<div class="summary">
<p>Galaxy Note 3 Lite នឹងក្លាយជាជម្រើស ដ៏សក្តិសមបំផុតមួយ សម្រាប់អ្នកដែលចូលចិត្ត Phablet មានលក្ខណៈសម្បត្តិ Hardware ខ្លាំងៗ។</p>
</div>
<div class="content">
<p>តាមរយះរបាយការណ៍ថ្មីបំផុតមួយ ដែលបានប្រកាសឲ្យដឹងពីបណ្តាប្រព័ន្ធផ្សព្វផ្សាយកូរ៉េខាង ត្បូង ម៉ូដែលតំលៃទាប Galaxy Note 3 Lite ដែល Samsung បានរំពឹងទុកថា នឹងបង្ហាញខ្លួន នៅដើមឆ្នាំ ២០១៤ បានចាប់ផ្តើមធ្វើការផលិតជាផ្លូវការហើយ គឺចាប់ពីថ្ងៃទី ១២ ខែធ្នូ មក។ ក្រុមហ៊ុនទូរស័ព្ទកូរ៉េខាងត្បូង បានជឿជាក់ថា Note 3 Lite នឹងទទួលបានការគាំទ្រច្រើនពី សំណាក់អ្នកប្រើប្រាស់ ហើយទន្ទឹមនឹងនោះ វានឹងមានបរិមាណលក់ចេញ បានជិតស្មើពាក់ កណ្តាលនឹង បរិមាណលក់ចេញ Galaxy Note 3 ដំបូងផងដែរ។</p>
<p><a class="thickbox" title="" href="/FileManager/Commons/2013/12/16/3-16-12-2013--10-32-22.jpg"><img src="/FileManager/Articles/mce/2013/12/16/3-16-12-2013--10-32-22.jpg" alt="" /></a></p>
<p>បើតាមបណ្តាព័ត៌មានចចាមអារាមកន្លងមក Galaxy Note 3 Lite នឹងមានឈ្មោះម៉ូដែល SM-N7505 ជាមួយនឹងជម្រើសពីរពណ៌ គឺស និងខ្មៅ ហើយត្រូវបានកាត់បន្ថយផ្នែក Hardware ខ្លះៗ បើប្រៀបជាមួយ រៀមច្បង ដែលកំពុងតែមានវត្តមាន នៅលើទីផ្សារ។</p>
<p>Note 3 Lite នឹងប្រើប្រាស់អេក្រង់ទំហំ 5,68 inch។ ទន្ទឹមនឹងនោះ កាមេរ៉ាក្រោយរបស់វា នឹងត្រូវបានបន្ថយមកនៅត្រឹម 8 megapixel ជាមួយនឹងបច្ចេកវិទ្យាអេក្រង់ក៏ថយពី Super AMOLED មកនៅត្រឹមបច្ចេកវិទ្យា LCD ដូចទៅនឹងស្មាតហ្វូន Galaxy S4 Active ដែរ។ ក្នុងនោះ . Note 3 Lite នៅតែមានភ្ជាប់មកជាមួយនូវប៊ិច S Pen ដូច Note 3 ផងដែរ។</p>
<p>លទ្ធភាពច្រើន Galaxy Note 3 Lite នឹងត្រូវបានបង្ហាញខ្លួននៅក្នុងពិព័រណ៌ Mobile World Congress ដែលនឹងប្រារព្ធធ្វើឡើងនៅខែកុម្ភះ ឆ្នាំក្រោយនេះ៕</p>
<p>ព័ត៌មានគួរឲ្យចាប់អារម្មណ៍ ដទៃផ្សេងទៀត៖</p>
<p><a href="http://www.camnews.com.kh/News/Detail/23698/much-inventory--iphone-5c-discount-shock--in-the-us"><span style="color: #0000ff;">- សល់ក្នុងស្តុកច្រើន iPhone 5C ត្រូវបានលក់បញ្ចុះតំលៃ គួរឲ្យភ្ញាក់ផ្អើល នៅអាមេរិច</span></a><a href="http://www.camnews.com.kh/News/Detail/87526/iphone-5s-exceeded-galaxy-s4-on-global-markets"><span style="color: #0000ff;"><br />- iPhone 5S បានវ៉ាឈ្នះ Galaxy S4 លើបរិមាណលក់ចេញ នៅលើទីផ្សារទូទាំងពិភពលោក</span></a><a href="http://www.camnews.com.kh/News/Detail/38571/concept-iphone-air-and-iphone-6c-super-thin"><span style="color: #0000ff;"><br />- Concept iPhone 6 Air និង iPhone 6C ជាមួយនឹងកម្រាស់ដ៏ស្តើង ស្មានមិនដល់ (មានវីដេអូ)</span></a><a href="http://www.camnews.com.kh/News/Detail/12405/nexus-5-is-revised-design"><span style="color: #0000ff;"><br /></span></a></p>
<p style="text-align: right;">ប្រែសម្រួល៖ សិលា<br />ប្រភព៖ zing</p>
</div>