<p><span style="color: #000000;"><strong>(ភ្នំពេញ)៖</strong> មន្ទីរធនធានទឹក និងឧតុនិយម ខេត្តបាត់ដំបង នាថ្មីៗនេះ បានស្នើឱ្យស្នងការនគរបាល នៅខេត្តនេះ ចាត់វិធានការផ្លូវច្បាប់ ចំពោះគណនី Facebook ដែលកំពុងចែកចាយបំភ្លៃ ព័ត៌មាន ជុំវិញបឹងកំពីងពួយ។</span></p>
<p><span style="color: #000000;">តាមលិខិតរបស់មន្ទីរធនធានទឹក ដែល Fresh News ទទួលបាន នៅថ្ងៃទី២៥ ខែឧសភា ឆ្នាំ២០១៦នេះ បានឱ្យដឹងថា Facebook ដែលរងនូវការប្តឹងខាងលើមានឈ្មោះ Tommy Angkor II ដែលបានផ្សព្វផ្សាយថា អាងកំពីងពួយ ត្រូវបានរាជរដ្ឋាភិបាលកម្ពុជា លក់ឱ្យផ្នែកឯកជន ៩៩ឆ្នាំ ក្នុងលេសសម្បទាន។ មន្ទីរធនធានទឹក ខេត្តបាត់ដំបង បានអះអាងថា ការលើកឡើងខាងលើនេះ គឺជាការធ្វើឱ្យប៉ះពាល់ធ្ងន់ធ្ងរដល់កិត្តិយសនិងសេចក្តីថ្លៃថ្នូរ របស់រាជរដ្ឋាភិបាលកម្ពុជា។</span></p>
<p><span style="color: #000000;">មន្ទីរនេះ បានបញ្ជាក់ថា កន្លងមក រាជរដ្ឋាភិបាលកម្ពុជា តាមរយៈក្រសួងធនធានទឹក និងឧតុនិយម ខ្លួនដែលជាសេនាធិការ បានខិតខំប្រឹងប្រែងអស់កម្លាំងកាយចិត្ត ក្នុងការអនុវត្ត និងស្តារឡើងវិញនូវហេដ្ឋារចនាសម្ព័ន្ធប្រព័ន្ធធារាសាស្រ្ត យ៉ាងច្រើនក្នុងខេត្ត និងទូទាំងប្រទេសក្នុងគោលបំណងដើម្បីលើកស្ទួយ និងកាត់បន្ថយនូវភាពក្រីក្ររបស់ប្រជាពលរដ្ឋ ដោយឡែកអាងកំពីងពួយក្រោយពី ទទួលរងការខូចខាតយ៉ាងដំណំដោយជំនន់ឆ្នាំ២០១៣ ក៏ត្រូវបានក្រសួងធនធានទឹក និងឧតុនិយម បានជួសជុលស្តារឡើងវិញ និងកំពង់បានដើរតួនាទីយ៉ាងសំខាន់ ក្នុងការផ្តល់ទឹកដល់ប្រជាពលរដ្ឋ។</span></p>
<p><span style="color: #000000;">ខាងក្រោមនេះជាវីដេអូរបស់ ម្ចាស់ Facebook ដែលថ្លៃបំភ្លៃព័ត៌មាន ជុំវិញរឿងអាងកំពីងពួយ៖</span></p>
<p><span style="color: #000000;"><br /></span></p>
<p><img src="https://scontent-kul1-1.xx.fbcdn.net/v/t1.0-9/13265983_1606862222961476_6393996633306211946_n.jpg?oh=c215fd6cd6e7f987dab763b85707777b&oe=57CDC887" alt="" width="730" /></p>
<p><img src="https://scontent-kul1-1.xx.fbcdn.net/t31.0-8/13301405_1606862376294794_1190013373182923752_o.jpg" alt="" width="730" /></p>
<p><br /><br /></p>
<p><iframe style="border: none; overflow: hidden;" src="https://www.facebook.com/plugins/video.php?href=https%3A%2F%2Fwww.facebook.com%2Fvengsrunkuoch%2Fvideos%2Fvb.1440007506%2F10209734153977492%2F%3Ftype%3D3&show_text=0&width=560" frameborder="0" width="500" height="315"></iframe></p>
<p><span style="color: #000000;"><br /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី</span></p>