<p><span style="color: #000000;"><strong>(ភ្នំពេញ)៖</strong> <strong>«ទោះជាស្ថិតក្នុងស្ថានភាពលំបាកយ៉ាងណា ខ្ញុំមានឆន្ទៈរឹងមាំ ស្វែងរកការពិត និងយុត្តិធម៌សង្គម ខ្ញុំមិនទោទន់ មិនផ្កាប់មុខ មិនចំណុះ អ្នកនយោបាយទេ»</strong> នេះជាខ្លឹមសាររបស់កញ្ញា ធី សុវណ្ណថា បង្ហាញនៅលើ Facebook របស់កញ្ញា នៅរសៀលថ្ងៃទី១៨ ខែមីនា ឆ្នាំ២០១៦។</span></p>
<p><span style="color: #000000;">ការបង្ហាញខ្លឹមសារអត្តន័យថា <strong>«រូបនាងនៅតែមានឆន្ទៈរឹងមាំ ស្វែងរកការពិត និងមិនទោទន់ មិនផ្កាប់មុខ មិនចំណុះអ្នកនយោបាយ»</strong> ខាងលើនេះ ធ្វើឡើងបន្ទាប់ពីមានរូបនាង ទទួលរងនូវការរិះគន់មួយចំនួន ពីសំណាក់អ្នកគាំទ្រផ្កាប់មុខ របស់គណបក្សសង្គ្រោះជាតិ ពាក់ព័ន្ធនឹងការដាក់ពាក្យបណ្តឹង ទៅកាន់សាលាដំបូងរាជធានីភ្នំពេញ ពាក់ព័ន្ធសារសម្លេងបរិហាកេរ្តិ៍នាង ពីសំណាក់លោក កឹម សុខា ជាមួយស្រីស្នេហ៍ (អាមុំ) នេះបើយោង តាមលិខិតរបស់នាងនៅល្ងាចថ្ងៃទី០១ ខែមីនានេះកន្លងទៅ។</span></p>
<p><span style="color: #000000;">សូមជំរាបថា នៅរាត្រីថ្ងៃទី២៩ ខែកុម្ភៈ ឆ្នាំ២០១៦នេះ បន្ទាប់ពីស្រីស្នេហ៍របស់លោក កឹម សុខា (ឈ្មោះស្រីមុំ) ទម្លាយរឿងលួចលាក់ស្នេហា ជាមួយលោក កឹម សុខា និងបញ្ហាមិនទទួលខុសត្រូវរបស់លោក កឹម សុខា ព្រមទាំង មន្រ្តីសកម្មជន CNRP ដែលមាន Facebook ឈ្មោះ «រឿងពិត CNRP» បានបន្តទម្លាយសម្លេងលោក កឹម សុខា និយាយដើមកញ្ញា ធី សុវណ្ណថា។</span></p>
<p><span style="color: #000000;">នៅក្នុងសម្លេងជិត៥នាទីនោះលោក កឹម សុខា បាននិយាយថា៖ <strong>«ធី សុវណ្ណថា ថាជាក្មេងស្រីដែលសុំគាត់ធ្វើការតាំងពី នៅគណបក្សសិទ្ធិមនុស្ស ហើយចុងក្រោយនេះ លោក កឹម សុខា ចោទថា កញ្ញា ធី សុវណ្ណថា បានឈ្លោះគ្នាជាមួយ គណបក្សសង្គ្រោះជាតិ ឈ្លោះគ្នាជាមួយកូនស្រីរបស់គាត់ និងថា ធី សុវណ្ណថា ឈប់ពីសង្គ្រោះជាតិយូរហើយ»</strong>៕</span></p>
<p><span style="color: #000000;"><br /></span></p>
<p> </p>
<p style="padding: 0px 0px 12px; margin: 0px; border: 0px; outline: 0px; font-size: 12px; text-align: right; background: transparent;"><span style="padding: 0px; margin: 0px; border: 0px; outline: 0px; font-size: 12px; color: #000000; background: transparent;">ផ្តល់សិទ្ធដោយ ៖ ហ្វ្រេសញូវអាស៊ី</span></p>