<p><span style="color: #000000;"><strong>(ភ្នំពេញ)៖</strong> ក្រោយពីធ្វើការណែនាំញឹកញយ និងកិច្ចសន្យាចំនួន៤លើក សុំឲ្យឈប់ការលក់ប៉ោងៗ នៅតាមផ្លូវសុរាម្រិតកែងផ្លូវវិមានឯករាជ្យ ហើយនៅតែមិនព្រមស្តាប់ទៀតនោះ នៅថ្ងៃទី៦ ខែកញ្ញា ឆ្នាំ២០១៦នេះលោក គួច ចំរើន អភិបាលខណ្ឌដូនពេញ បានជួបណែនាំផ្ទាល់ទៅលោក កែវ ស៊ីនវី អាយុ៤៨ឆ្នាំ ជាអ្នកលក់ប៉ោងៗ។</span></p>
<p><span style="color: #000000;">ជាលទ្ធផលបុរសអ្នកប្រកបរបរមួយនេះ បានយល់ព្រមតាមអភិបាលខណ្ឌ ដោយបញ្ឈប់ការលក់ដូរ នៅទីតាំងខាងលើ ដែលនាំឲ្យប៉ះអារម្មណ៍ប្រជាពលរដ្ឋ និងក្រុមភ្ញៀវទេសចរ។</span></p>
<p><span style="color: #000000;">សូមជម្រាបថា នៅថ្ងៃទី០៥ ខែកញ្ញា កម្លាំងសណ្តាប់ធ្នាប់ខណ្ឌដូនពេញ បានចុះទៅឃាត់បុរសអ្នកលក់ប៉ោងៗម្នាក់ នៅតាមបណ្តោយផ្លូវសុរាម្រិត កែងផ្លូវវិមានឯករាជ្យ ព្រោះវាមានហានិភ័យខ្ពស់ដល់អ្នកដំណើរ ភ្ញៀវជាតិ-អន្តរជាតិ និងប្រតិភូដឹកនាំដែលឆ្លងកាត់ តាមវិថីនេះជាញឹកញយ។ ក្រោយពេលជួបជាមួយលោកអភិបាលខណ្ឌរួចមក លោក កែវ ស៊ីនវី បានទទួលស្គាល់កំហុសខ្លួនឯងកន្លងមក និងបានសន្យាបញ្ឈប់ការលក់ដូរបែបនេះ ដោយយល់ព្រមធ្វើតាមការណែនាំរបស់លោកអភិបាល។</span></p>
<p><span style="color: #000000;">សម្រាប់ករណីនេះកម្លាំងសន្តិសុខខណ្ឌដូនពេញ បានធ្វើការណែនាំអប់រំ ដោយបានធ្វើកិច្ចសន្យាចំនួន០៤លើក រួចមកហើយ នៅចំណុចមុខសាលាគរុកោសល្យ ស្ថិតនៅមហាវិថីព្រះសុរាម្រិត ខាងលិចវិមានឯករាជ្យ ដែលជាតំបន់ហាមឃាត់ លើកទី១ នៅរសៀលថ្ងៃទី០២ មិថុនា ឆ្នាំ២០១៦, លើកទី២ នៅព្រឹកថ្ងៃទី២០ មិថុនា ឆ្នា២០១៦, លើកទី៣ នៅរសៀលថ្ងៃទី០១ ខែកក្កដា ឆ្នាំ២០១៦ នឹងលើកទី៤នៅថ្ងៃទី០៥ កញ្ញា ឆ្នាំ២០១៦ម្សិលមិញ។</span></p>
<p><span style="color: #000000;">ទើបនៅថ្ងៃទី៦ កញ្ញានេះ កម្លាំងសន្តិសុខខណ្ឌដូនពេញ បាននាំបុរសរូបនេះ ជាមួយសម្ភារលក់ដូរ មានម៉ូតូ១គ្រឿង និងធុងហ្គាស សម្រាប់បំប៉ោងប៉េងប៉ោងចំនួន៤ យកមកទីស្នាក់ការ ដើម្បីរង់ចាំការអប់រំផ្ទាល់ពីលោក គួច ចំរើន អភិបាលខណ្ឌដូនពេញ។</span></p>
<p><span style="color: #000000;">មន្រ្តីសន្តិសុខបានឱ្យដឹងថា កន្លងមកមានម្ចាស់ Account Facebook ឈ្មោះ William Guang បានសរសេរ និងបង្ហោះជាសាធារណៈ រិះគន់ពីការចុះណែនាំខាងលើ ដែលធ្វើឲ្យប៉ះពាល់ដល់ការ រៀបចំសណ្តាប់សាធារណៈ និងកិត្តិយសរបស់កម្លាំងសន្តិសុខខណ្ឌដូនពេញ ដែលតែងតែខិតខំប្រឹងប្រែងទាំងយប់ទាំងថ្ងៃ ដើម្បីផ្តល់ការពារប្រយោជន៍រួម ដល់ប្រជាពលរដ្ឋនៅក្នុងមូលដ្ឋាន និងក្រៅមូលដ្ឋាន។ ដូច្នេះសកម្មភាពទាំងអស់នេះ មិនមែនដូចការលើកឡើងរបស់ម្ចាស់ Account Facebook ខាងលើនោះទេ៕</span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-06-15-16-32-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-06-15-16-32-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-06-07-42-53-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-06-07-42-53-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-09-06-07-42-52-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>