<p><span style="color: #000000;">ព័ត៌មានជាតិ ៖ សហគ្រាសវិនិយោគរបស់ម៉ាឡេស៊ី ក៏ដូចជា ដៃគូសហការក្នុងស្រុក ព្រះរាជាណា ចក្រកម្ពុជា កំពុងតែសម្លឹងមើលរួមគ្នា ក្នុងការវិនិយោគលើសួនកំសាន្តដាយនូស័រ “Jurassic Theme Park” ដែលជាផ្នែកមួយនៃគំរោងអភិវឌ្ឍន៍ នៃទំហំសាច់ប្រាក់ដល់ទៅ ៥១លានដុល្លារ ក្នុងការបង្កើតមជ្ឈមណ្ឌលកំសាន្ត រួមមានដូចជា កាស៊ីណូ សណ្ឋាគារ និងបន្ទប់អាផាតមែន ៥០០ ដែល គម្រោងនេះផ្ទាល់ គ្រោងនឹងចាប់បដិសន្ធិនៅក្នុងខេត្តព្រៃវែង ជាប់ព្រំប្រទល់ដែនប្រទេសវៀតណាម នេះបើយោងតាមការប្រកាសរបស់ក្រុមហ៊ុនដែលបានដាក់ទៅផ្សារហ៊ុនម៉ាឡេស៊ីពីថ្ងៃម្សិលមិញ។</span></p>
<p><br /><a class="thickbox" title="" href="/FileManager/Commons/2016/12/14/40-14-12-2016--14-49-33.jpg"><img src="/FileManager/Articles/mce/2016/12/14/40-14-12-2016--14-49-33.jpg" alt="" /></a></p>
<p><span style="color: #000000;"> * រូបភាព ពីគេហទំព័រភ្នំពេញប៉ុស្តិ៍</span><a class="thickbox" title="" href="/FileManager/Commons/2016/12/14/40-14-12-2016--14-49-33.jpg"></a></p>
<p><span style="color: #000000;">MQ Technology Bhd ដែលជាសហគ្រាសវិនិយោគពីប្រទេសម៉ាឡេស៊ី គូសបញ្ជាក់តាមរយៈការ ប្រកាសរបស់ខ្លួនឲ្យដឹងថា និន្នាការរបស់ខ្លួនក្នុងការសហការជាមួយនឹងក្រុមហ៊ុនក្នុងស្រុក Cambodian Resort and Entertainment Ltd (CRE) គឺគម្រោងក្នុងការអភិវឌ្ឍន៍តាមបណ្តោយ ព្រំដែន ដែលជាសំណង់អភិវឌ្ឍន៍ រួចរាល់ក្នុងរយៈពេល ៦ ឆ្នាំ ។ </span></p>
<p><span style="color: #000000;">យោងតាមអនុស្សរណៈនៃកិច្ចព្រមព្រៀង ( MoU) ក្រុមហ៊ុន Star Acres Sdn Bhd ដែលជាបុត្រសម្ព័ន្ធគ្រប់គ្រងទាំងស្រុងដោយ MQ Technology នឹងគ្រប់គ្រងការវិនិយោគរួមនេះ៧០ភាគរយ និងនៅសេសសល់កាន់កាប់ដោយក្រុមហ៊ុន CRE។</span></p>
<p><span style="color: #000000;">កិច្ចព្រមព្រៀងនេះបញ្ជាក់ថា ក្រុមហ៊ុន Star Acres នឹងផ្ដល់ប្រាក់ដំបូង១,៥លានដុល្លារដើម្បីសាងសង់សួនកម្សាន្តដាយណូស័រ (Jurassic Theme Park) ក្នុងរយៈពេល៣ឆ្នាំ។ សេចក្ដីប្រកាសព័ត៌មានគម្រោងនេះនឹងសាងសង់លើផ្ទៃដី៥,១ហិកតា ដែលដីនេះត្រូវបានចុះបញ្ជីកាន់កាប់ដោយក្រុមហ៊ុន CRE។ <span style="font-size: 12px;">សួនកម្សាន្ត Jurassic Theme Park គឺជាផ្នែកមួយនៃការវិនិយោគដ៏ធំមានទឹកប្រាក់៥១,១លានដុល្លារ ហើយប្រសិនវាត្រូវបានអនុវត្ត នឹងត្រូវចំណាយពេល៦ឆ្នាំដើម្បីបញ្ចប់។</span></span></p>
<p><span style="color: #000000;">បើយោងតាមសម្រង់អត្ថបទចេញផ្សាយ ពីសារព័ត៌មានក្នុងស្រុក ភ្នំពេញប៉ុស្តិ៍ឲ្យដឹងថា គម្រោង វិនិយោគ នៅលើផ្ទៃដី ៥,១ហិកតា ក្នុងទំហំសាច់ប្រាក់ដល់ទៅ ៥១លានដុល្លារ ក្នុងរយៈពេល ៦ ឆ្នាំ មួយនេះ គឺជាគម្រោងវិនិយោគនេះស្ថិតនៅភូមិប្រោះស្វា បន្ទាយចក្រី ស្រុកព្រះស្ដេច ខេត្តព្រៃវែង តាមបណ្ដោយព្រំដែនវៀតណាមផ្ទាល់តែម្តង ៕</span></p>
<p><span style="color: #000000;"><a class="thickbox" title="" href="/FileManager/Commons/2016/12/14/40a-14-12-2016--14-52-03.jpg"><img src="/FileManager/Articles/mce/2016/12/14/40a-14-12-2016--14-52-03.jpg" alt="" /></a> </span></p>
<p><span style="color: #000000;"> បញ្ជាក់ ៖ រូបភាពឯកសារ នៃការវិនិយោគសួនកំសាន្ត <br /><br /></span></p>
<p style="text-align: right;"><span style="color: #000000;">ដោយ ៖ កុសល</span></p>
<p style="text-align: right;"><span style="color: #000000;">ប្រភព ៖ ភ្នំពេញប៉ុស្តិ៍ </span></p>