<p><span style="color: #000000;"><strong>(ភ្នំពេញ)៖</strong> តារាសម្ដែងវ័យក្មេង ពោរពេញដោយទេពកោសល្យ លោក ប៊័ររី បានសម្ដែងការអាក់អន់ចិត្ត ចំពោះតំណែងជាតួឯកក្នុងរឿង «ម្តាយក្មេករើសកូនប្រសារ» ខណៈដែលរឿងនេះ មានតួឯកប្រុសស្រីចំនួន៤នាក់ (តួឯកពីរគូ) ប៉ុន្តែឈ្មោះរបស់លោក ហាក់ពុំត្រូវបានគេទទួលស្គាល់ថា ជាតួឯកនោះទេ ពោលទាំងអ្នកដឹកនាំសម្ដែង ទាំងមហាជន ក៏ដូចជាបណ្ដាញសារព័ត៌មានទូទៅ តែងយល់ឃើញថា តួឯកក្នុងរឿងមានតែពីរនាក់ប៉ុណ្ណោះ គឺលោក ខាត់ វ៉ៃហាំង និងកញ្ញា ស៊ីន យូប៊ីន ដោយមិនដែលគិតថា រូបលោកប៊័ររី និងតួឯកស្រីម្នាក់ទៀត គឺកញ្ញា គង់ វង្សយ៉ាទី ជាតួឯកក្នុងរឿងនេះ ដូចគ្នាឡើយ។</span></p>
<p><span style="color: #000000;">ប្រភពព័ត៌មានធ្លាយចេញ ពីចង្កោមអ្នកសិល្បៈដូចគ្នា បានទម្លាយថា ចាប់តាំងពីភាពយន្តរឿង «ម្តាយក្មេករើសកូនប្រសារ» ចាប់ផ្ដើមចេញថតមក មហាជន ក៏ដូចជាសារព័ត៌មានទូទៅ តែងតែចុះផ្សាយជាបន្តបន្ទាប់ ថា ក្នុងរឿង «ម្តាយក្មេករើសកូនប្រសារ» បានតួឯកតែពីរនាក់ប៉ុណ្ណោះ គឺតារាសម្ដែង លោក ខាត់ វៃហាំង និងកញ្ញា ស៊ីន យូប៊ិន។ ប៉ុន្តែតាមការពិតរឿងនេះ មានតួឯករហូតដល់ទៅ៤នាក់ (ស្រី២ប្រុស២) ដោយតួគូទី២ គឺលោក ប៊័ររី និងកញ្ញា គង់ វង្សយ៉ាទី។</span></p>
<p><span style="color: #000000;">ចំណុចដែលមិនបានបញ្ចេញឈ្មោះថា លោកប៊័ររី និងកញ្ញា គង់ វង្សយ៉ាទី ជាតួឯកក្នុងរឿងនេះ បានធ្វើឲ្យលោក ប៊័ររី មានការអាក់អន់ស្រពន់ចិត្ត ដេកមិនលក់បក់មិនល្ហើយ ចង់ប្រាប់ដល់មហាជន និងអ្នកបណ្ដាញសារព័ត៌មានទាំងអស់ថា លោក និងកញ្ញា យ៉ាទី ក៏ជាតួអង្គឯក ជាតួសំខាន់ផងដែរ ក្នុងរឿងនេះ ពោលពុំមែនដូចការយល់ច្រឡំថា រឿង«ម្តាយក្មេករើសកូនប្រសារ» មានតួឯកតែពីរនាក់។</span></p>
<p><span style="color: #000000;">ប្រភពព័ត៌មានដដែលបានបង្ហើបទៀតថា ការទទូចឲ្យមានបញ្ចេញឈ្មោះ របស់តារាសម្ដែង ប៊័ររី នៅពេលនេះ ពុំមែនមានន័យថា លោកមានចិត្តច្រណែននឹងតួឯកផ្សេង គឺលោក ខាត់ វៃហាំង និងកញ្ញា ស៊ីន យូប៊ីន នោះទេ ប៉ុន្តែលោកចង់ទាមទារអ្វីដែលជាការពិត ជាក់ស្ដែងនៅក្នុងរឿងតែប៉ុណ្ណោះ និងកុំឲ្យទស្សនិកជន មានការយល់ច្រឡំបន្តទៀត។</span></p>
<p><span style="color: #000000;">សូមបញ្ជាក់ថា រឿង «ម្តាយក្មេករើសកូនប្រសារ» ជាស្នាដៃថតរបស់ផលិតកម្ម 8 Production ហើយត្រូវដាក់បញ្ចាំងនៅក្នុងស្ថានីយទូរទស្សន៍ CTV8 ៕</span></p>
<p><span style="color: #000000;"><img src="https://fbcdn-sphotos-a-a.akamaihd.net/hphotos-ak-xtf1/v/t1.0-9/14088423_550284068496630_7677598274862438315_n.jpg?oh=cd139387e42949e4b49dc465d3242fc9&oe=5842ED7D&__gda__=1480113702_0b3112980ad58549c3b32a8c989adf92" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/13619898_527446287447075_7248315288579673864_n.jpg?oh=f60bf7846b8044fafac34a2be827ed0e&oe=58818DD5" alt="" width="730" /></span></p>
<p><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfp1/v/t1.0-9/13423904_517791861745851_8878256195088412295_n.jpg?oh=d9f065edf0a45e90fd675db85dcbed51&oe=583D55BF&__gda__=1484788790_1900b14e2640f724f85da04253552e84" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xat1/v/t1.0-9/10357532_440517739473264_3956790061233836457_n.jpg?oh=99d05713f1658d287051735d8d319bfc&oe=583B9F50&__gda__=1480412047_1eaaa10c2f2ac558d8b6e8864b3e377e" alt="" width="730" /></span></p>
<p><span style="color: #000000;"><img src="https://scontent-sit4-1.xx.fbcdn.net/v/t1.0-9/10410492_362661623925543_9030253833333382430_n.jpg?oh=b7c68f50a25d375515632aced3d9afd0&oe=583BF7E0" alt="" width="730" /></span></p>
<p><span style="color: #000000;"><img src="https://fbcdn-sphotos-c-a.akamaihd.net/hphotos-ak-frc1/v/t1.0-9/10450773_304410099750696_3078688808462540557_n.jpg?oh=411116ce9f8d256615bab26c163cc4ab&oe=583E8D8C&__gda__=1485064418_13ff488b56175091f2627992ca1365fc" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>