<p><span style="color: #000000;"><strong>(អង់ការ៉ា)៖</strong> ប៉ូលិសតួកគីបានចាប់ខ្លួនមនុស្សយ៉ាងហោចណាស់ ០៦នាក់នៅក្នុងក្របខ័ណ្ឌនៃការស៊ើបអង្កេត ជុំវិញករណីឃាតកម្មលើអគ្គរដ្ឋទូតរុស្ស៊ី លោក Andrey Karlov។ លោក Karlov ត្រូវបានខ្មាន់កាំភ្លើងជាមន្ត្រីប៉ូលិសតួកគីម្នាក់បាញ់សម្លាប់នៅល្ងាចថ្ងៃចន្ទ អំឡុងពេលលោកកំពុងថ្លែងសុន្ទរកថា នៅឯពិធីតាំងពិព័រណ៍រូបថតមួយកន្លែងក្នុងទីក្រុងអង់ការ៉ា។ នេះបើតាមប្រព័ន្ធផ្សព្វផ្សាយរដ្ឋតួកគី ដែលចេញផ្សាយបន្តនៅមុននេះបន្តិចដោយទីភ្នាក់ងារសារព័ត៌មាន Reuters នារសៀលថ្ងៃអង្គារ ទី២០ ខែធ្នូ ឆ្នាំ២០១៦។</span></p>
<p><span style="color: #000000;">យោងតាមទីភ្នាក់ងារសារព័ត៌មានរដ្ឋតួកគី Anadolu អ្នកទាំង ០៦នាក់ខាងលើត្រូវបានចាប់ខ្លួននៅភាគខាងលិចខេត្ត Aydin គឺជាមនុស្សមានទំនាក់ទំនងជាមួយខ្មាន់កាំភ្លើងរួមមាន ម្ដាយ ឪពុក បងប្អូនស្រី និងមនុស្សពីរនាក់ផ្សេងទៀត ខណៈមិត្តភក្តិម្នាក់របស់ខ្មាន់កាំភ្លើងឈ្មោះ Mevlut Mert Altıntas ក៏ត្រូវចាប់ខ្លួនផងដែរនៅក្នុងទីក្រុងអង់ការ៉ា។</span></p>
<p><span style="color: #000000;">ដោយឡែកនៅថ្ងៃចន្ទដដែលនោះដែរសហរដ្ឋអាមេរិក បានឱ្យដឹងថាបេសកម្មការទូតចំនួន០៣ទីតាំងនៅតួកគី នឹងត្រូវបិទទ្វារបណ្ដោះអាសន្នក្រោយមានការផ្ទុះអាវុធ នៅខាងមុខស្ថានទូតអាមេរិកប្រចំាទីក្រុងអង់ការ៉ា ស្ថិតនៅក្បែរទីតាំងសាលតាំងពិព័រណ៍រូបថត ដែលលោក Andrey Karlov ត្រូវបានគេបាញ់សម្លាប់។</span></p>
<p><span style="color: #000000;">គួរបញ្ជាក់ថា បើតាមប្រព័ន្ធផ្សព្វផ្សាយ និងអាជ្ញាធរតួកគី ខ្មាន់កាំភ្លើងដែលបាញ់សម្លាប់លោក Andrel Karlov មានឈ្មោះថា Mevlut Mert Altıntas អាយុ ២២ឆ្នាំ និងជាមន្ត្រីប៉ូលិសម្នាក់ដែលបានបញ្ចប់ការសិក្សាពីសាលាប៉ូលិស Izmir Police School។ ជាងនេះទៅទៀតនៅមុន និងក្រោយបើកការបាញ់ប្រហារ Altıntas បានស្រែកថា «កុំបំផ្លិចបំផ្លាញទីក្រុងអាឡេប៉ូ» និងឃ្លាមួយទៀតគឺ «Allahu Akbar» ដែលមានន័យថា «ព្រះជាម្ចាស់ធំបំផុត» បន្ទាប់មកជននេះក៏ត្រូវបានបាញ់សម្លាប់ ពេលធ្វើការបាញ់តដៃជាមួយសមត្ថកិច្ចនៅក្នុងហេតុការណ៍នោះ៕</span></p>
<p><span style="color: #000000;"><a class="thickbox" title="" href="/FileManager/Commons/2016/12/20/05e-20-12-2016--15-31-06.jpg"><span style="color: #000000;"><img src="/FileManager/Articles/mce/2016/12/20/05e-20-12-2016--15-31-06.jpg" alt="" /></span></a></span></p>
<p><br /><object width="480" height="380" data="http://www.youtube.com/v/TXCdhOE-V6U&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/TXCdhOE-V6U&rel=1" /></object></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>