<p><span style="color: #000000;"><strong>(ក្រចេះ)៖</strong> នារីវ័យ២២ឆ្នាំម្នាក់ ត្រូវជនសង្ស័យ ល្បួងរំលោភខណៈរូបនាង កំពុងតែដើររកក្របីតែម្នាក់ឯង នៅព្រៃខាងក្រោយភូមិ នៅល្ងាចថ្ងៃទី១០ ខែកុម្ភៈ ឆ្នាំ២០១៦ ស្ថិតនៅភូមិថ្មី ឃុំសណ្តាន់ ស្រុកសំបូរ។</span></p>
<p><span style="color: #000000;">គរបាលស្រុកសំបូរ បានប្រាប់អង្គភាព Fresh News ថា ជនសង្ស័យត្រូវបានឃាត់ខ្លួន ក្រោយពីធ្វើសកម្មភាពចាប់រំលោភនារីរងគ្រោះ រហូតបានសម្រេច។ នគរបាលបានទទួលបណ្តឹងរបស់នារីរងគ្រោះ កាលពីថ្ងៃកើតហេតុទី១០ ខែកុម្ភៈ ថានៅពេលដែលរូបនាងបាន ទៅដើររកគៀងក្របីតែម្នាក់ឯង នៅព្រៃខាងក្រោយភូមិ ក៏ត្រូវបានជនសង្ស័យឈ្មោះ អ៊ឹម ចិត្រ អាយុ២៥ឆ្នាំ ឆ្មក់ល្បួងនាងរំលោភ ដោយសន្យាថានិងឲ្យលុយ។ តែដោយសារនាងមិនព្រម ជននេះបានចាប់រំលោភនាងរហូតបានសម្រេច តែមិនបានប្រើហិង្សា ធ្ងន់ធ្ងរនោះទេ រួចហើយបានគេចខ្លួនបាត់។ នារីរងគ្រោះជាកូនស្រីទី២ ក្នុងចំណោមបងប្អូនប្រុស-ស្រីចំនួន៦នាក់។ ចំណែកឯជនសង្ស័យ មានមុខរបរមិនពិតប្រាកដ និងក៏ជាមុខសញ្ញាធ្លាប់ជាប់ពន្ធធានាគារផងដែរ។</span></p>
<p><span style="color: #000000;">លោក ឈិន សំបូរ អធិការរង នគរបាលស្រុកសំបូរ បានឲ្យដឹងថា បន្ទាប់ពីនារីរងគ្រោះ និងក្រុមគ្រួសារ បានមកដាក់ពាក្យបណ្តឹង មកនគរបាលប៉ុស្តិ៍ ទើបឈានឲ្យមានការចាប់ឃាត់ខ្លួន ជនសង្ស័យរូបនេះបានភ្លាមៗ។ </span><br /><span style="color: #000000;">លោកអធិការបានបញ្ជាក់បន្ថែមថា ក្រោយការឃាត់ខ្លួនជនសង្ស័យកំពុងតែឃាត់ខ្លួន សាកសួរនៅអធិការដ្ឋាន នគរបាលស្រុកសំបូរ និងត្រូវបញ្ជូនខ្លួនបន្ត មកស្នងការដ្ឋានខេត្តក្រចេះ នៅល្ងាចថ្ងៃទី១១ ខែកុម្ភៈ៕</span></p>
<p style="text-align: center;"><span style="color: #000000;"><img src="https://fbcdn-sphotos-f-a.akamaihd.net/hphotos-ak-xlf1/v/t1.0-9/12729398_1556789484635417_1157047389963051579_n.jpg?oh=1a1936e16100d3f7e1d4fd2b0e95067f&oe=572C7C5D&__gda__=1463211974_94f73481f1fa512a868646e6a0d0c45e" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>