<p><span style="color: #000000;"><strong>(ប៉េកាំង)៖</strong> បណ្តាស្ថានទូតបរទេសប្រចាំប្រទេសចិន នៅថ្ងៃព្រហស្បតិ៍នេះ បានចេញសេចក្តីព្រមាន ពីការគំរាមកំហែង ផ្នែកសន្តិសុខដល់ប្រជាពលរដ្ឋរបស់ខ្លួន ក្នុងទីក្រុងប៉េកាំង នៅឱកាសនៃថ្ងៃបុណ្យគ្រីស្តម៉ាកស៍ នេះបើយោងតាមសេចក្តីរាយការណ៍ របស់ភ្នាក់ងារសារព័ត៌មាន Channel News Asia ចេញផ្សាយនៅថ្ងៃទី២៤ ខែធ្នូ ឆ្នាំ២០១៥នេះ។</span></p>
<p><span style="color: #000000;">រដ្ឋាភិបាលសហរដ្ឋអាម៉េរិក និងចក្រភពអង់គ្លេស បានធ្វើការក្រើនរំលឹក ដល់ប្រជាពលរដ្ឋរបស់ខ្លួន សំរាប់ការធ្វើដំណើរនៅតាមបណ្តា ហាងទំនិញល្បីៗ ក៏ដូចជាតាមតំបន់កំសាន្ត នាពេលរាត្រីជាដើម។ ជាមួយគ្នានេះដែរ ស្ថានទូតបារាំង ក៏បានបន្តផ្សព្វផ្សាយពីការព្រមាននេះ ដល់ប្រជាពលរដ្ឋរបស់ខ្លួនដូចគ្នា។</span></p>
<p><span style="color: #000000;">រូបភាពជាច្រើនត្រូវបានបង្ហោះ ក្នុងប្រព័ន្ធទំនាក់ទំនងសង្គម បង្ហាញការពីពង្រឹងវត្ថមាន របស់កម្លាំងប៉ូលិស នៅតាមបណ្តាហាងទំនើបៗ ខណៈដែល អូស្រ្តាលី ក៏បានធ្វើការក្រើនរំលឹក ដល់ប្រជាពលរដ្ឋរបស់ខ្លួន ដែលកំពុងរស់នៅក្នុងទីក្រុងប៉េកាំង ឲ្យបង្កើនការប្រុងប្រយ័ត្ន ចំពោះការគំរាមកំហែង នានាផងដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/25/10f-25-12-2015--09-47-08.jpg"><img src="/FileManager/Articles/mce/2015/12/25/10f-25-12-2015--09-47-08.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ CNA </span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>