<p><span style="color: #000000;"><strong>(កំពង់ស្ពឺ)៖</strong> លួចគេវាគ្រាន់ តែបើគេតាមទាន់ហើយ ច្បាស់ជាប្រឈមនឹងការក្ស័យ សង្ខាជាក់ជាមិនខានឡើយ! ជាក់ស្តែង ប្រជាពលរដ្ឋជាច្រើននាក់ រស់នៅភូមិវាល ឃុំព្រៃស្បូវ ស្រុកគងពិសី ខេត្តកំពង់ស្ពឺ បានវាយ និងកាប់សម្លាប់ជនសង្ស័យម្នាក់ រហូតស្លាប់ភ្លាមៗ នៅនឹងកន្លែងកើតហេតុ ខណៈដែលជនសង្ស័យម្នាក់ទៀត បានបើក ម៉ូតូគេចខ្លួនទាន់ ក្រោយពីពួកគេទាំង២នាក់ បានចូលទៅកាច់កម៉ូតូ របស់ ប្រជាពលរដ្ឋដល់ក្នុងផ្ទះ នៅវេលាម៉ោងប្រមាណជាង៩យប់ថ្ងៃទី៣១ ខែមករា ឆ្នាំ ២០១៦នេះ។</span></p>
<p><span style="color: #000000;">មន្រ្តីនគរបាលខេត្តកំពង់ស្ពឺ បានប្រាប់អង្គភាព Fresh News ថា មូលហេតុដែលនាំឲ្យមានការវាយ និងកាប់សម្លាប់ចោរខាងលើនេះ គឺបានកើតឡើង ដោយសារតែកំហឹងរបស់ប្រជាពលរដ្ឋនៅក្នុងភូមិ ដែលខឹងជនសង្ស័យ ទាំង២នាក់ បានចូលទៅលួចម៉ូតូរបស់ពួកគាត់។</span></p>
<p><span style="color: #000000;">មន្រ្តីនគរបាលបានបញ្ជាក់ថា <strong>មុនពេលកើតហេតុ ជនសង្ស័យ២នាក់ ជិះម៉ូតូមួយគ្រឿង បានចូលទៅធ្វើសកម្មភាពកាច់ កម៉ូតូរបស់ប្រជាពលរដ្ឋនៅភូមិវាល ស្រាប់តែពេលជិះចេញបានប្រមាណ២០០ម៉ែត្រ ជនរងគ្រោះបានស្រែកចោរៗ រហូតធ្វើឲ្យអ្នកភូមិផ្សេងទៀត ជាច្រើននាក់បានចេញមក ជួយអន្តរាគមន៍ភ្លាមៗ។</strong></span></p>
<p><span style="color: #000000;"><strong> ពេលនោះជនសង្ស័យដែលជិះម៉ូតូរបស់ ជនរងគ្រោះដឹងថា មានប្រជាពលរដ្ឋ ដេញតាមនោះក៏ផ្តួលម៉ូតូ ប៉ុន្តែមិនអាចរត់ទៅណាឆ្ងាយ ក៏ត្រូវបាន ប្រជាពលរដ្ឋធ្វើការឡោមព័ទ្ធ រហូតវាយ និងកាប់សម្លាប់ចោលតែម្តង មុនពេលដែល កម្លាំងសមត្ថកិច្ចបានទៅដល់។</strong></span></p>
<p><span style="color: #000000;">បើតាមប្រជាពលរដ្ឋ ក្រោយវាយសម្លាប់ ជនសង្ស័យរូបនេះ ពួកគេបានឆែកឃើញ កាតអ្នកយកព័ត៌មានឲ្យអង្គភាព កាសែត រស្មីព្រះវិហារ ដែលមានឈ្មោះ ថា ម៉េង ឈឿន ប៉ុន្តែសម្រាប់មន្រ្តីនគរបាល វិញ មិនទាន់អាចបញ្ជាក់ពីអត្តសញ្ញាណ ជនសង្ស័យ ដែលស្លាប់នេះនៅឡើយទេ។</span></p>
<p><span style="color: #000000;">នៅពេលនេះ កម្លាំងសមត្ថកិច្ច បានចុះទៅ សួរនាំ និងរាយការណ៍ជូនថ្នាក់ដឹកនាំ ដើម្បីសម្រេចយកសពជនសង្ស័យទៅបូជា និងតាមស្រាវជ្រាវ រកជនសង្ស័យម្នាក់ទៀត៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpf1/v/t1.0-9/12592647_464340017101691_8607662477577784593_n.jpg?oh=4f23d8adadd3a228f43d600badbc9f2b&oe=572F96F6" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtp1/v/t1.0-9/12631535_464340000435026_7889530853050054174_n.jpg?oh=526531201e91d000b528dbabe39a4eea&oe=573EB3B0" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>