<p><span style="color: #000000;"><strong>(ពោធិ៍សាត់)៖</strong> អំពើហិង្សាមួយបានកើតឡើង ដោយសារតែប្តីផឹកស្រាស្រវឹងរាល់ថ្ងៃ ហើយបានគំរាមសម្លាប់ម្តាយ វាយធ្វើបាបប្រពន្ធកូន ព្រមទាំងបំផ្លិចបំផ្លាញទ្រព្យសម្បត្តិ ដែលមាននៅក្នុងផ្ទះ ត្រូវបានម្តាយដាក់ពាក្យបណ្តឹងមកសមត្ថកិច្ច ឲ្យឃាត់ខ្លួនកូនរបស់គាត់ចាត់ការតាមផ្លូវច្បាប់។</span></p>
<p><span style="color: #000000;">អំពើហិង្សាក្នុងគ្រួសារខាងលើនេះ បានកើតឡើងនៅរសៀលថ្ងៃទី២៣ ខែវិច្ឆិកា ឆ្នាំ២០១៦ នៅចំណុចផ្ទះ យន់ អ៊ុន (ជាម្តាយ) ស្ថិតក្នុងភូមិស្រះស្រង់ សង្កាត់ព្រៃញី ក្រុងពោធិ៍សាត់ ខេត្តពោធិ៍សាត់។</span></p>
<p><span style="color: #000000;">មន្ត្រីនគរបាលក្រុងពោធិ៍សាត់ បានប្រាប់ភ្នាក់ងារ Fresh News ឲ្យដឹងថា បុរសជាប្តីមានឈ្មោះ យឹម ណារិទ្ធ អាយុ៣៩ឆ្នាំ (ឃាត់ខ្លួន) មានប្រពន្ធ និងកូនមួយ ដែលមានម្តាយឈ្មោះ យន់ អ៊ុន រស់នៅភូមិសង្កាត់កើតហេតុខាងលើ។</span></p>
<p><span style="color: #000000;">មន្រ្តីនគរបាលបន្តថា ជនសង្ស័យតែងតែផឹកស្រាស្រវឹងរៀងរាល់ថ្ងៃ ហើយនៅថ្ងៃកើតហេតុជនសង្ស័យ បានគំរាមសម្លាប់ម្តាយ និងវាយធ្វើបាបប្រពន្ធកូន ព្រមទាំងបំផ្លិចបំផ្លាញទ្រព្យសម្បត្តិ ដែលមាននៅក្នុងផ្ទះខ្ទេចគ្មានសល់។</span></p>
<p><span style="color: #000000;">ក្រោយកើតហេតុ ម្តាយរងគ្រោះបានមកដាក់ពាក្យបណ្តឹង ហើយកម្លាំងប៉ុស្តិ៍ព្រៃញី បានចុះអន្តរាគមន៍ឃាត់ខ្លួនបុរសជាប្តី បញ្ជូនទៅអធិការដ្ឋាននគរបាលក្រុងពោធិ៍សាត់ ដើម្បីបន្តចាត់ការតាមនីតិវិធី៕</span></p>
<p><a class="thickbox" title="" href="/FileManager/Commons/2016/11/24/05a-24-11-2016--13-44-25.jpg"><img src="/FileManager/Articles/mce/2016/11/24/05a-24-11-2016--13-44-25.jpg" alt="" /></a></p>
<p><span style="color: #000000;"><img src="http://image.freshnewsasia.com/2016/fn-2016-11-24-12-50-46-1.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>