<p style="text-align: justify;">បបូរមាត់ក្រហមគឺជាពណ៌ដ៏ស្រស់ស្អាតមួយដែលត្រូវបាននិយមចូលបំផុត ក្នុងព្រឹត្ដិការណ៍ម៉ូដែលទាំងឡាយ ក្នុងរដូវរំហើយ និងរងា ឆ្នាំ ២០១៣។ ដើម្បីមិនមានកំហុសនៅពេលលាបបបូរមាត់ដោយ<br />ក្រែមពណ៌ក្រហម អ្នកនឹងត្រូវស្វែងនូវប្រការខាងក្រោម។</p>
<p style="text-align: justify;"><a class="thickbox" title="" href="/FileManager/Commons/2013/9/11/redlips5-11-09-2013--11-38-21.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/11/redlips5-11-09-2013--11-38-21.jpg" alt="" /></a><br /><strong>ជ្រើសរើសពណ៌ក្រហមឱ្យសមស្រប</strong></p>
<p style="text-align: justify;">នៅក្នុងក្រុមនៃក្រែមពណ៌ក្រហម គឺមានពណ៌ស្រដៀងគ្នាច្រើន ដែលក្នុងនោះ នឹងមានពណ៌ក្រហមមួយភេទនឹងស័ក្ដិសមសម្រាប់ស្បែករបស់អ្នក ហើយប្រការសំខាន់គឺអ្នកត្រូវតែជ្រើសរើសពណ៌ក្រហមណាដែលស៊ីនឹងសម្បុរស្បែករបស់ខ្លួន។ ប៉ុន្ដែ បើទោះជាស្បែករបស់អ្នក មានសម្បុរស្រអាប់ ឬស ក៏ដោយ ពណ៌ក្រហមទឹកក្រូច នឹងជាជម្រើសល្អ និងសុវត្ថិភាព។ យ៉ាងនេះក្ដី ប្រសិនស្បែកមានសម្បុរកណ្ដាល(មិនសពេក មិនខ្មៅពេក) នោះពណ៌ក្រហមរាងផ្កាឈូក នឹងជួយឱ្យស្បែករបស់អ្នក មានសភាព.ស ភ្លឺថា្ល ជាងមុន។ ចំណែកស្បែកដែលមានសម្បុរខ្មៅ គួរតែប្រើក្រែមពណ៌ក្រាសៗ ដូចជា ក្រហមស្វាយ ឬក្រហម បែបស្រាទំពាំងបាយជូ។ សម្រាប់អ្នកដែលមានស្បែក.ស អាចជ្រើសរើសពណ៌ក្រហមប្រភេទណាក៏បាន អាស្រ័យលើសម្លៀកបំពាក់។<br /><br /><strong>ការគូសគែមបបូរមាត់</strong></p>
<p style="text-align: justify;"><a class="thickbox" title="" href="/FileManager/Commons/2013/9/11/redlips4-11-09-2013--11-28-17.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/11/redlips4-11-09-2013--11-28-17.jpg" alt="" width="456" height="304" /></a><br />មនុស្សជាច្រើនយល់ថា ការគូសគែមបបូរមាត់បានហួសសម័យទៅហើយ ប៉ុន្ដែប្រសិនអ្នកគ្រោងនៃលាបបបូរមាត់ក្រហម ចូរកុំភ្លេចគូសគែមបបូរមាត់ឱ្យសោះ។ អ្នកគួរជ្រើសរើសខ្មៅដៃគូសគែមបបូរមាត់ ដែលមានពណ៌ស្រដៀងនឹងពណ៌ក្រែម ឬខ្មៅដៃដែលមានពណ៌ក្រហមសុទ្ធ។ អ្នកប្រាកដជាមិនចង់ឃើញក្រែមបបូរមាត់ត្រូវលយ ប្រលាក់ចេញហួសបបូរមាត់ ក្រោយពីបានហូបអាហារ ឬហូបទឹក ឬមួយការលិទ្ធមាត់ក្នុងពេលជជែកគ្នា ប៉ុន្ដែប្រសិនបានគូសគែមបបូរមាត់ នោះបញ្ហាខាងលើនឹងមិនអាចកើតឡើងនោះទេ។</p>
