<p><span style="color: #000000;"><strong>(ភ្នំពេញ)៖</strong> ចៅក្រមស៊ើបសួរសាលាដំបូងរាជធានីភ្នំពេញ លោក សេង លាង បានចេញដីកាកោះហៅជាលើកទី២ ឲ្យលោកស្រី ប៊ូ រចនា ភរិយានៃសពលោកបណ្ឌិត កែម ឡី ចូលបំភ្លឺនៅរសៀលថ្ងៃទី១៧ ខែតុលាខាងមុខនេះ។ នេះបើយោងតាមដីកាកោះហៅរបស់តុលាការដែលទើបទទួលបាននៅព្រឹកថ្ងៃអង្គារ៍នេះ។</span></p>
<p><span style="color: #000000;">សូមរំលឹកថា លោកបណ្ឌិត កែម ឡី ត្រូវបានខ្មាន់កាំភ្លើងបាញ់សម្លាប់កាលពីវេលាម៉ោង៨៖៥០នាទី ព្រឹកថ្ងៃទី១០ខែកក្កដា ឆ្នាំ២០១៦ នៅចំណុចក្នុងទីតាំង ស្តារម៉ាត នៃស្ថានីយប្រេងឥន្ធនៈកាល់តិច បូកគោ ស្ថិតនៅកាច់ជ្រុងមហាវិថីព្រះមុនីវង្ស និងមហាវិថីម៉ៅសេទុង ក្នុងសង្កាត់ទន្លេបាសាក់ ខណ្ឌចំការមន។</span></p>
<p><span style="color: #000000;">ក្រោយហេតុការណ៍នេះ បុរសម្នាក់ដែលសារភាពថាជាឃាតកត្រូវបានសមត្ថកិច្ចឃាត់ខ្លួនភ្លាមៗ ហើយបច្ចុប្បន្នកំពុងជាប់ពន្ធនាគារព្រៃស។</span></p>
<p><span style="color: #000000;">ឃាតករូបនេះ សារភាពថាខ្លួនឈ្មោះ ជួប សម្លាប់ ត្រូវបានតុលាការចោទប្រកាន់ពីបទកាន់កាប់អាវុធខុសច្បាប់ និងបទឃាតកម្មគិតទុកជាមុន តាមមាត្រា៤៩០ និង ២០០ នៃក្រមព្រហ្មទណ្ឌ។</span></p>
<p><span style="color: #000000;">បទចោទប្រកាន់ទាំងនេះ អាចធ្វើឲ្យឃាតកប្រឈមមុខនឹងការជាប់ពន្ធនាគារអស់មួយជីវិត ប្រសិនបើតុលាការរកឃើញថាមានពិរុទ្ធភាព ដូចការចោទប្រកាន់មែន៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-10-04-07-18-05-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>