<p><span style="color: #000000;"><strong>(ភ្នំពេញ)៖</strong> រងើកភ្លើងស្នេហាឆ្លងទ្វីប រវាងប្ដីប្រពន្ធជាអ្នករស់ក្រោមដំបូលសិល្បៈដូចគ្នា អ្នកនាង យ៉ាន លីនដា និង លោក យ៉ែម សំអូន ត្រូវបានបញ្ចប់ទៅ រយៈពេលជាងមួយឆ្នាំទៅហើយ ប៉ុន្តែរហូតមកដល់ពេលនេះ ស្រាប់តែនៅសុខៗ រងើកភ្លើងស្នេហ៍ចាស់នេះ ក៏ឆេះឡើងវិញ ហើយពាក្យសម្ដីឌឺដងផ្កែផ្កា ឲ្យគ្នាទៅវិញទៅ គួរឲ្យចម្លែកក៏ផ្ទុះឡើង ស្របជាមួយគ្នាដែរ ដែលនេះជាការចាប់អារម្មណ៍ថ្មីមួយទៀត សម្រាប់មហាជន ជាពិសេសអ្នកដឹងរឿងមួយចំនួន ក្នុងមជ្ឈដ្ឋានសិល្បៈ ។ តើនរណាជាអ្នកនៅពីក្រោយខ្នង ដែលនាំឲ្យមានផ្ទុះសង្គ្រាមពាក្យ សម្ដីនេះកើតឡើង រវាងប្ដីប្រពន្ធមួយគូនេះ?</span></p>
<p><span style="color: #000000;">ថ្មីៗនេះគេសង្កេតឃើញថា លោក យ៉ែម សំអូន បានបង្ហាញអារម្មណ៍ ក្នុងបណ្ដាញសង្គម ហ្វេសប៊ុក របស់លោកយ៉ាងចម្លែកថា «ខ្ញុំមិនយល់ថា អ្នកឯងកំពុងតែចង់បានអ្វី ទាំងអ្នកឯង មានទ្រព្យសម្បត្តិមិនខ្វះអ្វីឡើយ ខ្ញុំមិនយល់..!»។</span></p>
<p><span style="color: #000000;">អ្វីដែលតារាសម្ដែង ក៏ដូចជាតារាចម្រៀងខកស្នេហ៍ លោក យ៉ែម សំអូន និយាយ គឺមិនបានដឹងថា លោកសំដៅលើនរណាមួយនោះទេ ប៉ុន្តែអ្វីដែលគួរឲ្យចាប់អារម្មណ៍ខ្លាំង រហូតធ្វើឲ្យ រឿងរ៉ាវប្ដីប្រពន្ធមួយគូនេះ ឆេះឡើងវិញ គឺក្រោយពេលដែល អ្នកនាង យ៉ាន លីនដា មកពីដើរលេងនៅកោះម៉ាឌីវ ជាមួយនឹងតារាសម្ដែងទើបរៀបការហើយថ្មីថ្មោង គឺអ្នកនាង គង់ ចាន់ស្រីមុំ និងលោក គឹម សីហា ហើយក៏កើតរឿងឌឺដងគ្នា ទៅវិញទៅមកម្ដងទៀត ខណៈដែលម្នាក់ៗសុទ្ធតែមានហេតុផលរៀងៗខ្លួន ថា ខ្លួនពិតជាល្អត្រឹមត្រូវ ។</span></p>
<p><span style="color: #000000;">ប៉ុន្តែមុននឹងលោក យ៉ែម សំអូន និយាយបែបនេះ អ្នកនាង យ៉ាន លីនដា បានសរសេរសារមួយបង្ហោះមុនថា «កុំដើរនិយាយអាក្រក់ពីខ្ញុំ ខ្ញុំធ្វើអ្វីៗដើម្បីតែកូនខ្ញុំប៉ុណ្ណោះ ព្រោះកូនខ្ញុំខ្វះភាពកក់ក្ដៅ ខ្វះការស្រឡាញ់ពីឪពុកម្ដាយ ខណៈនេះខ្ញុំកំពុងតែធ្វើវាហើយ..!»។</span></p>
<p><span style="color: #000000;">ទោះបីជាយ៉ាងណា ប្រភពព័ត៌មានពីអ្នកសិល្បៈ ធ្លាប់ស្គាល់ជិតស្និទ្ធ បានទម្លាយឲ្យដឹងថា រឿងរ៉ាវនេះមិនសម្ដៅទៅលើ គង់ ច័ន្ទស្រីមុំ និង លោក គឹម សីហា នោះទេ ប៉ុន្តែវាហាក់ដូចជាចៃដន្យពេកទេដឹង? គ្រាន់តែមកពីដើរលេង នៅកោះម៉ាឌីវភ្លាម រឿងក៏ឆេះឡើងភ្លាម ។ ពាក្យសម្ដីរបស់លោក យ៉ែម សំអូន ដែលនិយាយថា «អ្នកមានទ្រព្យសម្បត្តិច្រើនហើយ មិនយល់ថា អ្នកចង់បានអ្វី..!» ក៏ហាក់សំដៅលើប្ដីប្រពន្ធក្មេងៗមួយគូនេះ ឬយ៉ាងណា ព្រោះអ្នកណាក៏ដឹងថា ប្ដីប្រពន្ធការថ្មោងថ្មី ជាអ្នកមានក្នុងសិល្បៈ អ្វីក៏មានមិនខ្វះ សូម្បីតែកម្មវិធីរៀបការ ក៏អស់រាប់ម៉ឺនដុល្លារដែរ រឿងអីថា ក្រ។</span></p>
<p><span style="color: #000000;">លោក យ៉ែម សំអូន មិនអាចសុំការបំភ្លឺបានទេថា លោកនិយាយសំដៅនរណា ឲ្យប្រាកដ ព្រោះអ្វីៗកំពុងស្ថិតក្នុងមន្ទិលសង្ស័យ នៅឡើយ៕</span></p>
<p><span style="color: #000000;"><img src="https://fbcdn-sphotos-h-a.akamaihd.net/hphotos-ak-xlp1/v/t1.0-9/13307468_1444168302276142_3526975595799904897_n.jpg?oh=0af04e301aeaa72b75e72bc57d175d33&oe=57CF6233&__gda__=1473223206_7d4b10dcbfaeb16a14858ceb96984700" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xlp1/v/t1.0-9/13263885_1444168298942809_4544284684598965549_n.jpg?oh=78c92c9e3d9fafa924e6a1dcd2ca4506&oe=57C9AB93&__gda__=1474610822_6481d04a7d9b851b1f1956685406d6b7" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-xfa1/v/t1.0-9/13315353_1444168305609475_732788174053181345_n.jpg?oh=6feedfeec512e7d2c19b90b225d6f539&oe=57D9A281&__gda__=1474240439_fc15d08a0aa833122cb69bc62a92e53c" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13267694_1444168388942800_1632950417120448192_n.jpg?oh=b7bf1c8d21bf7ca857a4871067a23085&oe=57E283B2" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>