<p><span style="color: #000000;">គិតចាប់ពីជំនាន់ iPhone 6 មក កាមេរ៉ាក្រោយរបស់ iPhone ត្រូវបានរចនាម៉ូតលយចេញមកក្រៅ ដែលធ្វើឲ្យអ្នកប្រើប្រាស់ជាច្រើន មានការរំខានចិត្ត។ ហើយក៏ចាប់ពីជំនាន់ iPhone 6 មកដែរ ដែល ផ្នែកខាងក្រោយរបស់ iPhone បានលេចចេញបន្ថែមនូវខ្សែអង់តែងពណ៌ស ដែលកត្តានេះបានធ្វើឲ្យ ការរចនាម៉ូតរបស់ស្មាតហ្វូន ប្រែទៅជាមិនស្អាត គួរឲ្យកត់សំគាល់ផងដែរ។ យោងតាមកត្តាខាងលើ នេះ ប្រហែលជា Apple នឹងធ្វើការដោះស្រាយបាន នូវបញ្ហាទាំងពីរនេះ នៅលើ <span class="Tinhte_XenTag_TagLink">iPhone 7</span>។ បើតាម ការរំពឹងទុក ម៉ូឌុលកាមេរ៉ាតូចជាងមុនមួយ នឹងត្រូវបានប្រើប្រាស់ ដើម្បីដោះស្រាយបញ្ហាកាមេរ៉ា លៀនលយចេញមកក្រៅ ហើយ Apple ក៏បានស្វែងរកវិធី ដើម្បីធ្វើការចាប់សេវាទូរស័ព្ទ ឲ្យបានល្អ ជាងមុន ដោយមិនចាំបាច់ត្រូវបំពាក់ខ្សែវ័ណ្ឌអង់តែង នៅលើផ្ទៃខាងក្រោយទៀត។ </span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/2/3/3604562iphone7rendermr-03-02-2016--10-45-31.jpg"><img src="/FileManager/Articles/mce/2016/2/3/3604562iphone7rendermr-03-02-2016--10-45-31.jpg" alt="" /></a></span></p>
<p style="text-align: center;"><em>(រូបភាពតំណាង)</em><span style="color: #000000;"><em><a class="thickbox" title="" href="/FileManager/Commons/2016/2/3/3604562iphone7rendermr-03-02-2016--10-45-31.jpg"></a></em><br /></span></p>
<p><span style="color: #000000;">នៅលើ iPhone 4/4s/5/5s Apple បានធ្វើការរចនាម៉ូតផ្ទៃខាងក្រោយ ដោយប្រើកញ្ចក់ ហើយប្រើ ប្រាស់ខ្សែអង់តែង នៅផ្នែកជ្រុងសងខាង។ iPhone 6 និង 6s បានធ្វើការផ្លាស់ប្តូរមកប្រើសំបកធ្វើពី លោហធាតុ ហើយសារតែសេវាទូរស័ព្ទពិបាកនឹងឆ្លងកាត់ ដូច្នេះទើបពួកវាត្រូវបានបំពាក់នូវខ្សែវ័ណ្ឌ អង់តែងយ៉ាងអាក្រក់ នៅផ្ទៃខាងក្រោយ។ </span></p>
<p><span style="color: #000000;">ក្រៅតែពីបញ្ហាកាមេរ៉ាលយចេញមកក្រៅ និងខ្សែអង់តែង iPhone 7 ត្រូវបានគេរំពឹងទុកថា ក៏នឹងត្រូវ បានក្រុមហ៊ុនបោះបង់ចោលនូវរន្ធដោតកាសប្រភេទ j<span class="internalLink">ack 3.5mm ផងដែរ។ </span>កត្តានេះ គេជឿជាក់ថា កាសស្តាប់តន្រ្តី ដែលនឹងបង្ហាញខ្លួនជាមួយនឹង<span class="internalLink"> iPhone 7 នឹងជាប្រភេទកាសអត់ខ្សែ ហើយលទ្ធភាព ច្រើន កាសស្តាប់តន្ត្រីដែលភ្ជាប់មកជាមួយនោះ នឹងមានបន្ថែមសមត្ថភាពការពារ សម្លេងរំខាន៕</span></span></p>
<p><a href="http://www.camnews.com.kh/News/Detail/13619/leaked-picture-on-the-back-of-the-galaxy-s7-and-s7-edge"><span style="color: #0000ff;"><em>- អានអត្ថបទ៖ លេចចេញរូបភាព ផ្នែកខាងក្រោយរបស់ Galaxy S7 និង S7 Edge</em></span></a><br /><a href="http://www.camnews.com.kh/News/Detail/41111/nokia-earned-us--25-billion-from-samsung-in-the-years-2015-2018"><span style="color: #0000ff;"><em>- អានអត្ថបទ៖ Nokia ទទួលបាន ២,៥ពានលានដុល្លារ នៃប្រាក់លើប័ណ្ណប៉ាតង់ពី Samsung ពីឆ្នាំ ២០១៥ ដល់ ២០១៨</em></span></a></p>
<p style="text-align: right;"> </p>
<p style="text-align: right;"><span class="internalLink">ប្រែសម្រួល៖ មង្គល<br />ប្រភព៖ <em>MacRumors, Tinhte</em></span></p>