<p><span style="color: #000000;">(រុស្ស៊ី) ៖ ប្តីប្រពន្ធពីរនាក់ត្រូវបានប៉ូលីសចាប់ខ្លួន ដោយចោទប្រកាន់ពីបទក្លែងបន្លំ ធ្វើជាស្លាប់ តាមរយៈលិខិតមរណភាពក្លែងក្លាយ ដើម្បីគេចវេសពីប្រាក់បំណុល ដែលជំពាក់ធនាគារដ៏ច្រើន។</span></p>
<p><span style="color: #000000;">ហេតុការណ៍នេះកើតឡើង នៅប្រទេសរុស្ស៊ី ប្តីប្រពន្ធមួយគូនេះមិនត្រូវ បានបញ្ជាក់ឈ្មោះឲ្យដឹងទេ ហើយតាមការស៊ើបអង្កេត របស់សមត្ថកិច្ចរកឃើញថា ប្តីប្រពន្ធទាំងពីរ បានផ្ញើលិខិតបន្លំមួយច្បាប់ ទៅស្ថាប័នហិរញ្ញវត្ថុ ដែលខ្លួនកម្ចីប្រាក់ ដើម្បីបញ្ជាក់ថា ពួកគេបានស្លាប់ទៅហើយ ព្រោះតែចង់ឲ្យកន្លែងនោះ លុបចោលបំណុលទាំងអស់ ហើយអ្នកទាំងពីរក៏ផ្លាស់ទៅរស់នៅកន្លែងថ្មី ក្រៅពីតំបន់ Voronezh ដែលជាកន្លែងចាស់របស់អ្នកទាំងពីររស់នៅ។</span></p>
<p><span style="color: #000000;">ក្រោយមករឿងនេះក៏បែកការណ៍ បន្ទាប់ពីពួកគេមានកូនហើយក៏បានសុំជំនួយឧបត្ថម្ភ ពីរដ្ឋាភិបាល ប៉ុន្តែខាងមន្ត្រីរដ្ឋាភិបាល ពិនិត្យឯកសារឃើញថា ឈ្មោះប្តីប្រពន្ធពីរនាក់នេះ មានចុះក្នុងសំបុត្រមរណភាពហើយ ម៉េចក៏នៅរស់ទើបមានការស្រាវជ្រាវ មើលប៉ូលីសក៏ដឹងថា ពួកគេបន្លំធ្វើជាស្លាប់ ទីបំផុតអ្នកទាំងពីរ ក៏ត្រូវចាប់ខ្លួនដោយរងការចោទថា បន្លំលិខិតមរណភាព ដើម្បីគេចពីបំណុល៕</span></p>
<p><br /><a class="thickbox" title="" href="/FileManager/Commons/2015/12/17/12a-17-12-2015--11-45-14.jpg"><img src="/FileManager/Articles/mce/2015/12/17/12a-17-12-2015--11-45-14.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>