<p class="pTitle">ការប៉ះទង្គិចគ្នាមួយបានកើតឡើងនៅក្នុងកិច្ចប្រជុំសភាថៃកាលពីថ្ងៃទី ៣០ឧសភា ខណៈដែល<br />តំណាងរាស្ដ្រមកពីបក្សប្រជាធិបតេយ្យបានរិះគន់យ៉ាងខ្លាំងក្លា ចំពោះសេចក្ដីព្រាងច្បាប់ស្ដីពី<br />ការផ្សះផ្សាជាតិ។</p>
<p class="pBody">កិច្ចប្រជុំបានផ្អាកនៅពាក់កណ្ដាលទី នៅពេលដែលប្រធានរដ្ឋសភារបស់ថៃ លោក Somsak Kiatsuranont មិនអើពើដល់ការជំទាស់របស់ក្រុមតំណាងរាស្ដ្រមកពីបក្សប្រឆាំង និងបានអំពាវ<br />នាវអោយបោះឆ្នោតអនុម័តទៅលើសេចក្ដីព្រាងច្បាប់ផ្សះផ្សាជាតិមួយនេះ។</p>
<p class="pBody">ប្រតិកម្មទៅនឹងហេតុការណ៍ខាងលើ តំណាងរាស្ដ្រ Thana Chirawinit បាន "លោត" ទៅដល់<br />កន្លែងអង្គុយរបស់លោក Somsak Kiatsuranont រួចប្រើពាក្យពិបាកស្ដាប់ជាច្រើន ព្រមទាំងបាន<br />ស្នើអោយលោកលាលែងពីតំណែង។</p>
<p class="pBody"><a class="thickbox" title="" href="/FileManager/Commons/2012/6/4/393210-04-06-2012--09-52-46.jpg"><img src="/FileManager/Articles/mce/2012/6/4/393210-04-06-2012--09-52-46.jpg" alt="" width="472" height="341" /></a></p>
<p><img class="oImage" src="http://img2.news.zing.vn/2012/06/01/03-1.jpg" border="0" alt="" width="475" height="199" align="Middle" /></p>
<p class="pBody">ក្រោយមក សមាជិកសភាមួយក្រុមទៀតក៏បានចូលរួមដៃជាមួយ Chirawinit ។ តំណាងរាស្ដ្រ<br />មួយចំនួនថែមទាំងបានបោះក្រដាសឯកសារចុះទៅលើឥដ្ឋផងដែរ។</p>
<p class="pBody">ហេតុការណ៍នេះកាន់តែអាក្រក់ទៅៗ រហូតដល់នគរបាលចំនួន ៤០នាក់ត្រូវធ្វើសកម្មភាពដើម្បី<br />ការពារអ្នកនាំពាក្យរបស់រដ្ឋសភា។</p>
<p>ជាមួយគ្នានេះដែរ ក្រុមបាតុករអាវលឿងរាប់ពាន់នាក់ក៏បានប្រមូលផ្ដុំគ្នាដើម្បីប្រឆាំងនឹងសេច<br />ក្ដីព្រាងច្បាប់ផ្សះផ្សាជាតិ។ ពួកគេយល់ថា នោះគឺជាវិធីដើម្បីអនុញ្ញាតអោយអតីតនាយករដ្ឋមន្ដ្រី<br />ថៃលោក Thaksin Shinawatra បានចូលស្រុកដោយស្របច្បាប់តែប៉ុណ្ណោះ៕</p>
<p class="pBody" style="text-align: right;">ដោយ ៖ សូរីយ៉ា<br />ប្រភព ៖ Zing</p>