<div>
<p><span style="color: #000000;"><strong>(ភ្នំពេញ)៖</strong> ស្រីស្រស់សាច់សខ្ចី ដេននី ខ្វាន់ កន្លងមកធ្លាប់តែពើបប្រទះ នឹងរឿងរ៉ាវអាស្រូវផ្ទួនៗ បញ្ហារិះគន់មិនចេះចប់មិនចេះហើយ ជុំវិញការស្លៀកពាក់សិចស៊ី បង្ហាញសាច់ខ្ចី ថ្មីៗនេះនាងបានងាកមកផ្តើម ធ្វើការងារមនុស្ស ដើម្បីស្ដារកិត្តិយស និងមុខមាត់របស់ខ្លួនឡើងវិញ ដោយបានយកអំណោយ ជាថវិកា និងសម្ភារប្រើប្រាស់មួយចំនួន ចែកជូនដល់ជនក្រីក្រ ចាស់ជរាតាមបណ្ដាខេត្តឆ្ងាយៗ។</span></p>
<p><span style="color: #000000;">តាមរយៈរូបថតជាច្រើនសន្លឹក ដែលត្រូវបានម្ចាស់សាម៉ីខ្លួន តារាសម្តែងសិចស៊ី កញ្ញា ដេន នី បង្ហោះចែករំលែកនៅលើបណ្តាញទំនាក់ទំនង សង្គមហ្វេសប៊ុកនេះ បានបង្ហាញពី សកម្មភាព គ្រាដែលនាង និងក្រុមគ្រួសារ បាននាំយកអំណោយជាសម្ភារៈ និងថវិកាខ្លះៗ ទៅចែកជូនដល់បងប្អូន ប្រជាពលរដ្ឋក្រីក្រចាស់ជរា គ្មានទីពឹងចំនួន២៥នាក់ រស់នៅ ក្នុងទឹកដីខេត្តកំពង់ធំ។</span></p>
<p><span style="color: #000000;">ជាមួយការបង្ហោះរូបថតបង្ហាញ ពីសកម្មភាពមនុស្សធម៌ខាងលើនេះ នាង ដេន នី បានប្រាប់ឲ្យដឹងថា «នេះជាសកម្មភាព ចុះចែកអំណោយពីម្សិលមិញ ថ្ងៃចន្ទទី០១ខែកុម្ភៈ ឆ្នាំ២០១៦ ជូនដល់យាយតាជរា ដែលលំបាកនៅភូម ស្វាយម្ស៉ៅ ឃុំទ្រៀល ស្រុកបារាយណ៍ ខេត្តកំពង់ធំ ចំនួន២៥គ្រួសារ ។ នាងខ្ញុំពិតជាសប្បាយចិត្តខ្លាំងណាស់ ដែលបានជួយសម្រាលទុក្ខលំបាក ដល់ពួកគាត់បានមួយគ្រាដែរ ទោះជាអំណោយនេះ តិចតួចក្តីតែវាក៏ជាទឹកចិត្តរបស់នាងខ្ញុំផ្ទាល់ ដែលចង់ជួយដល់ពួកគាត់..»។</span></p>
<p><span style="color: #000000;">តារាស្រីដែលទើបទទួល បានតំណែងតួឯកលើកដំបូង កញ្ញា ដេននី ខ្វាន់ បានលើកឡើងទៀតថា «រាល់អំពើល្អដែលខ្ញុំបានធ្វើ គឺគ្មានអារម្មណ៍ថា ហត់នឿយឡើយ.. ហើយខ្ញុំនឹងបន្តធ្វើរហូត តាមលទ្ធភាពដែលអាចធ្វើបាន..»។ ជាមួយគ្នានេះ បើតាមការឲ្យដឹងបន្ថែមពីសំណាក់ កញ្ញា ដេននី បាននិយាយថា មិនមែនជាលើកទី១ សម្រាប់នាងនោះទេ ចំពោះសកម្មភាពមនុស្សធម៌លើនេះ គឺធ្លាប់មានជាបន្តបន្ទាប់ តាំងពីនាងមិនទាន់ចូលសិល្បៈមកម្ល៉េះ។</span></p>
<p><span style="color: #000000;">គួររំឭកថា តារាស្រីស្រស់សោភា នាង ដេននី ខ្វាន់ កន្លងមកធ្លាប់បានទទួលរងព្រនង់ នៃការរិះគន់ដោយសារតែភាពសិចស៊ី ហ៊ានបញ្ចេញសាច់ដើមទ្រូង ស្ទើរមើលឃើញទាំងស្រុងរបស់នាង។ ប៉ុន្តែក្រោយពីទទួលរងការរិះគន់ ថ្មីៗនេះនាងក៏បានងាកមកធ្វើសកម្មភាព មនុស្សធម៌តាមរយៈការផ្តល់សម្ភារ គ្រឿងបរិភោគ និងថវិកាជូនដល់ប្រជាពលរដ្ឋក្រីក្រ ដែលគេសង្ឃឹមថា ថ្ងៃក្រោយ នាងនឹងបន្តសកម្មភាព បែបនេះ ជាថ្មីបន្ថែមទៀត ៕</span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xfp1/v/t1.0-9/12647148_1710175109204002_888536247505074350_n.jpg?oh=68e7cc43f85c10a5d7df16b2aef054bd&oe=573F919F&__gda__=1463725590_d8a29443f9bcbff044752fc7681c5699" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-c-a.akamaihd.net/hphotos-ak-xtf1/v/t1.0-9/12687837_1710175149203998_5762586209979734876_n.jpg?oh=9220a45bae7fc4b2fb2b4ff4f3d1c74a&oe=576D7057&__gda__=1464059135_15bb46e53ab5f80a51fbf2a9fef24f9d" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlf1/v/t1.0-9/10310531_1710175169203996_6932593712138519843_n.jpg?oh=84e710f9924ef3848ab8592ce13f87ad&oe=5733712A" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xaf1/v/t1.0-9/12644932_1710175229203990_6061861031003909199_n.jpg?oh=b57cf0d011a12c2b94c4bf2fe41c8c2d&oe=57364C82" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xap1/v/t1.0-9/12647148_1710175239203989_7422722269547379635_n.jpg?oh=649b934711b6f9f7abc0d431c44146a8&oe=5742F1A9&__gda__=1466791312_dfda42112087f2f9211386fe174cd19d" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-g-a.akamaihd.net/hphotos-ak-xfa1/v/t1.0-9/12687812_1710175325870647_7203688188469205395_n.jpg?oh=9b988a680446dfaf2a19e8c25bfb8018&oe=5736A948&__gda__=1466905283_c2fdc249d2435b66dc22f46546661c92" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xat1/v/t1.0-9/12645240_1710175362537310_7794382087937255116_n.jpg?oh=5545968b75f608f9d41bbffe3e44e94c&oe=57274BDA" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpa1/v/t1.0-9/12687864_1710175435870636_6658873645780029453_n.jpg?oh=8ad431c8492c1bef2c84578dd6912608&oe=57238D07" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-e-a.akamaihd.net/hphotos-ak-xtf1/v/t1.0-9/12592184_1710175472537299_8707919458033842045_n.jpg?oh=0a4afd3e831b7fdf3fda14ee5f0c4731&oe=572CC5F1&__gda__=1463081561_fbcb7cb406da100743975f8ce29a223d" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12670061_1710221399199373_3249653059780954613_n.jpg?oh=4726d024f68829ddfca6773e70778b08&oe=5738AD15" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xft1/v/t1.0-9/12654500_1710221412532705_553357666260697075_n.jpg?oh=bf74343222f38a8bc9721e68328d5cda&oe=57394763" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
</div>