<p><span style="color: #000000;"><strong>(បរទេស)៖</strong> នាង Paris Jackson បានបញ្ចេញនូវរឿងអាថ៌កំបាំងកាលពីនៅជាយុវតីម្នាក់ថា នាងធ្លាប់ខូចចិត្តយ៉ាងខ្លាំងរហូតដល់ថ្នាក់ចង់ធ្វើអត្តឃាតទៀតផង កាលពីអាយុ១៤ឆ្នាំ។</span></p>
<p><span style="color: #000000;">នាង Paris Jackson ជាកូនស្រីរបស់ស្តេចចម្រៀងប៉ុបដ៏ល្បីគឺលោក Michael Jackson ដែលបានបាត់បង់ជីវិតទៅហើយកាលពីឆ្នាំ២០០៩ ដោយសារប្រតិកម្មថ្នាំចាក់ស្បែកឲ្យសហើយការស្លាប់របស់ស្តេចចម្រៀងប៉ុបរូបនេះនៅតែស្ថិតក្នុងមន្ទិលសង្ស័យជាច្រើនដែលអ្នកខ្លះលើកជាមូលហេតុនានាមកដាក់ជាសំអាងពាក់ព័ន្ធនឹងមរណភាពរបស់លោក។</span></p>
<p><span style="color: #000000;">Paris Jackson ពេលនេះមានអាយុ១៨ឆ្នាំហើយនាងក៏ហ៊ានចេញមុខលាត ត្រដាងពីរឿងខ្លួនឯងដែលលាក់ទុកអស់រយៈពេលជាច្រើនឆ្នាំថា កាលដែលនាងចង់សម្លាប់ខ្លួននៅវ័យ១៤ឆ្នាំនោះដោយសារតែមានឃ្លីបវីដេអូវាយប្រ ហារនាងមួយនៅតាមបណ្តាញសង្គមនិងមានអ្នកចូលទៅផ្តល់មតិប្រមាថចំពោះរូបនាងជាច្រើនដែលសឹងតែមិនអាចលុបបានពីអារម្មណ៍ ប៉ុន្តែក្រោយមក នាងក៏បង្កើត Instagram ជាថ្មីដោយមានអ្នកគាំទ្រនាងជួយលើកទឹកចិត្តកុំឲ្យគិតខ្លី។</span></p>
<p><span style="color: #000000;">Paris Jackson ប្រដូចរឿងដែលគេវាយប្រហារនាងទៅនឹងតារាចម្រៀង Justin Bieber ជាមួយនាង Sofia កាលពីពេលថ្មីៗនេះ ដែលរងការនិយាយអាក្រក់ពីមហាជនយ៉ាងចាស់ដៃហើយតារាស្រីរូបនេះហាក់ដូចជាការពារ Justin ថា នាងមិនបន្ទោសទេដែលគេលុប Instagram ចោលក្រោយកើតការវាយប្រហារដោយសង្គ្រាមពាក្យសម្តីយ៉ាងខ្លាំងនោះចៀសវាងរឿងរ៉ាវកាន់តែវែងឆា្ងយទៀត៕</span></p>
<p><a class="thickbox" title="" href="/FileManager/Commons/2016/9/19/12b-19-09-2016--14-47-22.jpg"><img src="/FileManager/Articles/mce/2016/9/19/12b-19-09-2016--14-47-22.jpg" alt="" /></a></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>