៉ុន អារ៉ាប់ រុស្ស៊ី ឬភាសាចិនកុកងឺ។ ចាប់ពីថ្ងៃទី ៥មករា <br />ឆ្នាំ ២០១៥ អង្គការ SEG នឹងចាប់ផ្ដើមធ្វើយុទ្ធនាការប្រកួតប្រជែងផ្នែកប្រព័ន្ធផ្សព្វផ្សាយ បំណង<br />លើកទឹកចិត្តដល់បណ្ដាបេក្ខភាព ប្រើប្រាស់បណ្ដាញសង្គម ដើម្បីទាក់ទាញចំណាប់អារម្មណ៍ ពីជំនួយគាំទ្រដល់អត្ថបទប្រឡងរបស់ខ្លួន។</p>
<p>បញ្ជីឈ្មោះរបស់បេក្ខភាពដែលបានចូលទៅដល់វគ្គផ្ដាច់ព្រ័ត្រ នឹងត្រូវបានប្រកាស នៅថ្ងៃទី ២<br /> មិនា ឆ្នាំ ២០១៥ ចំណែកអ្នកដែលដណ្ដើមបានជ័យជំនះ នឹងត្រូវបានប្រកាស នៅថ្ងៃទី ១២ មេសា<br /> ដែលត្រូវនឹងថ្ងៃខួប ៥៤ឆ្នាំ ដែលមនុស្សបានហោះហើរទៅកាន់អវកាសជាលើកដំបូង៕</p>
<p><object style="display: block; margin-left: auto; margin-right: auto;" width="482" height="413" data="http://www.youtube.com/v/BduSTsunHdU&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/BduSTsunHdU&rel=1" /></object></p>
<p> </p>
<p style="text-align: right;">ប្រែសម្រួលដោយ ៖ តារា<br />ប្រភព ៖ Youtube/CNBCnews</p>