<p><strong>ភ្នំពេញ</strong> ៖ កម្មការិនីម្នាក់ ចងកធ្វើអត្តឃាត ដោយមិនទាន់ដឹង មូលហេតុ ច្បាស់លាស់ ខណៈ<br />មានគូដណ្តឹងជិតដល់ថ្ងៃ ចូលរោងការ ទៅហើយ ។</p>
<p>ហេតុការណ៍នេះ ភ្ញាក់ផ្អើល នៅវេលាម៉ោង៤ និង៣០នាទី ល្ងាច ថ្ងៃទី២៦ ខែកញ្ញា ឆ្នាំ២០១៣<br /> នៅក្នុងដីឡូត៍ លេខ១៣០ បន្ទប់ជួលលេខ ឃ៦ ផ្លូវលូ៥ ក្រុមទី១ សង្កាត់ស្ទឹងមានជ័យ ខណ្ឌ<br />មានជ័យ ។</p>
<p>នារីរងគ្រោះមានឈ្មោះ ម៉ន ស៊ីណា អាយុ២១ឆ្នាំ ជាកម្មការិនីរោងចក្រកាត់ដេរ មានស្រុកកំណើត<br />នៅខេត្តស្វាយរៀង ។ តាមការឲ្យដឹងពីឈ្មោះ លន់ រតនា ភេទប្រុស អាយុ២៣ឆ្នាំ ជាគូដណ្តឹងរបស់<br />នារីរងគ្រោះបានរៀបរាប់ថា នារីរងគ្រោះបានឈឺ២ទៅ៣ថ្ងៃមកហើយ ហើយទំនងជាតូចចិត្តនឹង<br />ស្ថានភាពក្រុមគ្រួសារក្រីក្រពេក ហើយចេះតែឈឺទៀតនោះ ទើបសម្រេចចិត្តធ្វើអត្តឃាត ដោយ<br />យកក្រមារចង កទៅនឹងថ្នឹមផ្ទះបែបនេះតែម្តង ។</p>
<p>ក្រោយទទួលបានព័ត៌មាន សមត្ថកិច្ច បានចុះទៅពិនិត្យសាកសពបានឲ្យដឹងថា ជនរងគ្រោះស្លាប់<br />ដោយសារចងក ពុំមែនជាករណីឃាតកម្មនោះទេ ហើយបច្ចុប្បន្នសពជនរងគ្រោះត្រូវបានសមត្ថ-<br />កិច្ចប្រគល់ឲ្យក្រុមគ្រួសារធ្វើបុណ្យតាមប្រពៃណី៕</p>
<p style="text-align: center;"> <img title=" " src="http://image.dap-news.com:81/dap-news/dap-images/2013/September/id-011/Hong-0592.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>