<p><span style="color: #000000;">ព័ត៌មានអន្តរជាតិ ៖ ស្ថិតនៅក្នុងវ័យ ទើបតែ ១៤ ឆ្នាំ Ahmed Mohamed ឬ " ក្មេង ប្រុស នាឡិកា" ដែលត្រូវបានចាប់ឃាត់ខ្លួន ពាក់ព័ន្ធនឹងការភ័នច្រឡំដ៏ធំ ផលិត នាឡិកា ច្នៃ ថាជាការផលិតគ្រាប់ បែកបំផ្ទុះនោះ ជាការពិត គេទទួលបានភាព ល្បី ល្បាញ ជាខ្លាំង បន្ទាប់ពីស្ថាប័នល្បីៗ ក៏ដូចជា បុគ្គលល្បីៗលើលោក សាទរ និង លើកទឹកចិត្ត តាមរយៈ ការកោះហៅ អោយទៅជួបផ្ទាល់ ក៏ដូច ជាពាក្យសរសើរជាដើម ។ ដោយឡែក Microsoft ច្រើនជាង ពាក្យសរសើរ ក៏ដូចជាការកោះហៅ អោយទៅជួប ផ្ទាល់ ក្រុមហ៊ុន លំដាប់ពិភពលោក មួយនេះ បានផ្តល់ជាកាដូ យ៉ាងច្រើនសន្ធឹក សន្ធាប់ ដល់ Ahmed Mohamed ។ </span></p>
<p><a class="thickbox" title="" href="/FileManager/Commons/2015/9/21/25-21-09-2015--11-27-16.jpg"><img src="/FileManager/Articles/mce/2015/9/21/25-21-09-2015--11-27-16.jpg" alt="" /></a></p>
<p><span style="color: #000000;">សេចក្តីរាយការណ៍ បញ្ជាក់អោយដឹងថា កញ្ជប់ជារួមកាដូ ពី Microsoft រួមមានដូចជា ៖ Microsoft Surface Pro 3, នាឡិកា Microsoft Band, ម៉ាស៊ីនព្រីន Cube 3D Printer, ម៉ាស៊ីនកុំព្យូទ័រ Rasb - erry Pi និងការចុះឈ្មោះប្រើប្រាស់ Microsoft Office 365 ជាដើម ។ លោក Alia Salem អគ្គនាយក ចាត់ការទូទៅ នៃក្រុម ប្រឹក្សា ទំនាក់ទំនង អ៊ីស្លាម-អាមេរិក បានបង្ហោះផ្សាយជាសាធារណៈ នូវ សន្លឹក រូបថត Ahmed Mohamed សប្បាយចិត្តជាខ្លាំង ទន្ទឹមនឹងការទទួលបានកាដូជាពិសេស ពី Microsoft តាមរយៈបណ្តាញ សង្គម ទ្វីតធើ ៖ ចូររីករាយ នឹងទទួលយកកាដូទាំងនេះ ពួកយើង ពិតជាមិនអាចរង់ចាំបាននោះទេ ថាអ្វីដែលឯងនឹងផលិតឡើង ជាមួយនឹងឧបករណ៍ទាំងអស់នេះ</span></p>
<p><span style="color: #000000;">គួររំឮកថា រឿងអាស្រូវនៃការភ័នច្រឡំ ដ៏ធំ នៃគំនិតច្នៃប្រឌិត ផលិតនាឡិកាច្នៃ ថាជា ការផលិត គ្រាប់បែកបំផ្ទុះ Ahmed Mohamed ទទួល បានការលើកទឹកចិត្ត និងជម្រុញទឹកចិត្តជាខ្លាំង ពីសំ ណាក់បុគ្គលល្បីៗលើលោក ក៏ដូចជាស្ថាប័នល្បីៗ មួយចំនួនបានកោះហៅទៅជួបផ្ទាល់ដូចគ្នាដែរ រួមមាន ដូចជា ៖ Barack Obama, Hillary Clinton, Facebook CEO Mark Zuckerberg, MIT, NASA, Twitter, Google និងមួយចំនួនផ្សេងទៀត ៕</span></p>
<p><span style="color: #0000ff;"><a href="/News/Detail/31747/clock-boy-ahmed-mohamed-huge-invite-list-facebook-white-house-twitter" target="_blank"><span style="color: #0000ff;">- អាន ៖ បញ្ជីស្ថាប័នល្បីៗ ច្រើនខ្លាំង Facebook, Twitter, Nasa, White House, Google កោះហៅ "ក្មេងប្រុសនាឡិកា"</span></a></span></p>
<p><span style="color: #0000ff;"><a href="/News/Detail/32602/ahmed-mohamed-says-he-going-to-the-white-house-after-arrested-over-homemade-clock" target="_blank"><span style="color: #0000ff;">- អាន ៖ យុវសិស្ស វ័យ ១៤ ឆ្នាំ ផលិត នាឡិកាច្នៃ ច្រឡំថា គ្រាប់បែក ល្បីខ្លាំង ដល់ Obama កោះហៅ ទៅ សេតវិមាន</span></a></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ digitaltrends</span></p>