<p>ពូជសត្វខ្លាត្រីនេះ ត្រូវបានផុតពូជនៅក្នុងប្រទេសវៀតណាម ប៉ុន្តែមិនទាន់មានរបាយការណ៍ណាមួយថា វាបានផុតពូជនៅប្រទេសឡាវ មីយ៉ាន់ម៉ា ថៃ និងកម្ពុជានៅឡើយទេ។</p>
<p><a class="thickbox" title="" href="/FileManager/Commons/2017/7/7/fishing-cat-pkws-2017-1067x800-07-07-2017--11-16-22.jpg"><img src="/FileManager/Articles/mce/2017/7/7/fishing-cat-pkws-2017-1067x800-07-07-2017--11-16-22.jpg" alt="" /></a></p>
<p>កាលពីខែកុម្ភៈកន្លងទៅ អ្នកស្រាវជ្រាវ ពី Cambodian Fishing Cat Project បានបំពាក់នូវកាមេរ៉ាចំនួន ៣០ នូវជម្រកព្រៃកោងកាង ដែលជាតំបន់អភិរក្សសម្រាប់ពូជសត្វខ្លាត្រីនេះ។</p>
<p>លទ្ធផលបានផ្តល់នូវ រូបភាពដំបូងនៃ សត្វខ្លាត្រី ក្នុងប្រទេសកម្ពុជា គិតតាំងពីការស្រាវជ្រាវកាលពីឆ្នាំ២០១៥។</p>
<p>Dr. Jan F. Kamler អ្នកសម្របសម្រួលកម្មវិធីសត្វខ្លារខិន អាស៊ីអាគ្នេយ៍ សម្រាប់អង្គការអភិរក្សសត្វខ្លាព្រៃពិភពលោក Panthera បាននិយាយថា៖ « ការថតរូបសត្វខ្លាត្រី បានម្តងទៀត ក្រោយរយៈពេល២ឆ្នាំនេះ ពិតជាដំណឹងល្អណាស់។»</p>
<p>អ្នកស្រាវជ្រាវ Sarady Moul បានប្រទះឃើញ ខ្លាត្រីមួយក្បាលកណ្តាលថ្ងៃ កំឡុងពេលទៅពិនិត្យមើលកាមេរ៉ា នៅតាមព្រែកតូចៗ។ គាត់បានរំលឹកថា៖ «ខ្ញុំមានភាពភ្ញាក់ផ្អើលមែនទែន ដែលខ្ញុំសឹងតែលោតចេញពីទូកទៅហើយ។ ម៉ោងប្រហែល 8:45 ព្រឹក ខ្ញុំបានឃើញវាចេញពីម្តុំឬសដើមកោងកាង ដែលខ្ញុំមិនដែលរំពឹងថាឃើញវានៅពេលនោះឡើយ។»</p>
<p>លោក Moul បានស្នើរឲ្យអ្នកបើកទូក ខិតចូលទៅជិតដើម្បីថតរូប ប៉ុន្តែខ្លាត្រីនោះបានបែរខ្លួន បាត់ទៅក្នុងព្រៃកោងកាង។ លោក Moul បាននិយាយថា៖ «ឃើញសត្វខ្លាត្រី ក្នុងព្រៃបែបនេះ ពិតជាអស្ចារ្យមែនទែន។»</p>
<p>បើតាមអ្នកស្រាវជ្រាវ លោក Herranz Muñoz បាននិយាយថា៖ «តាមការសនិ្នដ្ឋានរបស់ខ្ញុំ សត្វខ្លាត្រីនោះទំនងជារកកន្លែងហែលឆ្លងទៅត្រើយម្ខាងទៀត។ ខ្លាត្រីត្រូវបានគេស្គាល់ថាជាសត្វរាត្រី។ កាលដែលឃើញវានៅពេលថ្ងៃបែបនេះ ពីព្រោះតែជំនោរទឹកទាប ងាយស្រួលក្នុងការឆ្លងពីត្រើយម្ខាង ទៅម្ខាងទៀត»។</p>
<p>លោក Moul បានបំពាក់នូវកាមេរ៉ា ឲ្យកាន់តែជិតកន្លែងនោះ តាមដែលអាចធ្វើទៅបាន។ «ពួកយើងពិតជាសប្បាយចិត្តណាស់ ដែលកាមេរ៉ារបស់ពួកយើងបានថតជាប់សត្វខ្លាត្រី ហែលទឹកក្នុងព្រៃបែបនេះ»៕</p>
<p><iframe src="https://www.youtube.com/embed/eFVJ8YTriqQ" frameborder="0" width="500" height="281"></iframe></p>
<p> <a class="c_tab" href="https://goo.gl/Kac8TY" target="_blank"><img src="/FileManager/Articles/mce/2017/7/7/mkn-19-05-2017--15-51-28-07-07-2017--11-13-51.jpg" alt="" /></a></p>
<p>ប្រភព៖ mongabay</p>
<p>ប្រែសម្រួល៖ High</p>