<p><span style="color: #000000;">ព័ត៌មានកំសាន្ត ៖ តារាស្រី ៣ ដួងដែលមានកេរ្តិ៍ឈ្មោះល្បីល្បាញនៅក្នុងវិស័យសិល្បៈយ៉ាងខ្លាំង ហើយក៍ជាតារាចម្រៀងដែលមានរូបសម្រស់ស្រស់សោភា និងសម្លេងពិរោះ គួរជាទីចាប់អារម្មណ៍របស់ទស្សនិកជនផងដែរ ។ </span></p>
<p><span style="color: #000000;">ដោយយោងតាមគណនី Instagram របស់តារាស្រី សុគន្ធ នីសា កាលពីពេលថ្មីៗនេះ នាងបានបង្ហោះរូបថតមួយសន្លឹករួមគ្នា ជាមួយនិងតារាល្បី ២ រូបទៀត គឺ តារាស្រី មាស សុខសោភា និង ពេជ្រ សោភា ដោយភ្ជាប់មកជាមួយនិងចំណងជើងថា<strong> "ចាស់ៗអស់ហើយតែ ចង់តែងធ្វើក្មេងម្តងទៀត"</strong> ។ ដោយសារតែរូបថតនេះហើយបានធ្វើឲ្យទស្សនិកជនជាច្រើនទទួលបាននូវការចាប់អារម្មណ៍យ៉ាងខ្លាំងថា ថ្វីត្បិតតែអ្នកទាំង ៣ នាក់នេះ មានវ័យច្រើន ហើយប្រលូកនៅក្នុងវិស័យសិល្បៈអស់រយៈពេលជាយូរលង់ណាស់មកហើយ ប៉ុន្តែតារាស្រីទាំង ៣ ដួងនៅតែមានសម្រស់ក្មេងជាងវ័យដដែល ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/18/sokun-18-08-2016--09-58-05.png"><img src="/FileManager/Articles/mce/2016/8/18/sokun-18-08-2016--09-58-05.png" alt="" /></a><br /></span></p>
<p><span style="color: #000000;">គួរបញ្ជាក់ឲ្យដឹងថា តារាចម្រៀងបែបស្រគត់ស្រគំ និងមានសម្រស់ស្រស់សោភា ហើយមានមន្តស្នេហ៍ទាក់ទាញ កញ្ញា សុគន្ធ នីសា ត្រូវបានគេមើលឃើញថា នាងនៅតែល្បីល្បាញក្នុងអាជីពជាអ្នកចម្រៀង ។ </span></p>
<p><span style="color: #000000;">រីឯកញ្ញា មាស សុខសោភា ដែលជាតារាស្រីទឹកដមសំឡេងស្រទន់ និង ក្រអួនក្រអៅ អង្រួនបេះដូងអ្នកស្ដាប់ឲ្យលន្លង់លន្លោចទៅតាមបទចម្រៀងទាំង មនោសញ្ចេតនា និង ញាក់កន្ត្រាក់អារម្មណ៍តាមសាច់ភ្លេង ។ </span></p>
<p><span style="color: #000000;">ហើយបើនិយាយចំពោះ ពេជ្រ សោភា វិញក៍មិនចាញ់តារាស្រីទាំង ២ ដួងនៅខាងលើដែរ ព្រោះនាងក៍ជាតារាចម្រៀងម្នាក់ដែលស្ថិតនៅក្នុងចិត្តទស្សនិកជន ទាំងសម្លេងនិងទឹកចិត្តដ៏ល្អ បរិសុទ្ធចំពោះអ្នកដទៃ ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/8/18/1-18-08-2016--09-58-11.png"><img src="/FileManager/Articles/mce/2016/8/18/1-18-08-2016--09-58-11.png" alt="" /></a><br /></span></p>
<p style="text-align: right;"><span style="color: #000000;"><br />ដោយ ៖ គន្ធា</span></p>