<p><span style="color: #000000;"><strong>(ភ្នំពេញ)៖</strong> លោក ថេង សុថុល អភិបាលរងខណ្ឌសែនសុខ បានបញ្ជាឱ្យកូនលោកឧត្តមសេនីយ៍ ខ្វាន់ សៀម ផ្អាកការសាងសង់សំណង់ជាបន្ទាន់ នៅព្រឹកថ្ងៃទី៤ ខែឧសភា ឆ្នាំ២០១៦នេះ បន្ទាប់ពីទទួលបណ្ដឹងពីប្រជាពលរដ្ឋថា បានបុកគ្រឹះធ្វើឲ្យប៉ះពាល់ដល់ ផ្ទះរបស់ពួកគាត់នៅក្បែរខាង។</span></p>
<p><span style="color: #000000;">ប្រជាពលរដ្ឋដែលផ្ទះរបស់គាត់ ទទួលរងការខូចខាតដោយសារតែបុកគ្រឹះនោះ បាននិយាយថា សំណង់នេះ បានចាប់ផ្ដើមបុកគ្រឹះតាំងពីថ្ងៃទី៣ ខែមីនា ឆ្នាំ២០១៦មកម្ល៉េះ ដែលករណីនេះបានបណ្ដាលឱ្យ ផ្ទះរបស់ពួកគាត់ដែលនៅជាប់នឹងការដ្ឋាននោះ មានការប្រះជញ្ជាំងស្ទើរគ្រប់កន្លែង និងធ្នឹម។ កូនលោកឧត្តមសេនីយ៍ត្រូវបានគេស្គាល់ឈ្មោះថា សឹង សុជាលី និងប្ដីឈ្មោះ ហ៊ីង ពៅ។</span></p>
<p><span style="color: #000000;">ដោយឡែកប្រជាពលរដ្ឋដែលរងគ្រោះ ដោយសំណង់នោះមាន២គ្រួសារ ទី១ឈ្មោះ លោក ព្រហ្ម ធុជថាន្នី ម្ចាស់ផ្ទះលេខ៨៤២E និងទី២ឈ្មោះ លោក អឿន អៀង ម្ចាស់ផ្ទះលេខ៨៧៤E មានទីតាំងក្នុងក្រុមទី៥ ភូមិស្លែងរលើង សង្កាត់ទឹកថ្លា ខណ្ឌសែនសុខ រាជធានីភ្នំពេញ។ កន្លងមកពួកគាត់ ក៏ធ្លាប់មានជម្លោះដោយសារការស្នើឱ្យផ្អាក ការបុកគ្រឹះនេះដែរ តែខាងកូនរបស់លោកឧត្តមសេនីយ៍ បានបញ្ជាឱ្យទានហាន ទៅឈរការពារ នៅក្នុងសំណង់នោះផងដែរ ហើយកូនលោកឧត្តមសេនីយ៍ បាននិយាយថា<strong> «អញបុកគ្រឹះលើដីរបស់អញ មិនទើសក្បាលអាណាទេ»</strong>។</span></p>
<p><span style="color: #000000;">កន្លងមកនៅថ្ងៃទី១០ ខែមិនា ឆ្នាំ២០១៦ លោក តាំង ណារិន ចៅសង្កាត់ទឹកថ្លា ក៏បានទីជួយអន្តរាគមន៍ដែរ ជាលទ្ធផល កូនលោកឧត្តមសេនីយ៍ បានព្រមព្រៀងជួសជុលផ្ទះរបស់លោក អឿន អៀង ទាំងស្រុង ដោយឡែកផ្ទះរបស់លោក ព្រហ្ម ធុជថាន្នី មិនព្រមទទួលយកការជួសជុលទេ ដោយមូលហេតុផ្ទះរបស់លោក ខូចខាតធ្ងន់ធ្ងរពេក ហើយតម្រូវឱ្យធ្វើថ្មីឡើងវិញ ឬក៏លក់តាមតម្លៃទីផ្សាគឺ មានតម្លៃ៩ម៉ឺនដុល្លារ តែខាងកូនលោកឧត្តមសេនីយ៍ ឱ្យតែ៤ម៉ឺនប៉ុណ្ណោះ ហើយបានគំរាមថា<strong> «បើមិនលក់តម្លៃថោកឱ្យអញទេ អញមិនឱ្យនៅបានសុខទេ»</strong> ការនិយាយគំរាមនេះធ្វើឡើងដោយអាងខ្លួនជាកូនលោកធំ ធ្វើបាបរាស្រ្តតូតាច។</span></p>
<p><span style="color: #000000;">លោក ថេង សុថុល អភិបាលរងខណ្ឌសែនសុខ បានប្រាប់ Fresh News ថា លោកបានបញ្ជាឲ្យផ្អាកសំណង់ជាបន្ទាន់ បើយត្រូវរង់ចាំសមត្ថកិច្ចពាក់ពន្ធ័សម្រេចលើផ្លួវច្បាប់។ លោកបានបន្ដថា លោកមិនដឹងថា អ្នកណា ធំ ប្ញតូចទេ សំខាន់ត្រូវគោរពច្បាប់ទាំងអស់គ្នា កាតព្វកិច្ចចំពោះមុខរបស់លោក គឺការពារពលរដ្ឋដែលជាម្ចាស់ឆ្នោត៕</span></p>
<p><span style="color: #000000;"><br /></span></p>
<p><img src="http://image.freshnewsasia.com/2016/ID-020/I/fn-2016-05-04-14-12-56-1.jpg" alt="" width="730" /></p>
<p><img src="http://image.freshnewsasia.com/2016/ID-020/I/fn-2016-05-04-14-12-57-2.jpg" alt="" width="730" /></p>
<p><img src="http://image.freshnewsasia.com/2016/ID-020/I/fn-2016-05-04-14-12-57-3.jpg" alt="" width="730" /></p>
<p><img src="http://image.freshnewsasia.com/2016/ID-020/I/fn-2016-05-04-14-12-57-4.jpg" alt="" width="730" /></p>
<p><img src="http://image.freshnewsasia.com/2016/ID-020/I/fn-2016-05-04-14-12-57-5.jpg" alt="" width="730" /></p>
<p> </p>
<p> </p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Ffreshnewsasia%2Fvideos%2Fvb.199402103564922%2F548286895343106%2F%3Ftype%3D3&show_text=0&width=560" frameborder="0" width="500" height="315"></iframe></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>