<div class="article-content">
<p><strong>ស្វាយរៀងៈ</strong> ដោយសារតែ តណ្ហាមោហ៍បាំង បុរសម្នាក់ ដែលមានប្រពន្ធកូន រួចទៅហើយនោះ <br />បានប៉ុនប៉ងចាប់រំលោភ ប្អូនស្រីជីដូនមួយខ្លួនឯង តែមិនបានសម្រេច ហើយពេលដែលនគរបាល<br /> ចាប់ខ្លួន ក៏យំសោកស្ដាយកំហុសខ្លួនឯង ។ ហេតុការណ៍ ប៉ុនប៉ងចាប់រំលោភនេះ បានកើតឡើង <br />កាលថ្ងៃទី១១ ខែ មេសា ឆ្នាំ២០១៣ នៅផ្ទះស្រ្តីរងគ្រោះ ដែលស្ថិតនៅភូមិព្រៃធ្នង់ ឃុំរមាំងថ្កោល<br /> ស្រុកស្វាយទាប ។</p>
<p>យោងតាម សមត្ថកិច្ច បានប្រាប់ឲ្យដឹងថា ជនសង្ស័យ ដែលប៉ុនប៉ងចាប់រំលោភ ប្អូនស្រីជីដូនមួយ<br />ខ្លួនឯងនេះ មាន ឈ្មោះ សំ ណាក់ ភេទប្រុស អាយុ ២៦ ឆ្នាំ មានទីលំនៅ នៅជិតគ្នា និងស្រ្តីរងគ្រោះ<br /> មានប្រពន្ធ និងកូនពីរនាក់ ហើយមានមុខរបរ ធ្វើស្រែ ចំណែកស្រ្តីរងគ្រោះ ឈ្មោះ ស.ស.ព អាយុ <br />១៥ ឆ្នាំ ជាសិស្សសាលា។</p>
<p>សមត្ថកិច្ចបានបន្តថា មុនពេលកើតហេតុ ស្រ្តីរងគ្រោះ នៅផ្ទះតែម្នាក់ឯង ដោយម្ដាយឪពុក ចេញទៅ<br />ក្រៅអស់ ហើយនៅវេលាម៉ោង ១០ និង ៣០នាទីព្រឹក ស្រ្តីរងគ្រោះ បានទៅផ្ទះបាយដាំបាយ ស្រាប់<br />តែជនសង្ស័យដោយឃើញស្រ្តីរងគ្រោះ នៅម្នាក់ឯង ក៏បានស្ទុះចូលទៅចាប់ប៉ុនប៉ង រំលោភតែ ពេល<br />នោះស្រ្តីរងគ្រោះ ក៏រើបំរាស់និងប្រតាយប្រតប់គ្នា ហើយក៏មានការស្រែក ឲ្យគេជួយផងដែរ ពេលនោះ<br /> ស្រាប់តែឪពុកម្ដាយមកទាន់ ជនសង្ស័យក៏បានរត់គេចខ្លួន មកសម្ងំក្នុងផ្ទះ ក៏ប៉ុន្តែ ឪពុកម្ដាយជនរង<br />គ្រោះ បានទៅប្ដឹងសមត្ថកិច្ច ហើយបានមួយម៉ោងក្រោយមក សមត្ថកិច្ច ក៏បានទៅចាប់ជនសង្ស័យ<br /> ដល់ផ្ទះតែម្ដង។</p>
<p> នៅចំពោះមុខសមត្ថកិច្ច ជនសង្ស័យ សំ ណាក់ បានសារភាពថា ខ្លួនពិតជាបានប៉ុនប៉ង ចាប់រំលោភ<br />ប្អូនស្រីជីដូន មួយ របស់ខ្លួនពិតប្រាកដមែន តែការចាប់រំលោភនេះ មិនបានសម្រេចនោះទេ ដោយ<br />សារតែម្ដាយឪពុកស្រ្តី រងគ្រោះមកទាន់ ខ្លួនក៏រត់គេចខ្លួនតែម្ដងទៅ តែត្រូវសមត្ថ កិច្ចតាមចាប់បាន។</p>
<p>បើតាមសមត្ថកិច្ច ពេលដែលយកជនសង្ស័យទៅឃុំខ្លួន បុរសនេះបានស្រែកយំដោយសារតែស្ដាយ<br /> នឹងកំហុសខ្លួនឯង តែទោះជាយ៉ាងណាក៏ដោយ សមត្ថកិច្ចនឹងកសាងសំណុំរឿង ទៅកាន់តុលាការ <br />ដើម្បីកាត់ទោស ទៅតាមច្បាប់ ៕</p>
<p style="text-align: center;"><img src="http://111.92.240.170:81/dap-news/dap-images/2013/April/id-009/S-135.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>