<p><strong>ជ្រើសរើសសម្លៀកបំពាក់ សមស្របនឹងពណ៌ក្រែម</strong></p>
<p style="text-align: justify;"><a class="thickbox" title="" href="/FileManager/Commons/2013/9/11/redlips6-11-09-2013--11-27-33.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/11/redlips6-11-09-2013--11-27-33.jpg" alt="" width="342" height="514" /></a><br />ស្ដ្រីជាច្រើន មានទម្លាប់លាបក្រែមបបូរមាត់ ឱ្យស៊ីនឹងពណ៌សម្លៀកបំពាក់ ប៉ុន្ដែសម្រាប់ក្រែមបបូរមាត់ក្រហម អ្នកគួរធ្វើបញ្ច្រាសនេះវិញ។ បបូរមាត់ពណ៌ក្រហមនឹងមានភាពលេចធ្លោ ហើយបញ្ចេញ “ពន្លឺ” នៅគ្រប់ស្ថានភាព និងទីកន្លែង ដែលអ្នកទៅដល់ ដូច្នេះ កន្លែង និងស្ថានភាពខ្លះ អាចធ្វើឱ្យសម្លៀកបំពាក់ និងពណ៌បបូរមាត់ត្រូវ “ដើរ” ខុសទិសគ្នា។ ដើម្បីដោះស្រាយបញ្ហានេះ ចូរប្រើប្រាស់រ៉ូបពណ៌ខ្មៅស៊ិចស៊ី ឬខោខៅប៊ោយ និងអាវធំធ្វើអំពីស្បែក ព្រោះថា សម្លៀកបំពាក់ដែលមានរូបភាព ឬពណ៌សាមញ្ញនឹងជួយរក្សាតុល្យភាព នៅពេលអ្នកលាបបបូរមាត់ក្រហម។<br /><br /><strong>រក្សាឱ្យធ្មេញបានស</strong></p>
<p><a class="thickbox" title="" href="/FileManager/Commons/2013/9/11/redlips7-11-09-2013--11-30-29.jpg"><img style="display: block; margin-left: auto; margin-right: auto;" src="/FileManager/Articles/mce/2013/9/11/redlips7-11-09-2013--11-30-29.jpg" alt="" width="446" height="446" /></a></p>
<p style="text-align: justify;">ធ្មេញ និងបបូរមាត់ក្រហម មានទំនាក់ទំនងផ្នែកសម្រស់នឹងគ្នា ដូច្នេះ ចូរកុំធ្វើឱ្យខ្លួនក្លាយជាអ្នករងគ្រោះដោយសារតែធ្មេញមានពណ៌ស្រអាប់។ អ្នកគួរតែចៀសវាងកាហ្វេ តែ បារី ប្រសិនមានគម្រោងនឹងលាបបបូរមាត់ពណ៌ក្រហម។ ការខាំផ្លែស្ដ្រូបូរី និងរក្សាវាឱ្យនៅជាប់នឹងធ្មេញប្រហែល ៥នាទី គឺជាវិធីខាត់ពណ៌ធ្មេញបន្ទាន់ ដែលអ្នកគួរតែដឹង។<br /><br /><strong>ថាទេ ចំពោះពណ៌ផ្កាឈូក</strong></p>
<p style="text-align: justify;">នៅពេលលាបបបូរមាត់ក្រហម អ្នកមិនគួរប្រើប្រាស់អ្វីដែលមានពណ៌ផ្កាឈូក។ អ្នកនឹងក្លាយជាអ្នករងគ្រោះផ្នែកសម្រស់ ប្រសិនស្លៀករ៉ូបពណ៌ផ្កាឈូក ជាមួយនឹងបបូរមាត់ក្រហម។ ល្អបំផុត គួរតែកុំកាន់ ស្លៀក ឬពាក់អ្វីដែលមានពណ៌ផ្កាឈូក ពេលអ្នកមានបំណងនឹងលាបបបូរមាត់ក្រហម។<br /> </p>
<p style="text-align: right;"><br />ដោយ ៖ តារា<br />ប្រភព ៖ TCLD<br /><br /><br /></p>