<p><span style="color: #000000;">ព័ត៌មានកីឡា៖ ថ្មីៗនេះ មានការភ្ញាក់ផ្អើលជាខ្លាំង នឹងសម្លេងរបស់អ្នកគាំទ្រក្លឹប Man United លើដំណឹង ទីផ្សារកីឡាករ Ronaldo ដែលមានគម្រោងនឹងត្រូវបានទិញត្រលប់មកវិញ ខណៈដែលមានការប្រឆាំង លើកឡើង ពីហេតុផលបីចំនុច មិនគួរឲ្យក្លឹប ទិញត្រលប់មកវិញនោះទេ។ </span></p>
<p><span style="color: #000000;">ជាការពិតណាស់ថាកន្លងទៅ ពេលដែល Cristiano Ronaldo បានផ្ទេរទៅកាន់ Real Madrid ក្នុងឆ្នាំ ២០០៩ កីឡាករពិតជាមានសមត្ថភាពជួយ ឲ្យក្លឹបនោះមានការរីកចម្រើនខ្លាំង ទាំងដឹងថា រាល់ការចេញប្រកួត របស់កីឡាករ រមែងតែរកគ្រាប់បាល់បាន ស្ទើរគ្រប់ការប្រកួត ប៉ុន្ដែពេលនេះ គឺមានលក្ខណៈខុសគ្នាទាំងស្រុង ។ គួបគ្នាបីចំណុចខាងក្រោមនេះដែរ តាមការសម្លឹងឃើញ Man United ពិតជាមិនគួរផ្ទេរកីឡាករត្រលប់មកវិញជាដាច់ខាត៖ </span></p>
<p><span style="color: #000000;">ចំណុចទី១ ភាពចាស់ជោរារបស់កីឡាករ(អាយុ)</span></p>
<p><span style="color: #000000;">ចូលឆ្នាំ ២០១៦ កីឡាករនឹងមានអាយុ ៣១ឆ្នាំហើយ មានន័យថា ទម្រង់លេង និងថាមពលរបស់គាត់ នឹងមានការប្រែប្រួល ដែលអាចនឹងធ្លាក់ចុះ មិនខុសអីនឹងកីឡាករធម្មតាមួយរូបនោះទេ។ កាលពី ៦ឆ្នាំមុនក្នុងទឹកដី Real Madrid កីឡាករ ពិតជាមានសមត្ថភាពអាចប្រជែងបាន រាល់ការលេងរបស់ក្លឹប ទាំងឡាយ រហូតជាប់ឈ្មោះជាកីឡាករឆ្នើមដែលអាចរកគ្រាប់បាល់បានខ្ពស់ ជាងគេរាល់ការប្រកួត។ តាមពិតទៅ Man United មានកីឡាករវ័យក្មេងជាច្រើនដែលកំពុងតែរីកលូតលាស់ពួកគេគឺ Jesse Lingard, Callum Gribbins, Andros Perreira, Tyler Blackett, James Wilson ដែលនឹងមើលឃើញអនាគតល្អ ដល់ក្លឹប ប៉ុន្ដែបើ Ronaldo វិលត្រលប់វិញ នោះគឺមិនប្រសើរសម្រាប់ពួកគេឡើយ ។</span></p>
<p><span style="color: #000000;">ចំណុចទី២ ភាពកំសាករបស់ Ronaldo ផ្ទាល់</span></p>
<p><span style="color: #000000;">ដូចជាអ្វីដែលបានដឹងកន្លងមកហើយ ពីភាពកំសាករបស់គាត់ ដែលកំពុងតែស្ពាយ ជាប់ខ្លួនរហូតមកទល់ពេលនេះ គឺ ការប្រៀបធៀបគ្នារវាង កីឡាករ នឹងខ្សែប្រយុទ្ធក្លឹប Barcelona គឺ Lionel Messi ខណៈដែល គាត់មិនហ៊ានប្រឈមមុខអះអាងដោយផ្ទាល់នោះឡើយ។ តាមពិតទៅគាត់គឺពិតជាកីឡាករឆ្នើមរបស់ក្លឹប ដែលគេទទួលស្គាល់ ហើយខ្លួនគាត់ក៏ដឹងហើយដែរ ប៉ុន្ដែអ្វីដែលសំខាន់ គាត់មិនហ៊ានប្រៀបធៀបខ្លួនឯងឲ្យបានច្បាស់ជាមួយ Messi ។ ម្យ៉ាងវិញទៀត លក្ខណៈសម្បត្ដិរបស់គាត់ពេលបច្ចុប្បន្ន បើទោះបីជាវិលត្រលប់មកវិញ ក៏មិនអាចជួយឲ្យ Man United ដូចកាលដែលកន្លងទៅដែរ តួយ៉ាងសូម្បីតែ Wayne Rooney ពេលបច្ចុប្បន្ន។ សរុបសេចក្ដីមក ភាពថ្កុំថ្កើនរបស់ នឹងរងការគម្រាមកំហែង ប្រសិនជា កីឡាករ ពិតជាវិលត្រលប់មកមែននោះ ។</span></p>
<p><span style="color: #000000;">ចំណុចទី៣ ប្រាក់ខែ និងតម្លៃខ្លួន កីឡាករ</span></p>
<p><span style="color: #000000;">ប្រសិនជា Ronaldo ពិតជាវិលត្រលប់មែននោះ លោក Ed Woodward និងត្រូវចំណាយលុយមិនតិចនោះទេ ។ តម្លៃខ្លួនមួយនេះ បើសូម្បីតែក្លឹប PGS ក៏មិនប្រាកដថាអាចហ៊ានផ្គូផ្គងផងដែរ។ និយាយឲ្យចំទៅ ក្លឹបនឹងមានការចំណាយច្រើន បូករួមទាំងប្រាក់ប្រចាំខែរបស់កីឡាករ គិតទៅក្លឹបអាចពិចារណាទិញកីឡាករក្មេងៗបានជាច្រើន ហើយមានសមត្ថភាព ដូចជាកីឡាករ Marco Reuss ខ្សែប្រយុទ្ធរបស់ជម្រើសជាតិ អាល្លឺម៉ង់ ។ នេះបើយោងតាមការអះអាងរបស់គេហទំព័រ weallfollowunited ។ </span></p>
<p><span style="color: #000000;"><a class="thickbox" title="" href="/FileManager/Commons/2015/12/3/12-3-2015-4-48-05-pm-03-12-2015--16-55-28.png"><span style="color: #000000;"><img src="/FileManager/Articles/mce/2015/12/3/12-3-2015-4-48-05-pm-03-12-2015--16-55-28.png" alt="" /></span></a><br /></span></p>
<p style="text-align: right;">ដោយ៖ អឿ អ៊ុយ</p>
<p style="text-align: right;">ប្រភព៖ <span>weallfollowunited</span></p>