<p><span style="color: #000000;"><strong>បន្ទាយមានជ័យ</strong> ៖ កម្លាំងនគរបាលក្រុង ប៉ោយប៉ែត ខេត្ដបន្ទាយមានជ័យ បានធ្វើការ ស្រាវជ្រាវរហូតចាប់ ជនដៃដល់ម្នាក់ ក្នុង ចំណោមបក្ខពួកទាំង៣នាក់ ដែលធ្វើសកម្ម ភាពប្រើដំបងនិងកាំបិត វាយនិងកាប់លើ ជនរងគ្រោះមួយក្រុម មានគ្នា៤នាក់ កាលពី យប់ថ្ងៃទី៩ ខែតុលា ឆ្នាំ២០១៤ ស្ថិតនៅមុខ រ៉ា ភូមិក្បាលស្ពាន ១ សង្កាត់ប៉ោយប៉ែត ក្រុង ប៉ោយប៉ែត ខេត្ដបន្ទាយមានជ័យ ។</span></p>
<p><span style="color: #000000;">អធិការនគរបាលក្រុងប៉ោយប៉ែត លោក អ៊ុំ សុផល បានថ្លែងឱ្យដឹងថា កាលពីវេលា ម៉ោង៩យប់ថ្ងៃទី៩ ខែ តុលា ឆ្នាំ២០១៤ ស្ថិត នៅមុខរ៉ា មានករណីបង្កអំពើហិង្សា មួយ បានកើតឡើង បង្កដោយជនល្មើសចំនួន៣ នាក់ ប្រដាប់ដោយដំបងនិងកាំបិតបានធ្វើ សកម្មភាពវាយនិងកាប់ប្រហារទៅលើជន រងគ្រោះ៤នាក់ ដែលកំពុង អង្គុយហូបមឹក នៅទីនោះ បណ្ដាលឱ្យរងរបួសធ្ងន់ស្រាល។</span></p>
<p><span style="color: #000000;">អធិការក្រុងប៉ោយប៉ែត បានបញ្ជាក់ទៀត ថា ក្រោយមានអំពើហិង្សាខាងលើនេះកើត ឡើង កម្លាំងសមត្ថកិច្ច របស់ លោកបានចុះ ទៅកាន់កន្លែងកើត ហេតុភ្លាមៗដោយធ្វើការ ស្រាវជ្រាវ រហូតឈានទៅ ដល់ការឃាត់ ខ្លួន ជន បង្កម្នាក់ ខណៈដែលបក្ខពួកពីរនាក់ផ្សេង ទៀត ដែលចូលរួមធ្វើសកម្មភាពនោះបាន នឹងកំពុងរត់ គេចខ្លួន ។</span></p>
<p><span style="color: #000000;">លោកអ៊ុំ សុផល បានបន្ដថា ជនល្មើស ដែលកម្លាំងសមត្ថកិច្ចរបស់លោកឃាត់ខ្លួន ក្រោយកើតហេតុនោះ ឈ្មោះងួន ឆៃរិទ្ធ ហៅម៉ាប់ អាយុ១៨ឆ្នាំ មានទីលំនៅនិងមុខ របរមិនពិតប្រាកដ ។</span></p>
<p><span style="color: #000000;">ដោយឡែក បក្ខពួកពីរ នាក់ផ្សេងទៀត ដែលបាននឹងកំពុងរត់គេច ខ្លួន ម្នាក់ឈ្មោះវឿត អាយុប្រហែល២០ឆ្នាំ មានទីលំនៅនិងមុខមិនពិតប្រាកដ និងជន ដៃដល់ម្នាក់ទៀត ឈ្មោះស្រួច អាយុប្រហែល ២០ឆ្នាំ ។</span></p>
<p><span style="color: #000000;">រីឯជនរងគ្រោះ ៣នាក់ដែលរង របួស ក្នុងអំពើហិង្សាខាងលើនេះ ទី១ឈ្មោះ ពៅ រតនា អាយុ១៩ឆ្នាំ រងរបួស មុខនិងដៃ ឆ្វេង ទី២ឈ្មោះផន មឿត អាយុ២៧ឆ្នាំ និង ទី៣ ឈ្មោះគាំ រ៉ា អាយុ២០ឆ្នាំ រងរបួស ស្រាល ។</span></p>
<p><span style="color: #000000;">យ៉ាងណាក៏ដោយ មូលហេតុនៃការប្រើ អំពើហិង្សាវាយនិងកាប់ប្រហារទៅលើជន រងគ្រោះ ខាងលើ នេះមិនទាន់ មានការបញ្ជាក់ ពីមូលហេតុពិតប្រាកដរបស់សមត្ថកិច្ចនៅ ឡើយទេ ដោយរង់ចាំការ សួរនាំបន្ដទៀត ។</span></p>
<p><span style="color: #000000;">បច្ចុប្បន្នជនបង្ករូបនេះ ត្រូវបានឃុំខ្លួន នៅអធិការដ្ឋាននគរបាលក្រុងប៉ោយប៉ែត ដើម្បីកសាងសំណុំរឿង បញ្ជូនទៅ កាន់តុលា ការចាត់ការតាមផ្លូវច្បាប់ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/10/10/ch-0317-10-10-2014--15-09-49.jpg"><img src="/FileManager/Articles/mce/2014/10/10/ch-0317-10-10-2014--15-09-49.jpg" alt="" /></a></span></p>
<p style="text-align: right;"><span style="color: #000000;"><a class="thickbox" title="" href="/FileManager/Commons/2014/10/10/ch-0317-10-10-2014--15-09-49.jpg"></a><br />ផ្ដល់សិទ្ធិដោយ៖ ដើមអម្ពិល</span></p>