<p><span style="color: #000000;">ព័ត៌មានអន្តរជាតិ ៖ អតីតរដ្ឋមន្រ្តីហរិញ្ញវត្ថុ ចក្រភពអង់គ្លេស លោក George Osborne គូស បញ្ជាក់ឲ្យដឹងថា លោកនឹងទទួលបានប្រាក់បៀរវត្សរ៍ ប្រមាណ ៦៥០,០០០ផោន ដែលស្មើនឹង ១,១២លានដុល្លាសឹង្ហបុរី សម្រាប់ការបំពេញការងាររយៈពេលមួយឆ្នាំ ដោយក្នុងមួយខែ ធ្វើការ ត្រឹមតែ ៤ថ្ងៃ ក្នុងមុខតំណែងជាទីប្រឹក្សាឲ្យក្រុមហ៊ុនគ្រប់គ្រងទ្រព្យសកម្ម សហរដ្ឋអាមេរិកដែល មានឈ្មោះថា BlackRock ។ គួររំឮកថា លោក Osborne បានអះអាងនៅលើទិន្នានុប្បវត្តិចុង ក្រោយបំផុតរបស់លោកដែលត្រូវបានបោះពុម្ពផ្សាយក្នុងសប្ហាហ៍នេះ ក្រោយចុះបញ្ជីផ្លូវការ សំរាប់ អត្ថប្រយោជន៍ហរិញ្ញវត្ថុរបស់លោក Osborne ដែលត្រូវបានធ្វើឡើងដោយ សមាជិក សភា អាមេរិក ។ </span></p>
<p><br /><a class="thickbox" title="" href="/FileManager/Commons/2017/3/10/15-10-03-2017--15-29-18.jpg"><img src="/FileManager/Articles/mce/2017/3/10/15-10-03-2017--15-29-18.jpg" alt="" /></a></p>
<p><span style="color: #000000;">លោក Osborne បានលើកឡើងឲ្យដឹងថា លោករំពឹងទុកថានឹងទទួលបានប្រាក់បៀវត្សរ៍ ប្រមាណ ១៦២,៥០០ផោន ក្នុងមួយត្រីមាស ក្នុងមួយតំណែងជាទីប្រឹក្សាសេដ្ឋកិច្ចពិភពលោក នៅឯស្ថាប័នកំពូល BlackRock ដែលជាស្ថាប័នមូលនិធិធំបំផុតលើសាកលលោក មិនត្រឹមតែ ប៉ុណ្ណោះ លោក Osborne ក៏រំពឹងទុកថា នឹងទទួលបាន សមធម៌ដូចគ្នាដែរនៅក្នុងក្រុមហ៊ុនយក្ស មួយនេះ នាពេលអនាគត ។ </span></p>
<p><br /><a class="thickbox" title="" href="/FileManager/Commons/2017/3/10/15a-10-03-2017--15-30-08.jpg"><img src="/FileManager/Articles/mce/2017/3/10/15a-10-03-2017--15-30-08.jpg" alt="" /></a></p>
<p><span style="color: #000000;">សេចក្តីរាយការណ៍បញ្ជាក់ឲ្យដឹងថា ការចុះបញ្ចីនៃអត្ថប្រយោជន៍ភាព ហរិញ្ញវត្ថុ <span style="font-size: 12px;">សម្រាប់លោក Osborne ជាសមាជិកសភាពនោះ ក៏បានបង្ហាញជាក់ស្តែងឲ្យដឹងថា លោកបានទទួលប្រាក់កំរៃ ដល់ទៅ ៧៨០,០០០ផោន សម្រាប់ការថ្លែងសុន្ទរកថា ដែលត្រូវបានធ្វើឡើងចាប់តាំងពីខែកញ្ញា ឆ្នាំ ២០១៦ ។ គួររំឮកថា លោក Osborne ក៏ធ្លាប់បានបម្រើការជាអធិការបតី នៃស្ថាប័ន Exchequer ចាប់តាំងពីឆ្នាំ ២០១០ ដល់ខែ កក្កដា ឆ្នាំ ២០១៦ នៅពេលដែលលោក លាលែង ចេញពីតំណែងរដ្ឋាភិបាល ស្របពេលដែលអង់គ្លេសដកខ្លួនចេញពីសមាជិក សហភាពអឹរ៉ុប (Brexit) ក្រោយពីមានការបោះឆ្នោតប្រជាមតិ ខណៈដែលលោកបរាជ័យ ក្នុងយុទ្ធនាការរបស់ លោកក្នុងការរក្សាអង់គ្លេស ឲ្យបន្តនៅជាមួយនឹងសមាគមសហភាពអឹរ៉ុប ៕</span></span></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អាស៊ីវ័ន</span></p>
<p> </p>