<p><span style="color: #000000;"><strong>(ភ្នំពេញ)៖</strong> រដ្ឋបាលរាជធានីភ្នំពេញ នៅថ្ងៃទី២១ ខែមេសា ឆ្នាំ២០១៦នេះ បានចេញសេចក្តីជូនដំណឹងមួយ ស្តីពីការគូសគំនូសចរាចរណ៍ថ្មី លើមហាវិថីមួយចំនួនក្នុង រាជធានីភ្នំពេញ ក្នុងគោលបំណង ដើម្បីលើកម្ពស់សោភ័ណភាព និងដើម្បីរៀបចំសណ្តាប់ធ្នាប់ ចរាចរណ៍តាមដងផ្លូវ។</span></p>
<p><span style="color: #000000;">សាលារាជធានីភ្នំពេញបញ្ជាក់ថា ដើម្បីបញ្ចៀសបានជាអតិបរមា នូវផលប៉ះពាល់នានា និងដើម្បីដោះស្រាយបញ្ហាការកកស្ទះចរាចរណ៍តាមដងផ្លូវ ការអនុវតន៍គូសគំនូសចរាចរណ៍ថ្មីនេះ ត្រូវចាប់ផ្តើមនៅពេលចាប់ពី៩៖០០នាទីយប់ ដល់ម៉ោង ៦៖០០នាទីព្រឹក ហើយត្រូវចាប់ផ្តើមពីថ្ងៃទី២៣ ខែមេសា ចំពោះមហាវិថីម៉ៅសេងទុង និងមហាវិថីព្រះសីហនុ។ ចំពោះមហាវិថីសហព័ន្ធរុស្ស៊ី មហាវិថីកម្ពុជាក្រោម និងមហាវិថីព្រះនរោត្តម ចាប់ផ្តើមចាប់ពីថ្ងៃទី១៩ ខែមេសាតទៅ។</span></p>
<p><span style="color: #000000;">នៅព្រឹកថ្ងៃទី២១ ខែមេសា ឆ្នាំ២០១៦នេះផងដែរ សាលារាជធានីភ្នំពេញ ប្រជុំពិភាក្សាក្នុងការដោះស្រាយការកកស្ទះចរាចរ ក្នុងរាជធានីភ្នំពេញសព្វថ្ងៃ និងការងារផ្តល់សេវាសាធារណៈជូនប្រជាពលរដ្ឋ ក្រោមអធិបតីភាព លោក ប៉ា សុជាតិវង្ស អភិបាលរាជធានីភ្នំពេញ និងមានការចូលរួមពីលោកស្នងការក្រុង មន្ត្រីចរាចរាណ៍ មន្ត្រីជំនាញពាក់ព័ន្ធ និងចៅហ្វាយខណ្ឌទាំង១២។</span></p>
<p><span style="color: #000000;">លោកអភិបាលរាជធានី បានទម្លាក់ការទទួលខុសត្រូវមួយផ្នែក ដើម្បីឲ្យចៅហ្វាយខណ្ឌ ចូលរួមថែរក្សា និងទទួលខុសត្រូវ ចំពោះចំណុចភ្លើងស្តុប ដែលមាននៅក្នុងមូលដ្ឋានរៀងៗខ្លួនផងដែរ ជាពិសេសស្នើដល់ចៅហ្វាយខណ្ឌទាំងអស់ ចូលរួមដោះស្រាយការកក និងសម្រួលស្ទះចរាចរណ៍ ។ លោក ប៉ា សុជាតិវង្ស បានឲ្យចៅហ្វាយខណ្ឌ ត្រូវចុះស្តារ អណ្តូងលូឲ្យបានមុនរដូវភ្លៀងធ្លាក់៕</span></p>
<p><span style="color: #000000;"><br /></span></p>
<p><img src="https://scontent-sit4-1.xx.fbcdn.net/hphotos-xft1/v/t1.0-9/13062473_1020835667952838_4115057271402090574_n.jpg?oh=aec756b0a97944d9671d66a244378a84&oe=57BA3BBC" alt="" width="730" /></p>
<p> </p>
<p><img src="http://image.freshnewsasia.com/2016/ID-020/C/fn-2016-04-21-09-20-29-1.jpg" alt="" width="730" /></p>
<p> </p>
<p><img src="http://image.freshnewsasia.com/2016/ID-020/C/fn-2016-04-21-09-20-30-2.jpg" alt="" width="730" /></p>
<p> </p>
<p><img src="http://image.freshnewsasia.com/2016/ID-020/C/fn-2016-04-21-09-20-30-3.jpg" alt="" width="730" /></p>
<p> </p>
<p><img src="http://image.freshnewsasia.com/2016/ID-020/C/fn-2016-04-21-09-20-30-4.jpg" alt="" width="730" /></p>
<p> </p>
<p><img src="http://image.freshnewsasia.com/2016/ID-020/C/fn-2016-04-21-09-20-30-5.jpg" alt="" width="730" /></p>
<p> </p>
<p><img src="http://image.freshnewsasia.com/2016/ID-020/C/fn-2016-04-21-09-20-31-6.jpg" alt="" width="730" /></p>
<p><span style="color: #000000;"><br /></span></p>
<p style="text-align: right;"><span style="color: #000000;"><br />ផ្តល់សិទ្ធដោយ ៖ ហ្រ្វេសញូវអាសុី</span></p>