<p><span style="color: #000000;"><strong>(សេអ៊ូល)៖</strong> យោធាកូរ៉េខាងជើងម្នាក់ បានលួចរត់ភៀសខ្លួន ចូលមកកាន់់ប្រទេសកូរ៉េខាងត្បូង ដើម្បីសុំសិទ្ធិជ្រកកោណ បន្ទាប់ពីមន្ត្រីទូតកូរ៉េខាងជើង ព្រមទាំងក្រុមគ្រួសារ បានរត់ភៀសខ្លួនមកកាន់ កូរ៉េខាងត្បូងដូចគ្នា កាលពីខែមុន។ នេះបើតាមការចេញផ្សាយ នៅមុននេះបន្តិច ដោយ Channel News Asia នាព្រឹកថ្ងៃព្រហស្បតិ៍ ទី២៩ ខែកញ្ញា ឆ្នាំ២០១៦។</span></p>
<p><span style="color: #000000;">យោធាម្នាក់ខាងលើនេះ បានរត់ភៀសខ្លួនពីកូរ៉េខាងជើង ដោយឆ្លងកាត់តាមតំបន់ខ្សែបន្ទាត់ព្រំដែន គ្មានកងទ័ព DMZ ចូលមកកាន់កូរ៉េខាងត្បូង។ សម្រាប់ខ្សែបន្ទាន់ DMZ នេះត្រូវបានបង្កើតឡើង បន្ទាប់ពីការព្រមព្រៀងបញ្ចប់សង្គ្រាម រវាងកូរ៉េទាំងពីរ កាលពីឆ្នាំ ១៩៥០ ដល់ ១៩៥៣ ប៉ុន្តែវាមិនមែនជាសន្ធិសញ្ញាសន្តិភាពឡើយ។</span></p>
<p><span style="color: #000000;">គួរបញ្ជាក់ថា ជារៀងរាល់ឆ្នាំ អ្នកនេសាទ និង ទាហាន ព្រមទាំងមន្ត្រីកូរ៉េខាងជើង តែងតែធ្វើការរត់ចោលស្រុក មកសុំសិទ្ធិជ្រកកោណនៅកូរ៉េខាងត្បូង ដោយហេតុផល ចង់បានជីវិតប្រសើរឡើង និងគេចពីទោសកំហុស ដែលបានប្រព្រឹត្តនៅកូរ៉េខាងជើង៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/9/29/16-29-09-2016--12-04-28.jpg"><img src="/FileManager/Articles/mce/2016/9/29/16-29-09-2016--12-04-28.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ CNA</span></p>