<p><span style="color: #000000;"><strong>(ភ្នំពេញ)៖</strong> ស្របពេលលីគកំពូលកម្ពុជា(C-League) ជើងទី២ នឹងចាប់ផ្ដើមនាចុងសប្ដាហ៍នេះ ក្រុមក្រសួងការពារជាតិ ក៏បានប្រកាសនាំចូលកីឡាករកូរ៉េខាងជើង ២រូបបន្ថែមទៀត ដើម្បីបង្កើនភាពខ្លាំង និងសម្រេចមហិច្ឆតាឆ្ពោះទៅគ្រងតំណែងជើងឯកលីគ ឆ្នាំ២០១៦នេះផងដែរ ។</span></p>
<p><span style="color: #000000;">លោក ទេព ឡុងរចនា គ្រូបង្វឹកក្រុមក្រសួងការពារជាតិ បានឲ្យដឹងថា កីឡាករកូរ៉េខាងជើង ២រូបទៀតនេះ នឹងធ្វើដំណើរមកដល់កម្ពុជាយប់នេះ ហើយនៅថ្ងៃទី១៨ ខែមិថុនាចុងសប្ដាហ៍នេះ លោកនឹងដាក់សមាជិកថ្មីរបស់ក្រុមក្រសួងការពារជាតិនេះ ឲ្យបង្ហាញសមត្ថភាពលើទីលាន នៅពេលជួបក្រុមអគ្គស្នងការដ្ឋាននគរបាលជាតិ នៅលើទីលានស្ដាតចាស់ ។</span></p>
<p><span style="color: #000000;">គួរបញ្ជាក់ថា បច្ចុប្បន្នការពារជាតិ មានសមាជិក ២រូបជាកីឡាករកូរ៉េខាងជើងហើយ រួមមានកីឡាករ Kim Kyong Hun និង Choe Myong Ho ហើយពួកគេបានបង្ហាញទម្រង់លេងយ៉ាងល្អ និងបានជួយឲ្យក្រសួងការពារជាតិ ឈរកំពូលតារាងបណ្ដោះអាសន្នក្នុងការប្រកួតជើងទី១ទៀតផង ។ ពិសេសគឺ Choe Myong Ho ដែលបច្ចុប្បន្នកំពុងឈរកំពូលតារាង Top-Scorers ក្រោយរកបាន ១៤គ្រាប់ម្នាក់ឯង ។</span></p>
<p><span style="color: #000000;">គ្រូបង្វឹកខាងលើ បានបញ្ជាក់ថា<strong> «ចំពោះកម្រិតសមត្ថភាពសមាជិកថ្មី ២រូប ដែលមកជួយក្រសួងការពារជាតិនេះ គឺមានកម្រិតសមត្ថភាពប្រហែលគ្នានឹង Choe Myong Ho ដែរ ។ អ្វីដែលខ្ញុំចង់បានកូរ៉េខាងជើងមកនេះ ដោយសារការយល់ចិត្តដូចគ្នា ជាមួយនឹងកីឡាករកូរ៉េខាងជើងបច្ចុប្បន្ន ដែលពួកគេនឹងលេងខ្សែការពារម្នាក់ និងខ្សែប្រយុទ្ធម្នាក់ ដែលក្រុមយើងកំពុងខ្វះខាត»</strong> ។</span></p>
<p><span style="color: #000000;">លោកបានបន្ថែមទៀត នេះគឺជាទិសដៅឆ្ពោះទៅរក Champions ទើបក្លិបសម្រេចនាំកីឡាករមានសមត្ថភាពខ្ពស់ ដូចជាកីឡាករកូរ៉េខាងជើងខាងលើ ។ លោកថា ប្រសិនបើយើងបន្ដនាំចូលកីឡាករកម្រិតទាប នោះអ្វីនឹងមិនបានសម្រេចដូចការគ្រោងទុកនោះទេ ពោលគឺចាំបាច់ត្រូវមានការរៀបចំធនធានកីឡាករឲ្យបានល្អប្រសើរ ទើបជោគជ័យក្នុងការប្រកួតនានា ៕</span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xtp1/v/t1.0-9/13406739_1740183852887799_6469155668219980314_n.jpg?oh=09526446af6261a0781cac70b6878f44&oe=57C511DB&__gda__=1472669437_0c0dd88df5a929a2a2c5bdf639645a7d" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xap1/v/t1.0-9/13434957_1740183856221132_4044355573471767210_n.jpg?oh=731adafd6ebd0c67832171956171ca78&oe=57C55534&__gda__=1472866317_cb19c47d8d4d1c183795a09a974f6b7b" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>