CamNews

(បាងកក)៖ ប្រព័ន្ធផ្សព្វផ្សាយថៃ នៅថ្ងៃចន្ទនេះ បានរាយការណ៍ថា ការបោះឆ្នោតសកល នៅក្នុងប្រទេសថៃ នៅឆ្នាំក្រោយនេះ នឹងត្រូវធ្វើឡើងដូចការគ្រោងទុក ដោយរដ្ឋាភិបាលយោធាថៃ ខណៈប្រជាជនថៃកំពុងព្រួយបារម្ភ ជុំវិញការចូលទិវង្គត របស់ព្រះមហាក្សត្រថៃព្រះបាទ ភូមិបុល អាប់ឌុលយ៉ាដេត ក្រោយព្រះអង្គសោយរាជ្យ អស់រយៈពេល ៧០ឆ្នាំ។ នេះបើតាមការចេញផ្សាយ ដោយសារព័ត៌មាន Channel News Asia នៅព្រឹកថ្ងៃចន្ទ ទី១៧ ខែតុលា ឆ្នាំ២០១៦។ យោងតាមកាសែត Bangkok Post ការចូលទិវង្គត់ របស់ព្រះមហាក្សត្រថៃ ព្រះបាទ ភូមិបុល អាប់ឌុលយ៉ាដេត នឹងមិនធ្វើឲ្យប៉ះពាល់ ដល់ការបោះឆ្នោតសកល នៅឆ្នាំក្រោយនេះឡើយ ហើយមិនតែប៉ុណ្ណោះ រដ្ឋាភិបាលយោធាថៃ ថែមទំាងបានសន្យាទៀតដែរថា សេដ្ឋកិច្ចថៃ និង រដ្ឋាភិបាលនឹងនៅតែដំណើរការ ជាប្រក្រតីដដែល។ ព្រះមហាក្សត្រ ព្រះបាទ ភូមិបុល អាប់ឌុលយ៉ាដេត តែងតែមានទំនាក់ទំនងយ៉ាងជិតស្និត ជាមួយនឹងរបបដឹកនំាយោធាថៃ ដូច្នេះទើបមានការព្រួយបារម្ភមួយចំនួន រវាងអំណាចនៃអនាគត ព្រះមហាក្សត្រថ្មី និងស្ថាប័នយោធា ព្រោះថាគេមិនទាន់ដឹងច្បាស់ ថាតើព្រះអង្គម្ចាស់ មហា វ៉ាចរ៉ាឡុងកន អាចនឹងប្រកាន់គោលជំហរដូច ព្រះបិតាទ្រង់ ឬយ៉ាងណានោះទេ។ ទោះបីជាយ៉ាងណាក៏ដោយ កាលពីចុងសប្ដាហ៍កន្លងទៅ នាយករដ្ឋមន្ត្រីថៃ លោក ប្រាយុទ្ធ ច័ន្ទអូចា បានឲ្យដឹងថាព្រះអង្គម្ចាស់ មហា វ៉ាចរ៉ាឡុងកន បានជម្រុញឲ្យប្រជាជនថៃទំាងមូល កុំឲ្យព្រួយបារម្ភចំពោះការសម្រេចចិត្តរបស់ទ្រង់ ដោយបានពន្យាពេលការឡើងគ្រងរាជ្យ បន្តពីព្រះបិតា បើទោះជាពាក្យចចាមអារ៉ាម ជុំវិញភាពមិនច្បាស់លាស់ និង អស្ថេរភាព នៅក្នុងប្រទេសកំពុងលេចឮ កាន់តែខ្លាំងឡើងក្តី៕ <a href="/News/Detail/24009/the-last-interview-thai-king-before-die" target="_blank">-ចុចអាន ៖ កិច្ចសម្ភាស៍ចុងក្រោយបង្អស់របស់ ព្រះមហាក្សត្រថៃ មានចំនួនអ្នក ទស្សនាដល់ទៅរាប់លាននាក់</a> <img src="http://ichef-1.bbci.co.uk/news/660/cpsprodpb/067E/production/_91926610_thaipm.jpg" alt="" width="730" />   ផ្តល់សិទ្ធិដោយ ៖ ខ្មែរថកឃីង

ការ​សោយ​ទិវង្គត​របស់​ស្តេច​ថៃ នឹង​មិន​ប៉ះ​ពាល់​ដល់ ការ​បោះ​ឆ្នោត​សកល នៅ​ឆ្នាំ​២០១៧ នោះ​ទេ

ការសោយទិវង្គតរបស់ស្តេចថៃ នឹងមិនប៉ះពាល់ដល់ ការបោះឆ្នោតសកល នៅឆ្នាំ២០១៧ នោះទេ