<p><span style="color: #000000;"><strong>(ភ្នំពេញ)៖</strong> តារាសម្ដែង មានសាច់ឈាមទ្រលុកទ្រលន់ សម្រស់ស្រទន់មន្តស្នេហ៍ កញ្ញា ហេង ស្រីពេជ្រ ត្រូវបានមិត្តភក្តិរៀបចំកម្មវិធីខួបកំណើតឲ្យ ក្នុងលក្ខណៈទ្រង់ទ្រាយតូចល្មមមួយ ទាំងមិនបានគ្រោងទុក ពោលគឺធ្វើឲ្យនាងភ្ញាក់ផ្អើល នាយប់ថ្ងៃទី៣១ ខែធ្នូ ឆ្នាំ២០១៦នេះ ដើម្បីគម្រប់អាយុ៣១ ឈានចូលវ័យ៣២ ឆ្នាំ ខណៈដែលបំណងប្រាថ្នារបស់នាង ក្នុងថ្ងៃដ៏ពិសេសនេះ គឺចង់ជួបបុរសម្នាក់ ជាគូអនាគតរបស់ខ្លួន ដែលអាចមើលថែគ្នាដល់ថ្ងៃស្លាប់។</span></p>
<p><span style="color: #000000;">តារាសម្ដែង ច្រើនតែក្ដោបបានតំណែង ជាតួម្ដាយ តួបងស្រី ឬតួជំទាវ កញ្ញា ហេង ស្រីពេជ្រ បានថ្លែងឲ្យដឹងថា កម្មវិធី ខួបកំណើតយប់មិញនេះ គឺរៀបចំឡើងទាំងមិនបានគ្រោងទុកទេ ប៉ុន្តែដោយសារមិនភក្តិ និងអ្នកជិតស្និទ្ធ បានទិញនំឲ្យ និងចង់ឲ្យធ្វើឡើង ដើម្បីជូនពរនាងឲ្យមានជោគជ័យ បន្ថែមទៀតលើការងារសិល្បៈ។ ជាពិសេសក៏ក្នុងឱកាសឆ្នាំចាស់ផ្លាស់ ចូលឆ្នាំថ្មីនេះផងដែរ ទើបនាងសម្រេចចិត្តតាមមិត្តភក្តិ រៀបចំឡើងតែម្ដង។</span></p>
<p><span style="color: #000000;">ហេង ស្រីពេជ្រ និយាយថា<strong> «អរគុណ បងប្អូនមិត្តជាទីស្រឡាញ់ទាំងអស់គ្នា ដែលបានរៀបចំនំខួបកំណើតឲ្យនាងខ្ញុំ នឹងជួនពរក្នុងថ្ងៃកំណើតនាងខ្ញុំ ថ្ងៃឆ្លងឆ្នាំថ្មី ២០១៧ នាងខ្ញុំពិតជារំភើបចិត្តខ្លាំងណាស់ នៅយប់មិញនេះ នាងខ្ញុំសូមបួងសួងឲ្យប៉ាម៉ាក់ជាទីស្រឡាញ់ បងប្អូនសាច់ញាតិរបស់ខ្ញុំ នឹងបងប្អូនមិត្តទាំងអស់គ្នា និង អ្នកជាទីស្រឡាញ់របស់ខ្ញុំ សូមឲ្យអ្នកទាំងអស់គ្នា មានសុខភាពល្អ សំណងល្អ មានបំណងប្រាថ្នាអ្វី សូមឲ្យបានសំរេចដូចបំណង ក្នុងឆ្នាំថ្មីនេះ..!»</strong>។</span></p>
<p><span style="color: #000000;">ថ្លែងប្រាប់គេហទំព័រ khmertalking បន្ថែមទៀត តារាសម្ដែង ហេង ស្រីពេជ្រ បាននិយាយថា<strong> «ច៎ាបង ..កម្មវិធីខួបខ្ញុំ ខ្ញុំថាមិនធ្វើទេ ព្រោះគិតថា ខ្លួនឯងក៏រវល់ មិត្តក៏រវល់ ចេះតែខ្លាចចិត្តគេ មិនចង់ហ៊ានហៅទេ ប៉ុន្តែមិត្តភក្តិ ដែល ស្រឡាញ់រាប់អានគ្នាជិតស្និទ្ធ ស្រាប់តែរៀបចំឲ្យខ្ញុំ យ៉ាងភ្ញាក់ផ្អើលតែម្ដង ខ្ញុំមិននឹកស្មានថា ពួកគេឆ្លៀតពេលរៀបចំ ដូច្នេះទេ..!»</strong>។</span></p>
<p><span style="color: #000000;">យ៉ាងណាមិញ ចំពោះបំណងប្រាថ្នា ក្នុងថ្ងៃពិសេសនេះ ត្រូវបានកញ្ញា ហេង ស្រីពេជ្រ បង្ហើបឲ្យដឹងថា រហូតមកដល់វ័យប៉ុណ្ណេះហើយ នាងចង់គិតគូពីអនាគតរបស់ខ្លួនឯង និយាយរួមចង់បានបុរសណាម្នាក់ ដែលចេះយល់ចិត្ត ស្រឡាញ់នាង យល់ចិត្តនាង និងគ្រួសារ ដើម្បីក្រាបផ្ទឹមសំពះ ចូលរោងជ័យ នៅថ្ងៃអនាងគត ជាពិសេសគឺក្នុងឆ្នាំថ្មីនេះ តែម្ដង។</span></p>
<p><span style="color: #000000;">ហេង ស្រីពេជ្រ បញ្ជាក់ទៀតថា ក្នុងរយៈពេលប៉ុន្មានឆ្នាំចុងក្រោយនេះ នាងទទួលបានការងារសិល្បៈច្រើន ហើយបើទោះបីជាមានរឿងរ៉ាវជីវិត និងការលំបាកជាច្រើន គឺមានពួកគាត់ជាមិត្តភក្កិ ជួយលើកទឹកចិត្ត និងផ្តល់កម្លាំងចិត្តឲ្យនាង បន្តប្រឹងប្រែងលើវិថីសិល្បៈ។ បើទោះបីជាជីវិត នៅក្នុងខ្សែភាពយន្ត និងនៅខាងក្រៅមានលក្ខណៈខុសប្លែកគ្នាខ្លាំង ក៏នាងនៅតែបន្តប្រឹងប្រែង គ្រាដែលអ្នករួមអាជីណជាច្រើន តែនៅគិតនិងជួយលើកទឹកចិត្ត គ្រប់ពេលវេលា៕</span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-18-33-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-18-34-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-18-38-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-18-59-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-18-59-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-19-00-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-19-07-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-19-20-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-19-20-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-19-20-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/ID-113/fn-2017-01-02-14-19-20-3.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>