<p><span style="color: #000000;">ព័ត៌មានអន្តរជាតិ ៖ អណ្តូងរ៉ែមាស មហិមា ប្រមាណ ៤៧០ តោន ត្រូវបានគេជីករកឃើញ កាល ពីពេលថ្មីៗនេះ នៅជម្រៅបាតសមុទ្រ ប្រមាណ ២០០០ម៉ែត្រ នៃ ឈូងសមុទ្រខេត្ត Shandong ទន្លេលឿង ប្រទេសចិន ។ </span></p>
<p><span style="color: #000000;"><a class="thickbox" title="" href="/FileManager/Commons/2015/11/11/15-11-11-2015--11-20-25.jpg"><img src="/FileManager/Articles/mce/2015/11/11/15-11-11-2015--11-20-25.jpg" alt="" /></a><br /></span></p>
<p><span style="color: #000000;">នាយកដ្ឋានភូមិសាស្រ្ត និង វាស់ស្ទង់ អាជីវកម្មរ៉ែ The Shandong Provincial No. 3 Institute of Geographical and Mineral Survey អោយដឹងថា អណ្តូងរ៉ែមាស ដ៏ច្រើនសន្ធឹកមួយនេះ គឹមាន វត្តមាននៅឈូងសមុទ្រជិត ដីកោះ Sanshan នៃទីក្រុង Laizhou ខេត្ត Shandong ទន្លេលឿង ប្រទេស ចិន ។ ប្រភពសារព័ត៌មានរដ្ឋចិន ចុះផ្សាយ អោយដឹងថា នេះគឺរ៉ែមាស ក្រោមសមុទ្រ ដ៏ ធំបំផុតដែលត្រូវបានរកឃើញ ក្នុងទំព័រ ប្រវត្តិសាស្រ្ត របស់ប្រទេសចិន ។ </span></p>
<p><span style="color: #000000;">ជាការពិត មុននឹងធ្វើការសិក្សាស្រាវជ្រាវ ឈានទៅ ជីក រកឃើញ អណ្តូងរ៉ែមាស ដែលជារតនៈ សម្បត្តិមហាសាលលើកនេះ គម្រោងផ្ទាល់ត្រូវការ ចំណាយ ក្រុមការងារ ដល់ទៅ ១០០០ នាក់ ក្នុងរយៈពេល ៣ ឆ្នាំ ដោយបានប្រើឧបករណ៍ខួង ដល់ទៅ ៦៧ ឧបករណ៍ និង ខួងជ្រៅដល់ទៅ ១២០គ.ម ។ លោក Ding Zhengjiang អនុប្រធាន The Shandong Provincial No. 3 Institute of Geographical and Mineral Survey អោយដឹងថា ប្រតិបត្តិការគម្រោងមួយនេះ ពិតជាមានបញ្ហា ប្រឈម ជា ខ្លាំង ពោល ត្រូវជីកខួង ចូលទៅក្នុងជម្រៅទឹកសមុទ្រ ដ៏ជ្រៅបំផុត ជ្រៅដល់ទៅ ១០០០ គ.ម ពីផ្ទៃដី ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ឆៃណា </span></p>