<div class="entry-content clearfix single-post-content">
<p><span style="color: #000000;"><strong>(ចិន)៖</strong> ចិនជាប្រទេសដែលមានប្រជាជនច្រើនជាងគេបំផុតលើលោក (ជាង១.៣ពាន់លាននាក់) ដោយចំនួននេះគិតតែលើប្រជាជនដែលរស់នៅក្នុង ប្រទេសប៉ុណ្ណោះ ដោយមិនគិតប្រជាជនកាត់ចិន ដែលរស់នៅតាមបណ្តាប្រទេសផ្សេងៗទៀតនៅលើពិភពលោក រួមទាំងសហរដ្ឋអាមេរិកនោះឡើយ។ សម្រាប់ឆ្នាំ២០១៧នេះជាឆ្នាំពិសេសមួយទៀត តាមប្រពៃណីជនជាតិចិន ដែលត្រូវជាឆ្នាំមាន់មាស។ ឆ្នាំនេះត្រូវបានគ្រប់គ្នាជឿជាក់ថា នឹងនាំមកនូវភាព ចំរុងចំរើនដល់ក្រុមគ្រួសារជនជាតិចិន-កាត់ចិនទាំងឡាយនៅលើពិភពលោក។</span></p>
<p><span style="color: #000000;"><strong>ដូច្នេះខាងក្រោមនេះ គឺជាការលើកយកចំណុចដ៏គួរឲ្យចាប់អារម្មណ៍ចំនួន០៧ ដែលគ្រប់គ្នានឹងយល់ច្បាស់ពីអត្ថន័យនីមួយៗ សម្រាប់ឆ្នាំថ្មីឆ្នាំ២០១៧ នេះ, សូមទស្សនាវិដេអូ៖</strong></span></p>
<p><span style="color: #000000;">១៖ ប្រជាជន ១ភាគ ៥នៅលើពិភពលោក ប្រារព្ធពិធីបុណ្យចូលឆ្នាំចិន។ វាចំថ្ងៃដែលព្រះច័ន្ទថ្មីទីពីរ លេចរូបរាងឡើងបន្ទាប់ពីរដូវរងារ។</span></p>
<p><span style="color: #000000;">២៖ ឆ្នាំនីមួយៗត្រូវបានតំណាងដោយសត្វនីមួយៗចំនួន១២ ទៅតាមឆ្នាំកំណត់របស់ជនជាតិចិន ហើយសម្រាប់ឆ្នាំ២០១៧ គឺត្រូវនឹងសត្វមាន់គក។</span></p>
<p><span style="color: #000000;">៣៖ សម្រាប់ជនជាតិចិន ពាក្យថាត្រីគឺសំដៅលើភាពសំបូរហូរហៀរ។ ដូច្នេះហើយមានត្រីនៅក្នុងឱកាសនៃបុណ្យចូលឆ្នាំថ្មី មានន័យថាមានទ្រព្យសម្បត្តិសំបូរហូរហៀរ។</span></p>
<p><span style="color: #000000;">៤៖ កំណាព្យសរសេរលើក្រដាសបញ្ឈរត្រូវបានព្យួរនៅសងខាងទ្វារចូលផ្ទះ។ កំណាព្យទាំងគូនេះ សម្តែងអំពីក្តីប្រាថ្នាសម្រាប់បុណ្យចូលឆ្នាំថ្មី។</span></p>
<p><span style="color: #000000;">៥៖ អាំងប៉ាវក្រហមមានច្រកលុយ ដែលធ្វើឡើងសម្រាប់ជាអំណោយដល់គ្រប់គ្នា ដែលត្រូវបានរចនាយ៉ាងស្រស់ស្អាត និងបង្ហាញពីលាភសំណាងនៅថ្ងៃបុណ្យចូលឆ្នាំថ្មី។ អ្នកទទួលអាំងប៉ាវមានន័យថា សំណាងមកដល់ហើយ។</span></p>
<p><span style="color: #000000;">៦៖ ផ្ទាំងគំនូរសម្រាប់ឆ្នាំថ្មី តែងតែបង្ហាញអំពីនិមិត្តរូបនៃភាពយូរអង្វែង និងស្ថិតស្ថេរដូចជា ព្រះអាទិត្យ ទឹក ដើមម្នាស់ និងសត្វក្រៀលជាដើម។ សត្វក្រៀលតំណាងឲ្យជីវិត និងក្តីស្រឡាញ់ជាអមតៈ។</span></p>
<p><span style="color: #000000;">៧៖ នៅថ្ងៃបញ្ចប់នៃបុណ្យចូលឆ្នាំថ្មីប្រពៃណីចិន គោមឬអំពូលជាច្រើនត្រូវបានអុជបំភ្លឺ ដែលជាការបញ្ជាក់ថា រដូវរងារបានបញ្ចប់ហើយ និងជំនួសមកវិញនូវនិទាឃរដូវម្តង។</span></p>
<p><span style="color: #000000;">គួរបញ្ជាក់ថា ប្រពៃណីចិនត្រូវបានប្រជាជនចិនបន្តអនុវត្តន៍មិនដែលអាក់ខានឡើយ ក្នុងរយៈពេលរាប់ពាន់ឆ្នាំមកហើយ ដោយវាបានផ្តល់ភាពចំរុងចំរើន ទៅមុខជានិច្ចសម្រាប់ប្រជាជាតិចិនទាំងមូល ដែលឥឡូវនេះចិនជាប្រទេសមហាអំណាចសេដ្ឋកិច្ចលេខពីរលើលោក និងលេខ១ នៅអាស៊ី ខណៈដែលសន្ទុះនេះវាប្រាកដណាស់ថា បានកើតមានឡើងដោយសារតែការផ្សាភ្ជាប់រវាង ប្រពៃណីទំនៀមទំលាប់ ផ្នត់គំនិតដ៏រស់រវើក និងការមានទម្លាប់សន្សំសំចៃក្នុងការរស់នៅប្រចាំថ្ងៃ៕</span></p>
<p><span style="color: #000000;"><iframe src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2F679931748845286%2F&show_text=0&width=560" frameborder="0" width="500" height="415"></iframe></span></p>
<p><br /><span style="color: #000000;"><a class="thickbox" title="" href="/FileManager/Commons/2017/1/29/2-29-01-2017--15-39-28.png"><span style="color: #000000;"><img src="/FileManager/Articles/mce/2017/1/29/2-29-01-2017--15-39-28.png" alt="" /></span></a></span></p>
<p style="text-align: right;"><br /><span style="color: #000000;"><a class="thickbox" title="" href="/FileManager/Commons/2017/1/29/2-29-01-2017--15-39-28.png"></a>ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>
</div>