<p><span style="color: #000000;"><strong>(ភ្នំពេញ)៖</strong> ក្រុមអាជីវករផ្សារ «បូរីសន្តិភាព២» ប្រមាណជាជិត១០០នាក់ នៅព្រឹកថ្ងៃទី០២ ខែមីនា ឆ្នាំ២០១៧នេះ បានប្រមូលផ្តុំគ្នានៅស្នាក់ការផ្សារ ស្ថិតក្នុងភូមិដំណាកតាយឹង សង្កាត់ពងទឹក ខណ្ឌដង្កោ រាជធានីភ្នំពេញ ដើម្បីផ្តិតមេដាយតវ៉ាទៅនឹងសំណើរ របស់ប្រធានផ្សារ ដែលតម្រូវឲ្យពួកគាត់ ជាអាជីវករទិញតូបក្នុងតម្លៃថ្លៃហួសហេតុពេក។</span></p>
<p><span style="color: #000000;">តំណាងក្រុមអាជីវករលោកស្រី ខេន ខណ្ណារិទ្ធ បានលើកឡើងនៅមុខអាជ្ញាធរ និងតំណាងផ្សារថា មូលហេតុដែលពួកគាត់នាំគ្នាផ្តិតមេដាយតវ៉ា គឺដោយសារពីរសប្តាហ៍ តំណាងម្ចាស់ផ្សារសន្តិភាព២ បានហៅក្រុមអាជីវករប្រជុំគ្នា និងតម្រូវឲ្យពួកគាត់ជាអាជីវករទិញតូប ដែលពួកគាត់កំពុងប្រើរាល់ថ្ងៃក្នុង១តូប៥០០០ដុល្លារ រួមទាំងដំឡើងថ្លៃតូប ក្នុងមួយឆ្នាំពី៥០ដុល្លារ ទៅ១០០ ឬក៏២០០ដុល្លារឯណោះ។</span></p>
<p><span style="color: #000000;">លោកស្រីបន្តថា ក្រោយប្រជុំរួចក្រុមអាជីវករមិនសុខចិត្ត ក៏សម្រចតវ៉ាដើម្បីស្នើដល់អាជ្ញាធរជួយដោះស្រាយ ដោយក្រុមអាជីវករបានសំណូមពរដូចជា៖ ទី១-សូមផ្លាស់ប្តូរប្រធានផ្សារបូរីសន្តិភាព២ និងសន្តិសុខឡើងវិញ ដោយជ្រើសតាំងប្រធានផ្សារថ្មី ដោយសម្លេងរបស់ក្រុមអាជីវករ និងសូមឲ្យតម្លៃតូបនៅដដែល(១០០ដុល្លារ១តូប ក្នុង១ឆ្នាំ ត្រូវចុះមក១ឆ្នាំ៥០ដុល្លារវិញ) ទី២-សូមជួលតូបដូចមុនធម្មតា កុំដកហូតយកទៅលក់សារជាថ្មី ទី៣-ពេលជួលជុលតូប ឈប់យកលុយពីអាជីវករ ទី៤- សូមលោកប្រធានផ្សារពង្រឹងសន្តិសុខផង (ព្រោះមានចោរគាស់តូបយកសម្ភារៈញឹកញាប់ណាស់) និងទី៤- សូមដាក់កុងត្រាតូបក្នុងរយៈពេល១០ឆ្នាំ។</span></p>
<p><span style="color: #000000;">ចំពោះការតវ៉ានេះ លោក គឹម យ៉ាន តំណាងផ្សារបូរីសន្តិភាព២ បានលើកឡើងថា លោកបានសំណូមពរទៅលោកឧកញ៉ា ជាម្ចាស់ផ្សាររួចចេញលិខិតមួយជូនក្រុមអាជីវករដោយសន្យា ឲ្យក្រុមអាជីវករលក់ដូរធម្មតាវិញ ដោយមិនមានការទិញលក់តូបអីនោះទេ។</span></p>
<p><span style="color: #000000;">ជុំវិញការប្រមូលផ្តុំគ្នានោះ លោក ជរ គឹមស៊រ អភិបាលរងខណ្ឌដង្កោ តំណាងលោក នុត ពុធដារ៉ា អភិបាលខណ្ឌ បានចុះសម្របសម្រួលភ្លាមៗ រវាងភាគីប្រធានផ្សារនិងក្រុមអាជីវករផ្សារ ដោយតម្រូវឲ្យតំណាងអាជីវករផ្សារចំនួន១៥នាក់ មកជួបពិភាក្សាគ្នា ជាមួយតំណាងផ្សារសន្តិភាព២ នៅសាលាខណ្ឌដង្កោ ដើម្បីរកដំណោះស្រាយ ឲ្យសមស្របកុំឲ្យមានភាពអយុត្តិធម៌ ទៅលើកភាគីណាមួយ។</span></p>
<p><span style="color: #000000;">សម្រាប់ការតវ៉ាខាងលើនេះ គេសង្កេតឃើញក្រុមអាជីវករទាំងនោះបានកាន់រូបថតសម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា សម្តេចកិតិ្តព្រឹទ្ធបណ្ឌិត និងទង់គណបក្សប្រជាជនកម្ពុជាផងដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/3/2/1-02-03-2017--16-07-22.png"><img src="/FileManager/Articles/mce/2017/3/2/1-02-03-2017--16-07-22.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2017/010/fn-2017-03-02-14-25-22-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-03-02-14-25-22-1.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-03-02-14-25-22-2.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-03-02-14-25-22-3.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-03-02-14-25-23-4.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2017/010/fn-2017-03-02-14-25-23-5.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>