<p><span style="color: #000000;"><strong>អាមេរិក៖</strong> បណ្ដាញសង្គមយក្ស Facebook បានសហការជាមួយក្រុមហ៊ុន ផ្កាយរណបបារាំង Eutelsat ដើម្បី ដំណើរការ ផ្ដាយរណបថ្មីមួយ ដែលនឹងផ្ដល់នូវការប្រើប្រាស់អ៉ីនធើណែតឥតគិតថ្លៃ សម្រាប់ពលរដ្ឋនៅក្នុងទ្វីបអាហ្វ្រិក នេះបើយោងតាមការចុះផ្សាយរបស់ CNN ចេញផ្សាយនៅថ្ងៃអង្គារ ទី០៦ ខែតុលានេះ។</span></p>
<p><span style="color: #000000;">បើតាមការបញ្ជាក់បន្ថែម បានឲ្យដឹងថា ផ្ដាយរណបនឹងចាប់ផ្ដើមដំណើរការនៅឆ្នាំក្រោយ ចំណែកការផ្ដល់សេវាកម្ម អ៉ីនធើណែត នឹងត្រូវដាក់ឲ្យប្រើនៅពាក់កណ្ដាលឆ្នាំ ២០១៦ ដោយក្នុងនោះ មានប្រទេសចំនួន១៤ នៅក្នុងទ្វីប អាហ្វ្រិក ត្រូវបានដាក់ឲ្យប្រើប្រាស់អ៉ីនធើណែត។</span></p>
<p><span style="color: #000000;">Facebook បានបញ្ជាក់ថា ផ្កាយរណបនេះ នឹងត្រូវដាក់ប្រើប្រាស់ដោយឥតគិតថ្លៃ សម្រាប់ពលរដ្ឋនៅតាម តំបន់ ជនបទ ហើយនេះក៏ជាបេសកកម្មធំចម្បងមួយរបស់លោក Mark Zuckerberg នាយកប្រតិបត្តិ Facebook ដែលបានប្រកាសថា លោកនឹងនាំយកអ៉ីនធើណេតទៅកាន់ពិភពលោក ដើម្បីឲ្យមនុស្សទូទាំងសកលលោក បានភ្ជាប់ នូវទំនាក់ទំនងគ្នា។</span></p>
<p><span style="color: #000000;">គួរបញ្ជាក់ផងដែរថា បច្ចុប្បន្ន Facebook បាននាំយក និងផ្ដល់ជូនសេវាកម្មអ៉ីនធើណែតឥតគិតថ្លៃដល់ប្រទេសចំនួន ២០នៅក្នុងសកលលោក សម្រាប់ប្រើប្រាស់៕</span></p>
<p><a class="thickbox" title="" href="/FileManager/Commons/2015/10/6/15d-06-10-2015--13-58-17.jpg"><img src="/FileManager/Articles/mce/2015/10/6/15d-06-10-2015--13-58-17.jpg" alt="" /></a></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>